سؤال ياباشا. هو البستم اتكسر منك ليه؟ هل بتشد وبتجري بالعربية كتير؟ العربية كانت بتسخن منك؟ قطع الغيار اللي انت جبتها كانت مضمونة؟؟
انت كده قلقلتني علشان أنا لسه عامل عمرة من شهر. :majd(4):
عرض للطباعة
سؤال ياباشا. هو البستم اتكسر منك ليه؟ هل بتشد وبتجري بالعربية كتير؟ العربية كانت بتسخن منك؟ قطع الغيار اللي انت جبتها كانت مضمونة؟؟
انت كده قلقلتني علشان أنا لسه عامل عمرة من شهر. :majd(4):
بصراحة البستم ده اتكسر 3 مرات هو هو نفسه رقم 3 مش عارف ايه السبب حتى الميكانيكي والخراط معرفش مع العلم انا كنت عامل عمرة كـــــــــــــــاملة وخرطت الكرنك
بالنسبة لنوع قطع الغيار كنت بجيب اغلى حاجة والله بس نوع البساتم مكنش في الا النوع ده مكتوب علية ارت مصنوع في اليابان بس اعتقد انه مصنوع تحت السلم... في ناس نصحتني لو عملت عمره اركب بساتم تيواني بس اتفقت مع الميكانيكي هنروح يوم الثلاثاء بور سعيد ان شاء الله نجيب موتور واريح دماغي من صداع العمرة.
بالنسبة لسخونة العربية ابدا والله ماكنتش بتسخن نهائي المروحة كانت بتشتغل اتوماتيك .
بالنسبة لجري بالعربية انا بعد الخامس بجيب 100 -120 -140 بس
ربنا يسترها معاك والعربية تقعد معاك 10 سنين بعد العمرة
ربنا يستر.
بص أنا لما سألت على Art ده كان ب 200 جنيه. بس الميكانيكي جابلي نوع كده ب 350 جنيه (الميكانيكي أمين الحمدلله).
ربنا يكرمك وتجيب موتور حلو إن شاء الله. أنا صاحبي سقط موتور 1500 بآلات التغذية بتاعته ب 3500 جنيه من حوالي 3 شهور وماشاء الله على الموتور. بس خلي بالك هو كان عامل تعديلات في الفرامل والعفشة على ما أظن. ده غير طبعا إنه بيسخن أكتر من الموتور الأصلي علشان سعته أكبر (يعني تقريبا رادياتير جديد). من الآخر اعمل حسابك إن فيه مصاريف زيادة
الحمد لله جبت موتور من بور سعيد يوم الثلاثاء 8/12/2009
بعد اللف انا والميكانيكي لحد العصر وتشغيل اكثر من موتور وحاجة وارد اليابان وحاجة وارد الاتحاد الاوربي والواحد جاله صداع وزهقت ومليت ودي بعض اللي لا حظته :
بعض المواتير محلول جزء منها ومتركيب ممكن يكون الكارتير وممكن يكون المانافو وممكن يكون الفتيس وممكن يكون الكربراتير (هتقولي عرفت ازاي هقولك الميكانيكي هو اللي عرف مش انا بتظهر اما من المسامير او السيلكون اللي بين الاجزاء وبعضها) واللي تلاقيها مش حاله حاجة خاص تلاقيها مرشحة بعض الزيت عليها وفيها بوش بسيط في الكرنك او نفخ بسيط جدا طالع من ماسورة قياس الزيت..
واليكم بعض التكلفة
الموتور ب 2000 جنيه
افراج جمركي وتخليص ورق 100 جنيه
العيال اللي شغلت وجربت وشالت وحطت 50 جنيه
30 جنيه وانت طالع من الجمارك معرفش بتوع ايه ؟!!!!!
