الموضوع: ارجو الشرح من الرواد علشان انا وقفت

المكنة بتاكل زيت من يوم ما جبت العربية من سنة و نص بمعدل ثابت حوالى نص كيلو زيت لكل 1000 كم
و مكنتش بتعمل موضوع الدخنة
و لحد دلوقتي العربية بتمشي كويس و كويس قوي

الدخنة دي بتكون الصبح بس وبتروح بعد ماتسخن ولا مستمرة على طول؟

المشاركة الأصلية كتبت بواسطة samirayad

هم بيقولولك خلاص على أيه
يعنى الموتور بالسلامه ولا أيه
الموضوع كله
أن عندك الشنابر خفيفه شويه (مش أكتر )

ياباش مهندس اصل الناس دي لازم تخوفك علشان تشتغل وحتى أنت لو كنت ناوي تستنى شوية لما ربنا يسهل لما تلاقيهم بيقولولك كدة تحس ان العربية مش هتوصلك حتى لحد البيت فاتضطر تخلي الصنايعي يشتغل حتى لو هتزنق نفسك

انا عربيتي من ساعت ماشتريتها من 3سنين ونص روحت عملت إختبار كبس الراجل قالي الموتور كبسة مش كويس ومحتاج طقم شنبر قريب جداً

انا طبعا نفضتله وعامل بالعربية لحد دلوقتي اكتر من 55000كم والحياة زي الفل همو يدوب الزيت بعد الغيار بـ1000كم بيبتدي ينقص بزودة لحد ميعاد الغيار اللي بعدة
والعربية بسافر مطروح (وان شوت) منغير ما أقف في الطريق ومشوار شغلي اليومي دلوقتي 180كم يوميا رايح جاي والعربية ماشاء الله سحبها كويس واستهلاك البزين ممتاز وبتجيب اخر سرعة على حسب الكتالوج
مفيش بس غير شوية عادم أبيض الصبح بدري ودة مظهرش غير في اليومين البرد دول وممكن يكون بخار ماء الله أعلم لسة ماتابعتوش

وكل فترة كبيرة بلاقي عمة الهواء من جوة معرقة زيت من الفايظ وعلى الحرف الكاوتش بتاع الفلتر بمسحة بحتة قماش علشان الفلتر مايزيتش ويعمل طين مع التراب

ومش ناوي أفتح الموتور غير لو الشكمان طلع دخنة بيضاء مستمرة علشان منضرش الناس والبيئة

علشان كدة انا كنت بسأل على العادم لو كان الصبح بس ولا مستمر معاه علشان لو الصبح بس ممكن يكون بخار ماء أو في شوية زيت مخزنين جوة الغرفة من الصبابات وخلاص

لكن لو مستمر العربية هتاكل زيت اكتر من نص ليتر في 1000كم والموضوع هيكون وسع ومحتاج يشتغل فيه

المشاركة الأصلية كتبت بواسطة samirayad

هم بيقولولك خلاص على أيه
يعنى الموتور بالسلامه ولا أيه
الموضوع كله
أن عندك الشنابر خفيفه شويه (مش أكتر )

الشنابر خفيفة ماشي بس انا الي اعرفة ان معنى الدخنة البيضة ان الموتور فوت
علشان بقي فيه زيت بيدخل غرفة الحريق
و لما الزيت بيدخل غرفة الحريق لازم البوجيهات يجي عليها زيت
انا عندي البوجيهات كلها حارقة كويس قوي

متشكر جدا على الشرح الوافي ده يا كبير
طيب هل لو حطيط زيت بديل العمرة ممكن الدخنة تروح ولا خلاص الموضوع انتهي
علشان انا هايكون عندي الفترة الي جاية شوية شغل ذيادة بالعربية و مستحرم اني اجيب موتور استيراد و اهريه في الفترة ديه