الموضوع: افيدوني في موتور مازدا 323 موديل 81

ايه ياجماعة محدش رد على اسئلتي ليه؟
هو انا دخلت قسم غلط في المنتدى ولا ايه؟؟؟

أولا متفرتش في العربية الا لو هتركب جديد أو احدث بفرق واضح لأن العربية أفضل شئ في القديم الموجود في مصر من الفترة دي
ثانيا:
المواتير الاستيراد طبعا احسن بكتير من انك تعمل عمرة
المواتير موجودة في بورسعيد بكثرة وفي منها نوعين
الأول وارد من اليابان وده اغلى شوية يعني في حدود 2500
الثاني وارد من اوربا وده في حدود 2000
والفرق بينهم مش كبير وكله حسب حالته
وخلي بالك من النقط دي علشان دي عن خبرة لأني سقطت موتور من قريب


أولا لازم يكون معاك ميكانيكي شاطر وأمين ولازم تدور الموتور على الارض وتجربه واللي مايعجبكش تسيبه
ثانيا اوعى تبيع الموتور القديم لأنهم ممكن يقنعوك انه خرده وانا وقعت في الحركة دي وبعت بتاعي ب 300 جنيه بس بعد كده ندمت لأني اكتشفت اني ممكن احتاج الحاجات السليمة منه واروح اشتريها بضعف تمنه استيراد
ثالثا لو آلات التغذية عندك سليمة ممكن تشتري الموتور من غيرها ويوفرلك 500 جنيه

بالمناسبة لو انت مش عايز تسافر بورسعيد في واحد في عين شمس عنده مواتير بيجبها من بورسعيد بس لازم يكون معاك الميكانيكي يعاين المواتير علشان هو بتاع لف ودوران شوية.
لو ليك اي استفسارات تانية اسأل وان شاء الله اجاوبك

المشاركة الأصلية كتبت بواسطة lotfyonline

أولا متفرتش في العربية الا لو هتركب جديد أو احدث بفرق واضح لأن العربية أفضل شئ في القديم الموجود في مصر من الفترة دي
ثانيا:
المواتير الاستيراد طبعا احسن بكتير من انك تعمل عمرة
المواتير موجودة في بورسعيد بكثرة وفي منها نوعين
الأول وارد من اليابان وده اغلى شوية يعني في حدود 2500
الثاني وارد من اوربا وده في حدود 2000
والفرق بينهم مش كبير وكله حسب حالته
وخلي بالك من النقط دي علشان دي عن خبرة لأني سقطت موتور من قريب


أولا لازم يكون معاك ميكانيكي شاطر وأمين ولازم تدور الموتور على الارض وتجربه واللي مايعجبكش تسيبه
ثانيا اوعى تبيع الموتور القديم لأنهم ممكن يقنعوك انه خرده وانا وقعت في الحركة دي وبعت بتاعي ب 300 جنيه بس بعد كده ندمت لأني اكتشفت اني ممكن احتاج الحاجات السليمة منه واروح اشتريها بضعف تمنه استيراد
ثالثا لو آلات التغذية عندك سليمة ممكن تشتري الموتور من غيرها ويوفرلك 500 جنيه

بالمناسبة لو انت مش عايز تسافر بورسعيد في واحد في عين شمس عنده مواتير بيجبها من بورسعيد بس لازم يكون معاك الميكانيكي يعاين المواتير علشان هو بتاع لف ودوران شوية.
لو ليك اي استفسارات تانية اسأل وان شاء الله اجاوبك

الف شكر ياباشا على ردك بالنسبة لبور سعيد هي قريبة منا جدا انا من الشرقية ومفيش بيني وبينها ساعة زمن بس ربنا يسهل معانا ويرزقنا بموتور كويس اصل العملية من ناقصة مخاسر والحمدلله على كل حال.

لسه بقى سؤالين:

ايه رأيك في المواتير اللي فتيسها هيدورمتك انا شفت موتور بالفتيس هيدروماتك بتاع مازدا 83 شفتها عند واحد في الزقازيق بشتغل في الاستيراد؟

السؤال الثاني :
ممكن يركب موتور اعلى من 1300 سي سي ؟

المشاركة الأصلية كتبت بواسطة himaz

ممكن تركب موتور اعلى من 1300 بس خد بالك من الحالة ,
انا مثلا كان قدامى موتور 1300 و موتور 1500 و الاتنين بنفس السعر بس ال1300 حالتو احلى بكتير فجبت ال1300 مع انى كان نفسى اسقط التانى

شكرا على ردك ونخلينا في 1300 مضمون وعلى بركة الله بعد العيد نروح ونشوف الدنيا فيهاايه




بالنسبة بقى للمواير اللي فتيسها هيدروماتك اي ظروفها اصل قدامي موتور 1500 سي سي هيدروماتك عامل 2400 جنيه جاي استيراد
ايه رأيكم
وهل هيكون في تعديل في العفشة او الحوض او الريداتير

آسف على التأخير
ليا سؤال عن الاسباتير الالكتروني هل هو فعلا احلى من العادي لأن في اكتر من واحد خوفوني منه لأنه ممكن يعطل في أي وقت ... ارجو الرد بسرعة

المشاركة الأصلية كتبت بواسطة himaz

بص هى المشكلة حتى لو يركب من غير مشاكل , هل تضمن حالتو , ؟

الفتيس ده معتقدشى تصليحه سهل , هل لقدر الله لو هيبقى فى غيرو اليابانى ولا هتدوخ عليه حاجة تانية هيبقى بكام اسأل على كل التفاصيل ديه

بص انا معاك الموتور ال هيدروماتك اريح و اسهل فى السواقة (ممكن يكون سحب البنزين اكتر وده بيعتمد على تقل رجليك على البنزين )

المهم اسأل على كل حاجة عشان تطمن , ممكن تسال نبيل ماذدا اللى فى القلعة


ملحوظة الموتور ال1300 القديم بتاعى كان بتاع العربية موديل 82 , و انا سقطت موتور1300 موديل 84 حاجة كدة المهم انو كان الاسبراتير بتاعو اوتوماتيك مش ابلتين وكوندينسر زى الاصلى و ده طبعا احسن بكتير و اوفر
.

جزاك الله خير على ردك وان شاء يوم السبت اللي جاي او الاحد هروح بور سعيد اجيب موتور واقولكم على التفاصيل ان شاء الله بعد ما اسقط الموتور وربنا يوفق الجميع