أنا أفهم و ممكن أعذر أن موتوسيكل أو عجلة يحكوا أو يجرحوا باب العربية بالغلط, أنما أنزل الاقي باب السواق بتاع عربيتي ملعوب عليه x/o بألة حادة ده اللي بجد مش قادر أصدقه, معقول في كده في الدنيا, حسبي الله ونعم الوكيل
عرض للطباعة
أنا أفهم و ممكن أعذر أن موتوسيكل أو عجلة يحكوا أو يجرحوا باب العربية بالغلط, أنما أنزل الاقي باب السواق بتاع عربيتي ملعوب عليه x/o بألة حادة ده اللي بجد مش قادر أصدقه, معقول في كده في الدنيا, حسبي الله ونعم الوكيل
معقوله وموجده عندى
يبقى انت اكيد فى مصر
هههههههههه انا ابن عمى نزل الكلية بالعربية يوم رجع هنا البيت يبفتح الشنطة لاقى واحد كان قاعد بيزاكر وبيكتب على الشنطة اللى هو بيزاكروا
هههههههههههههههههههه x/o والتانى بيذاكر بجد الله يكون فى عونكم ياريت حضرتك توضحلنا بالصور وطريقة معالجة هذا الجيم قصدى الخدش وشكرا ليك
انا مازال عندى الجيم دة على كبوت العربية
فحلة انى غطيتة بجلد اسود وخليت الكبوت اسود
احسن حل ان الواحد يغطى العربية تجنبا للمواقف دة
طب إحمد ربنا
أنا شايف من يومين عربية فيرنا مكتوب عليها من ورا بقلم فلوماستر {إبقى إستحمى}
و تقريبا الراجل طلع بيها و مايعرفش
لا حول ولا قوه إلا بالله
لا حول ولا قوه إلا بالله
بجد حسبي الله ونعم الوكيل في كل شخص حقود
حسبي الله ونعم الوكيل
نفسي افهم حيستفاد ايه اللي عمل كده
انا العربيه بقالها معايا حوالي سنه و نص
و الحمد لله خدت الخبطة الاولي لما استلمتها اللي هي البوسة و التحيه بتاعه الشارع المصري
المهم من ساعتها الحمد لله متخبطنشي تاني
و لكن
كل التجريحات و الخدوش اللي فيها من مفاتيح الشعب المصري
كل يوم انزل الاقي حد معلم عليها و بكل انواع المفاتيح العريضة و الرفيعه و اعتقد لو واحد معوش مفتاح ممكن يستعمل ضوافرة حتي لو اتكسرت مش مشكله المهم يرضي الحاجة النفسية اللي عندة
لازم نبسط الشارع المصري احنا مش كلنا ماما و بابا اللي جايبلنا العربيه (( دة تفكير الناس )) و حتي لو ماما و بابا اللي جايبنها ماهم تعبانين فيها برضة
محدش بيعرف فلوس العربيه بتيجي ازاي
و مفيش اساسا اي احترام لممتلكات الغير
انتوا شوفتوا صور العربيات اللي كانت في الباركنج بتاع استاد القاهرة عامله ازاي
لان برضة الناس دي كانت مطمنه ان الجمهور جوة الاستاد و محدش هيخرج فجاءة
ربنا ينتقم منهم
ياراجل بسيطة اهو العيال بتلعب انا عربية ولدتى كانت لسة جية زيررو الزيرو نزلنة لقينا واحد بالحجم الكبير راسم قلب وسهمين وكاتب احمد وعفاف وحفرهاء بحاجة قوية جدا جدا طيب هو يحب وانا يتخرب بيتى كنا زمان نسمع عن حد بيحفر فى الشجرة لكن فى الشنطة لية ياعم حب بعيد عنى
كنت بعانى من المشكله دى
لما كنت بركن العربيه تحت العماره
كنت افضل طول الليل رايح جاى على البلكونه
علشان ازعق مع العيال اللى عاملينها مسطبه
ودلوقتى الحمد لله ربنا اكرمنى بجراج وريحت دماغى
