لو يهمك رأيى
فكر أنك تغير طقم شنبر وتعمل روديه وتغير كاوتش صباب للحفاظ على حالة المكنه كبساتم وبلوك من التلف مع الزمن
عرض للطباعة
اكيد رايك يهمني و يهمني جدا
بس المشكلة اني من يوم ما جبت العربية ديه و كل ما اجيب حاجة مش اصلية اخد فيها درس محترم و اضطر اغيرها بالاصلية
و من ذلك سالت على تكلفة طقم الشنبر و وجد طقم شنبر 1200 جنيه
البستم الواحد 750 طقم الجوانات 1500 جنيه
و ده طبعا غير ان نتيجة التصليح و الخرط مش دايما مضمونة علشان كدة قررت اني اجيب موتور استيراد و ده تمنة 2500 جنيه فاضي
طبعا الاسعار الي كتبتها ليها بدائل ممكن توصل للربع و اقل بس جودتها مش دايما مضمونة
على بركة اللهاقتباس:
علشان كدة قررت اني اجيب موتور استيراد و ده تمنة 2500 جنيه
خليك بأه مع اللى معاك دلوقتى
وأبقى حطله زيت شنبر مع الزيت
لحد ماتخلص عليه
متشكر جدا على اهتمام حضرتك
و كل سنة و انت طيب
وأنت بالصحه والسلامه
والجميع بخير
معلش انا عاوز اتعبك شوية كمان
انا نزلت دورت العربية مدة 15 دقيقة متصلة على السلانسيه و كبست كبستين صغيرين و مفيش دخنة طلعت هل ده طبيعي
الحاجة التانية ميكانيكي فورد قالي عليها ان المشكلة عندي من كاوتش الصباب هل ممكن شرح للحتة ديه و طريقة علاجها
انا عارف ان طلباتي كترت بس ان الكبير بقي ههه
هو كده وحشاقتباس:
انا نزلت دورت العربية مدة 15 دقيقة متصلة على السلانسيه و كبست كبستين صغيرين و مفيش دخنة طلعت هل ده طبيعي
دا كده ميت فل وأربعتاشر
نطلع من كده بأيه
أن الحرق الجامد يعنى الكبس الجامد
ممكن يكون هو اللى بيخللى دخنه كتير تطلع من الشكمان
الحقيقه أنا غير مقتنع كليا بوجهة نظره .....ليهاقتباس:
الحاجة التانية ميكانيكي فورد قالي عليها ان المشكلة عندي من كاوتش الصباب هل ممكن شرح للحتة ديه و طريقة علاجها
لأن السحب معاك كويس
والبوجيهات من كلامك بتطلع نظيفه ومعلهاش زيت (مش معرقه زيت )
يبقى الأحتمال الأكبر
أن التفويت عندك خفيف من بين الشنابر وغرف الحريق
مع الكبس الجامد
وأعتقد لو عاملت الموتور بسياسه بدون تحريق جامد
حيقل معاك أستهلاك الزيت
بمعنى أن كل ما تنقل بدرى (متعديش ال 3000 لفه /ق مثلا )
أو أقل بين كل نقله والتانيه
أعتقد حتاخد آداء أفضل من دورة التزييت
وكاوتش الصباب بصوره بسيطه
بيكون موجود أعلى دلايل الصبابات وحابك على كل صباب من حول ساق الصباب من فوق تقريبا
لمنع نزول زيت من منطقة التاكيهات
أثناء حركة الصبابات التردديه لفوق وتحت فى أشواط حريق الموتور
لما بيبوظ الكاوتش بيخللى البوجيهات تعرق زيت وحريق المكنه أى كلام
وممكن تقطع منك أو تبطل كمان لما تكون ماشى وبتهدى على مطب مثلا
الزيت بيطلع بكثافة لما تكون مبطل واول ما تدور؟ خصوصا لو بطلت وسبتها اكتر من نص ساعة مثلا؟
لو ده هو الوضع يبقى الموضوع ممكن نعزوه لكاوتش الصباب بالفعل
عموما انا من رأييى لو انت مش جاهز ماديا لأسوأ الاحتمالات متفتحش الموتور، قضيها زيت تقيل وخلاص، بالنسبة لزيت الريسورس (بديل العمرة) فعن تجربة مفعوله قصير الامد جدا، وبعد 10 ألاف كيلومتر تلاقى الموتور دخن تانى، كما ان الأزمة لو هى ازمة كاوتش صباب فمش هيحلها، انت استعمل زيت تقيل وممكن تستعمل معاه زيت شمبر لحدا ما تفتح الموتور وتكون جاهز انك ممكن تغيره لو استلزم الأمر