انا عاوز واحد للفيليشيا فيه يا جماعه
عرض للطباعة
انا عاوز واحد للفيليشيا فيه يا جماعه
لازم يركب لل128 بارات لأنه بالإضافة للكلام المذكور سابقا،البارات بتعمل حاجة تانية مهمة جدا وهي انها بتخلي الفاخدتين للعربية متوازيين حتي في المطبات الجامدة و المنحنيات العاصية . وال 128 فيها الرفرف الأمامي بيفارق من الفخدة " نقاط اللحام تفك" في حالة:
مساعد مش سليم او في حالة مطب جامد.
و يؤدي الى تعويم الجزئ الأمامي للعربية و لو زاد الأمر حتخلي الكوبلنج يهرب من الجيربوكس و العربية ماتمشيش حتى لو عشقت اي نقلة.
ما تنساش تستبدل القنطرة الأمامية بأخرى محملة شوية عن اللي في العربية "تكون ذات صاج اتخن و اقوى" حتى ولو معمولة بلدي بس علشان تستحمل الشد و الجزب من الفخد و البارات في المطبات و في الفرامل الجامدة. لأن ركب عامود الإستابيليزر مثبتة بالقنطرة الأمامية
وظيفة عامود stabilizer الأمامي:
- تقليل درجة ميل جسم السيارة عن الأفقي في حالة دخول منحنيات.
- إعادة لف تارة الدركسيون و العجل الأمامي للسيارة بعد دخول المنحنى لمساعدة السيارة في السير في الخط المستقيم مرة اخرى"بدون ما احتاج الف الدركسيون تاني علشان امشي في العدل"
- تخفيف الحمل علي جلب المقص من شد و جزب للأمام و الخلف "اثناء التسارع و الفرامل"
- مساعدة تثبيت العجل الأمامي في مكانه دون التحرك للأمام او الخلف"علشان العربية ما تحدفش يمين او شمال وهي ماشية و لمنع التعويم"
و الله يا استاذ سامح 127 انا موضوع العفشه ده شاغل بالى بقاله اكتر من شهر بحث و قرائه فى مختلف المواقع
انت لخصت كل اللى انا قراته فى سطور قليله وافيه الشرح
خلاصه من الاخر
الف الف شكر
يا ريت كل الناس زيك
هو ال strut bar ده فيه منه للبيجو 405 ؟ وبيبقى بكام مثلا ؟ وهل ليه اضرار عالعربية ؟
Yes :thumbsup:
مفيش منة اى اضرار
MMamdouh
ايوه موجود لل 405
استاذ ممدوح انا بفكر جديا اركب البار عندى فى النوبيرا متعرفش اقدر الاقية استوك للعربية ولا ممكن يتعمل عمولة وتكلفتة