عايز اعرف اخد هواء القربة ازاي من فضلكم
عرض للطباعة
عايز اعرف اخد هواء القربة ازاي من فضلكم
بص يا باشا .. في كذا طريقه هقوللك علي 2 منهم انا باستخدمهم ؛
-والعربيه بارده خالص فك افيز الخرطوم الرفيع اللي جاي من الرادياتير وداخل ع القربه وخرج بوز الخرطوم لبره بعد ماتعديه من ورا خزان الويبر واشر . لغايه كده تمام ؟ .دور العربيه وزود ميه في القربه ايد بتزود ميه والتانيه تزود بيها للموتور من الاكسراتير . اللي هيحصل ان الميه اللي في الموتور هتزق الهوا علشان يخرج من الخرطوم لغايه ما تلاقي الميه نازله منسابه من الخرطوم .
- الطريقه التانيه انك تدور العربيه لحد ماتسخن واول ماالمروحه تدور تفتح غطا القربه بالراحه جدا وبحرص علشان برده الميه تزق الهوا . بالبلدي كده الهوا هينفس من القربه اول ما تلاقي الميه ارتفعت وهتنزل بره تقفل علطول وتكرر الموضوع ده تلات او اربع مرات لحد ما الميه منسوبها يثبت .
الله ينور ياباشا
تمام يا فادى بس اهم حاجة ياخد باله لأن المية بتبقى تحت ضغط عالى جداً ممكن تفور فيفتح بالراحة جداً
هى الأولانية بيعملوها بتوع الردياتيرات
عشان كده اكيد كويسه
مش شرط علشان الميكانيكى يعملها تبقى صح وبعين فى ميكانيكية بيعملوا التانية ..كتير منهم بيفتوا (وانا بغير المساعدين الفكترا b فيها رجلاش ورا ممكن تعلى العربية شوية منة حوالى 1سم الميكانيكى عايز يعليها من ورا بيقولى علشان تبقى انعم معاك !! قولتلة فابريكتها كانت مقفولة للاخر يعنى الراجل اللى صنعها قفلها يبقى تعملها زى ماهو عملها) فا عادى يعنى كل ميكانيكى حسب دراستة :36_1_1[1]: وفى ميكانيكة بيقفلوا غطا القربة كأنهم بيربطوا صامولة فى العفشة ودة غلط طبعا لأنة المفروض ينفس الضغط الزيادة لما هتقفلة وتقرط علية زى الصواميل الصمام هيشتغل ازاى , فى ميكانيكية بيملوا القربة للاخر!!
الطريقة الاولى بتقول نفك الخرطوم اللى رجع من الرادياتير وبالتالى الطلمبة كدة بقى ضغط القربة زى الضغط الجوى اية اللى هيمنع الهوا انة يدخل؟؟
فى التانية انت قافل الدورة كلها وبتفتح غطا القربة شوية علشان ينفس الضغط وتقفل تانى وبالتالى مفيش فرصة لدخول الهوا
و انا برضوا انت نبهتنى لحاجة مهمه موضوع ربط الغطا انا بربطه كأنه كبلن فى سره
هنزل افكه شوية
هوا ايه المشكله لما تربط غطا القربه جامد ؟
ازاي ح تربطه دا لو الغطى بايظ غيره احسن عشان يبقى واخد راحته كدا