السلام عليكم انا النهارده بغلف اللوجان كلها بطبقه بلاستيك عشان التجاريح والخربشه اللي بتتعرض ليها العربية وجاري تصوير كل ما يحدث وهرفعه ان شاء الله
عرض للطباعة
السلام عليكم انا النهارده بغلف اللوجان كلها بطبقه بلاستيك عشان التجاريح والخربشه اللي بتتعرض ليها العربية وجاري تصوير كل ما يحدث وهرفعه ان شاء الله
منتظرين الصور ومعلومات اكثر
بالتوفيق
وعايزين نعرف فين وبكام
منتظرين الصور والتكلفه والمكونات المستخدمه
وشكرا والف مبروك على حموميه العيد:36_1_1[1]:
منتظرين الصور ياباشا
إيه الإفتكاسات الحلوة دي :)
متابع و منتظر النتيجة :)
كلنا مستنينك :rfds:
منتظرييين على احر من الجمر
فكرة حلوة اوى بس لما اعرف ايه معنى تغليف
وفى انتظار الصور
يا جماله
بس معلش استفسار بسيط كدة
الطبقة بتعت البلاستك دا قد ايه
يعنى طبقة سميكة بحيث لو حد حب يشخط العربية بمسمار يحميها ؟
حاجة تانى لو لا قدر الله حصل بالفعل واتأثر بتجريح بواسطة مسمار او اى حاجة تانى حصلت مش ممكن يطلع ليه بروز ويتشد منها باقى التغليف ؟
لا حاجة حلوة بجد
هوا كلفك قد ايه ؟
منتظرين
هي تقريبا زي تفييم الفوانيس مع الفارق انها بتبقي شفافة وفي منها بالوان بس لون مش شفاف
اانا عايز اعرف التكلفه هتبقى ف حدود كام
مبرووووووك من الاعماق والى الامام وبالتوفيق يارب
متابع بـ اهتمام
وانا كماااااااااااان دي حاجة هم جدا
عاوز اعرف حاجتين لو تسمح
اتكلفت كام ؟
طيب هل الاكصدامات كلها بتتعمل من غير ما تتحل
بتتعمل فين ؟
شكرا ليك
يا باشا احنا من امبارح مستنيين التفاصيل و الصور و التكاليف
انت فين يا ريس ؟؟؟؟؟؟؟؟
فى الانتظار
يا ريت تفاصيل اكتر والتكلفة حتى لو بالتقريب وبتعمل فين
فكرة جامدة أوى...منتظرين الصور...:Ta_clap[1]:
اسف ع التأخير في بعض الصور موجوده دلوقتي بس انا مش بعرف ارفع الصور ياريت حد يقولي ارفعها ازاي وبالنسبه للتكلفه في درجتين درجه اولي بتكلف 700 جنية ودي منفعتش معايا عشان لون العربية مش اسود ساده وفي درجة تانيه كلفت 500 ودي اللي نفعت مع عربيتي وياريت حد يقولي أرفع الصور إزاي
وبالنسبه للاكصدامات بتتعمل عادي خالص وهيا راكبة
متابع و فكرة جميلة جدا
ياباشا اى موضع رفع صور علطول ارفع عليه او ارفعها ع الفيس بوك وهات الرابط بتاع الصور وحطه ف الموضع بعد الضغط علامه الصوره وحط الرابط وهى هتظهر
منتظر
ممكمن تكون مفيده للون بتاهى الى بيتوسخ بسرعه وتحميه من الخرابيش طب هى مضره للدهان بعد فتره طويله ؟
جامد يمان هى صوره العربيه ف النهار بعد ماحطيت البلاستيك
ولا المهم حلو
جامد موووووت الحوار ده
بس ياريت تكمل مشوارك وتقولنا
عملتها فين بالضبط ؟
ورقم التليفون
وانت متأكد من ان مفيش اي اضرار بعد كدة على اي حاجة ؟
وايه موقف الضمان او التأمين من الحوار ده ؟
ويعني ايه ان عربيتك مش اسود ساده عشان كده منفعش معاها الحوار الاولاني الي ب 700 ؟
انا معايا نبيتي ايه نظامها ؟
معلش انا اسف طولت عليك , بس عشان يبقى الموضوع
كامل من كله
والفايده تعم عالكل ياباشا
فكرة جامدة جداااا بس المشكلة انها جت متأخر :(
اولا الموضوع مفيهوش اى اضرار ولا حاجه دا يا باشا زى مايكون معاك موبايل ومركب جراب وبالنسبه للون لوحضرتك ركزت هتلاقى خرزه صغيره جدا ذهبى موجوده فى لون العربيه هيا دى بقى اللى عامله المشكله اما اللون النبيتى فهو احلى الالوان اللى اتعمل معاها الموضوع دا نيجى بقى للمشكله الكبيره ان انا من كفر الشيخ واللى بيعمل الموضوع دا واحد صاحبى وانا كلمته وهو مستعد يجى اى مكان حضراتكم عاوزينه لو متقدروش تيجو كفر الشيخ بس عشان هو يروح اى مكان عاوز عدد بقى يعنى مش عربيه او اتنين على الاقل 3 او4 عربيات واى استفسار انا تحت امركم
جامد جدا
وشكرا ليك جدا
طب لون االاسود يمان هيبى عامل عليه حلو ولا
وتتكلف كام