استفسار هام جدا جداً لوحوش الطريق

**hook1st** · 22-11-2009 02:55 PM

مبدئياً احلي سلام لأحلي منتدي واحلي شباب دي اول مرة اشارك لكن انا من زمان متابع لهذا المنتدي الرائع اللي بستفيد منه جامد .
انا عندي لادا 2107 موديل 2005 ففكرت اشوف النيفا الجديدة وخصوصاً اني بحب العربيات 4X4
بس كانت عندي استفسار ازاي تكون النيفا الجديدة 4X4 وكبالن هل يعني ان قدام كبالن وورا كورونا ولا ايه انا محتاج حد يفهمني طريقة الدفع الرباعي في النيفا وهل هناك مشاكل في الكبالن بتاعة النيفا يعني تغيير كوتش الكوبلن كل فترة وكدا ولا ايه
مع الشكر .

**Abdm** · 22-11-2009 04:22 PM

أنا معنديش معلومات عن سؤال حضرتك لكن اللى معاهم نيفا ان شاء الله يجوبوك لكن بمناسبة انى حضرتك معاك لادا فأنا عايز أشترى الروسى بس خايف جدا من موضوع البيض بتاع المقص وانة ممكن يملص فى أى وقت وأعمل حدثة . هل تم عمل تعديلات فى الروسى بخصوص البيض ولا التعديلات اتعملت فى المصرى بس ويا ريت الاخوة فى القسم أيضا يجوبوا على هذا السؤال لانة مهم جدا وسوف يتوقف علية شراء السيارة من عدمة ويا ريت حضرتك تكلمنى شوية عن حل أو علاج لهذة المشكلة وجزاكم الله خيرا

**hook1st** · 23-11-2009 10:57 AM

استاذ Abdm
بيض اللادا عدلوه كان الاول كبس دلوقتي بقي تعشيق منه فيه دا حسب كلام التوكيل بس بصراحة وعن تجربة انا معايا العربية من 2005 وطحنها موززززززز عاملة دلوقتي 53000 وفعلاً العربية عفشتها رهيبة جدا ومتقلقش انشاء الله يعجبك الدب الروسي وحش الطرق المصرية.