هو انت !!! ؟
ههههههههه بهزر طبعا انا ماشوفتكش خالص قبل كده
بثراحة انا قرفت من الطريق ده كل يوم من القاهرة لبنها لحد لما الواحد خلااااااااااااااااص :36_1_2[1]:
عرض للطباعة
كلها كام مرة هتلاقي نفسك حفظت الطريق
موضوع انك تمشي ورا عربية دة مينفعش غير بالليل في الروقان لكن بالنهار صعب جدا ، وانا بعمل كدة في الطرق الداخلية اللي مش عارفها علشان المطبات اللي بتكون بين البلاد
وأسلم حاجة انك تمسك الحارة اللي في النص مع مراعاة انك لو شايف الطريق هيقفل قدامك تاخد الشمال من بدري علشان ميجيش حد يزنقك ومتعرفش تاخد شمال
مع احترامى للاخ صاحب الموضوع بس سواقين الميكروباص نمر القليوبيه والمنوفيه دول اخر ناس تمشى وراهم سواقتهم زى الزفت ومعندهمش اى اخلاق فى السواقه وينضم اليهم نمر الغربيه بجميع انواعها .. نصيحه من اخ اذا لقيت اى عربيه نمر غربيه ابعد عنه على طول لان غالبيتهم معندهمش اى ذوق فى السواقه وتلاقيه عمال يكسر على كل الناس اللى ماشيه على الطريق ويزنق نفسه بين العربيات علشان يلحق ياخد الكأس اللى فى نهايه السباق ..
اكتر ناس شفتهم بيبقوا محترمين جداا فى السواقه على الطريق الزراعى ملاكى القليوبيه بصراحه قمه فى الذوق فى القياده
الكلام طبعا بدون تعميم
انا مش عارف اشمعنى يعنى بتوع الغربيه مش بيعرفو يسوقو ؟؟
عيب وراثى مثلا ؟؟
مصر كلها غالبيتها مش بيعرفو يسوقو ...
مش الغربيه بس ولا محافظه معينه ...
طيب ما فى القاهره بحس انهم مش عارفين ان فى مرايات فى العربيه و مش بيبصو فيها !!!
مش معنى كده انى اقول ان القاهره مش بيعرفو يسوقو ...
كل محافظات مصر و كل الى بيسوقو فى مصر غالبيتهم مش بيعرف يسوق ...
يا أخ محمود انت شايل هم مشوار مرة كل اسبوع ولا اسبوعين !!!
أمال اللى رايح جاى كل يوم يعمل إيه سواء راكب ملاكى ولا أجرة :beatdeadhorse5:
بس موضوع الزق ورا ميكروباص ده ما أنصحكش بيه خالص :N_no[1]:
لأنه ممكن بكل بساطة يلبسك فى الحيط ودايما قرارات أى سواق ميكروباص بتبقى فى أوقات حرجة وغرزه ضيقة
أسلم حاجة تسوق بطريقة معتدلة طول الطريق ومش مهم توصل بدرى المهم توصل بالسلامة
وتختار أوقات غير مزدحمة مروريا أى السير فى غير أوقات تكدس المواصلات
البعد كل البعد عن أى عربية نقل أيا كان نوعها حتى لو كانت ربع نقل الدبابة اللى محملة أقساط لبن وكمان الميكروباص
الانتباه ومتابعة المرايات كل لحظة خاصة جهة اليمين للتأكد من عدم تخطى أى عربية ليك من اليمين وما أكثرهم
السير فى الحارة المتوسطة والتخطى من الحارة اليسرى
خلى دايما عندك بعد نظر للطريق وراقب سلوك العربيات اللى ماشية حواليك وتوقع مسبقا الطريق لو وقف أو فيه ملف للرجوع للخلف أو غيرها من ظروف الطريق
المهم ربنا يجيبك بالسلامة ياسيدى وإن شاء الله
يكفيك ويكفينا شر الطريق :ask:
هدى اعصابك يا عم خالد :)
انا قلت الكلام من غير تعميم ..انا مقلتش كل الناس ... بس بصراحه وبدون زعل انا ملاحظ موضوع الغربيه ده من زمان وحصل قدامى كذا حادثه كانوا اللى سايقين وتسببوا فى الحوادث من نمر الغربيه ..ولاحظت مرات كتيير لما واحد يجيى من ورا زى الصاروخ وعمال ياخد غرز ويكسر على الناس وفاكر الطريق بتاعه لوحده بيبقى نمر غربيه مش عارف لييه ؟
هتقولى ماهوا كل المحافظات فيها حوداث وكله عمال يخبط كله ..اقولك ماشى وفيه ناس فعلا فى القاهره والمنصوره وف كل حته فى مصر معندهمش ذوق ولا اخلاق فى السواقه بس المشكله ان نمر الغربيه بالذات وخاصه عربيات النقل والنصف نقل هيا اللى نسبتها اكتر فى الموضوع ده
وماتزعلش تانى مره علشان انا مش بعمم الكلام :) ولو شفتك على الطريق ان شاء الله هاديلك نور عالى علشان توسع :Oc_sun1[1]:
الفكره جميله وانا احيانا بنفذها فى بعض الطرق
بالنسية للطريق الزرعي مليان ناس مش فاهمة وشاربة وعميانة !
ناهيك عن العربيات الي كانت محملة طوب وزلط وماشية تكمل عالناس الي ماشية !
انا اسبوعيا باخد الطريق رايح جاي وكل مرة عندك فيلم جديد ممكن يتحكي !
نصيحتي ماتمشيش ورا اي حد ! ودايما قلب نور او كلكس قبل متعدي واحد سواء يمين او شمال ! وخلي بالك من المنطقة الي من بعد بنها لغاية طنطا عشان فية حتت سكنية كتير والناس بتبقي شاربة تاتولا قبل متعدي !
واهم حاجة فية رادار ارخم من ماتتصور قبل طنطا ب5كيلو والسرعة بتاعتة 60 وياسلام لو كنت ماشي 70 !!
اعتز وافتخر بنمر الغربية