الموضوع: إلا هو لية العربيات بقت التكنولوجيا بتاعتها مرعبة كدة !

المشاركة الأصلية كتبت بواسطة ehaballam

يا باشا الموضوع مش كده خالص ....لأن من ساعة مابدأ استخدام الهاي تك في العربيات والmpg اللي هو كام ميل في الجالون بيعلى وبقت الشركات تنافس بعضها في الmpg كل شركة حتى الناس اللي ماكانتش بتفرق معاهم (الامريكان يعني ) بقوا يحاولوا يرفعوا الmpg بتاعهم
أما موضوع قطع الغيار فـفي قاعدة بتقول إنك كل ماتزود انتاجك من حاجة بترخص ... يعني فاكر الموبيلات من كام سنة كانت بكام وبقت بكام ....والعمالة واحدة واحدة بيتعلموا يعني من 3 سنين كان لازم تعمل صيانة الرينو في التوكيل دلوقتي في ناس بتفهم فيها بره التوكيل .... نقطة تانية في موضوع قطع الغيار.... الوكيل بيعامل اللي بيشتري عربيات معينة على أساس إنهم ناس مستريحين فبيحط اسعار خدمة وقطع غيار غالية .... زي هوندا سيفك اللي هي في كل الدنيا عربية شباب ...هي الوكيل محسسك إنه بيبيعلك لامبوجيني مثلا وبيغلي في قطع الغيار وكده

و يا راجل إنت جيت على الكليو اللي هي من أقَل العربيات في التكنولجيا....طب قول ميجان مثلا
من الآخر زي ما قلت قبل كده 5 سنيين بالكتير وكله حيبقى كده حتى الكوري و الصيني......لإن ده بيوفر حاجات كتير في العربية زي ال abs , ebd,esp و حاجات كتير تانية ... والحاجات دي بقت أساسية علشان العربية تمشي في اوروبا...

بالظبط يا إيهاب، لأن الناس دية عارفة يعني بنزين بيوجع ميزانيتهم كل شهر

انا مشكلتي مع التكنولوجيا دية انها لما بيحصل فيها عطل العربية بتقف

انا عندي سؤال طيب لو حد عندة فكرة، هل ممكن شراء قطع الغيار المعقدة دية من الخارج و تركبيها بواسطة اي مكانيكي عادي ولا دة حيكون صعب