موضوع الحبيبة دة انتشر اوى على العربيات لدرجة ان قريبى معاة جولف 5 وكان راكنها تحت البيت عندهم وفى نهاية الشارع من جوة لاقى مكتوب على التنك احمد بيحب فاطمة وراسم قلب وسهم :36_3_18[1]: الحمدلله ان لونها سيلفر بس اللى يدقق فيها يشوفها :_Alshmokh08[1]:
لا مهو ساب عفاف وحاليا بيحب فاطمة هههههههههههههه متقلقش كدة مش حيجيلك تانى احنا لازم نعمل تحذير فى المنتدى ويكون عنوانة احمد جالكوا خبوا عيالكو قصدى عربياتكو
الحمدلله ان لونها سيلفر بس اللى يدقق فيها يشوفها
[/quote]
اللي مزود الشكلة عندي أن العربية سودا, فباينة من بعيد بوضوح
من فترة كان واحد عامل موضوع زى كدة بس هو كان راكب جيب jeep 4x4
نزل لقى واحد كاتب لة
jeep 4x4 = 16
بعدها بيومين لقي واحد كاتب لة جنب 16علامة صح
(^_^)
شوفتها على ماتريكس جديده للاسف برده
طيب طالما بتحصل لحضرتك كتير
ركز كدا أنت مش متخانق مع حد فى الشارع
على مكان الركنه مثلا
او ساعات كتير بتنسى و تركن قدام محل مثلا
او ساعات فى ناس كده عنها هفه وتقلك محدش يركن قدام فليتى
فركز و فكر
لازم ياجمااعة تغطوا العربية اهة بيحفظها شوية
من ولاد التيييييييييييييييت دوووول
لا تزعل نفسك
دى هواية عند الشعب المصرى نابعة من الحقد الدفين على أصحاب السيارات
وأكثر من
90% من السيارات تعرضت لهذا الأغتصاب من الذئاب الحقوده
وأنا من أحد الذين يعانون من مخالب تلك الذئاب يوميا
لو مفهاش إحراج لصاحب الموضوع
مين اللى كسب ؟؟ ال x ولا ال o ؟؟
انت قصدك X/O زى الصورده دى كده
http://www14.0zz0.com/2009/11/24/08/891744573.jpg
ده التطور الطبيعى للشارع المصرى
ربنا يحرق دمهم و يقطع اديهم زي ما بيحرقوا دمنا
هههههههه
من فترة اخويا (مدرس) نزل من المدرسة لقى عيل حافرلوا اسمه الثلاثي على الكبوت (اسم اخويا) !!!
وفضلت لحد ما باعها
حاجة غريبة جدا العالم دي!!
مرة نزلت لقيت واحد قعد يحك في الارقام بتاع النمرة الورانية قلت كويس انه ماحكش بوية العربية !!!
وبرضه مفهمتش قصده ايه !!!
وحاجات كتير تفوتأ
هنعمل ايه احنا في مصر
وللأسف يا جراج (صعب) او تغطي العربية (مملة) وربنا يستر
أقسم بالله عالم معندهاش دم .. والله يا جماعة لسة راشش العربية بوهية جديدة لنج وواحد ربنا ينتقم منه قعد يحط ويقشر وخربشهالي من ورا في الشنطة ربنا ينتقم منهم جميعاً:3mla:
ربنا يهدي
الشعب ده عنده حاله نفسية الشعب ده مش طبيعي الناس دول عايزين اعادة برمجة أو تربية
[fot1]بطلوا تشجعوا المنتخب المصري وتسبوا في الجزائر (كلنا في الهم شرق)[/fot1]
طيب خد دي
عندي على الكبوت من الناحيتين يمين و شمال
نزلت مرة لقيت زي ما يكون حد كان كاتب كلام حب و كدة و بعد كدة راح شاطب عليه
يعني في كتابة بمسمار و فوقيه شخبطة بمسمار برضو
تاني يوم تقريباً حد حاول يرد عليه على الناحية التانية من الكبوت و بردو راح شاطب الي هو كتبة
و ثالث يومين لقيت مرسوم مثلثين جنب بعض
حبقى اصورهالكوا