غير بقى اجرة الميكانيكي انت وشطارتك معاه غير بقى الزيوت
زيت الفتيس 42 جنيه 3 كيلو اسو
زيت الموتور لو هتجيب اسو 59 او توتال 2500 ب 54 او شل الاحمر ب 58 حسب استخدامك بس انصحك تجيب اول مره زيت كالتكس ابو 35 جنيه تغسل بيه الموتور من جوه وتغيره بعدها بيومين او ثلاثة وتحط زيت نوعه كويس بعد كده
شوية مصاريف باقية وكهرباء وكده
المهم الاجمالي وصل 2480 جنيه
بعض ملاحظاتي على الموتور:
1- الحمد لله الموتور كويس وربنا يسترها معاي ومع كل الاعضاء الكرام ويباركلي في الموتور.
2- طرمبة البنزين كانت لا تعمل قمنا بحل الطرمبة القدمية من الموتور القديم وتشغيل السيارة عليها لكن بعد كده خمرنه الطرمبة الجديدة في البنزين وفضلنا ندوس على الدراع لحد ما حضرت والحمد لله وسنقوم بتركيبها حين الانتهاء من بعض امور الصيانة.
3-ساعة الحرارة كانت لا تعمل قمنا باستبدالها بالساعة القديمة( لا ادري ما سبب عدم عملها اللي يعرف يقولي هل ممكن الركنه بتعت الموتور هي السبب ؟!!! )
4-ساعة الزيت كانت لا تعمل قمنا باستبدالها بالساعة القديمة(لا ادري ما سبب عدم عملها اللي يعرف يقولي هل ممكن الركنه بتعت الموتور هي السبب ؟!!! )
5-طرمبة المياة فيها صوت خشونه رهيب ومزعج الميكانيكي قالي امشي بيها يومين ولو ما نعمتش تعال نحلها ونركب الطرمبة القديمة.(ايه رأيكم ؟)
حبيت افيد الاعضاء اللي ناوين يغيرو مواتيرهم
والسلام عليكم
ارجوكم تدعولي ربنا يتمم على خير ويباركلي في الموتو
ألف مبروك ياباشا وربنا يباركلك في الموتور.
ماقلتلناش الموتور كام سي سي؟
وانت حاسس بفرق دلوقتي؟
شكرا يا باشا على ردك
الموتور 1300 سي سي بس ماشاء الله تبارك الله يادوب تدوس سنة بنزين تلاقيها سحبت وفي فرق
واضح جدا والحمد لله
أخبار الفتيس الجديد معاك ايه؟
النقلات كويسة ومستريحة ولا ايه؟
علشان بفكر أجيب فتيس استيراد قريب إن شاء الله.
الف مبروك على الموتور
انصحط تغير الاسبراتير بواحد الكتروني لو الي عندك عادي وهيفرق كتير خاصة مع الموتور الجديد هو تقريبا تمنه 150 جنيه
وتاني الف مبروك
الفتيس القديم كان 6 سرعات وكان تمام التمام وكويس وفي واحد مكلمني عليه عايزه ب500 جنيه ابيعه ولا بلاش ؟ علما ان سعره استيراد في بور سعيد 600 جنيه وممكن تنزله ل 550 او 500 انت وشطارتك وعلى فكره في فتيسات هيدروماتيك شفتها هناك بس منصحكش بيها.
الفتيس الجديد نفس الحكاية برضو 6 سرعات وماشاء الله عليه كويس وغيرت زيته حطيت 3 كيلو زيت اسو 42 جنيه
الله يبارك فيك يا باشا وشكرا على نصيحتك لي
الموتور جاي معاه اسبراتير الكتروني فعلا وكل المواتير الاستيراد في بور سعيد جاي معاها اسبراتير الكتروني
بس في سؤال ياباشا
في ناس نصحتني احط الاسبراتير القديم العادي اللي فيه ابلاتين بيقولو مبعطلش زي الالكتروني بيقولو الالكتروني اعطاااااااااله كتيرومبيتصلحش ايه رأيك؟
الموتور القديم لسه موجود
ايه رأي الاعضاء الكرام الاسبراتير الالكتروني ولا العادي؟!