الموضوع: افيدوني في موتور مازدا 323 موديل 81

آسف على التأخير
ليا سؤال عن الاسباتير الالكتروني هل هو فعلا احلى من العادي لأن في اكتر من واحد خوفوني منه لأنه ممكن يعطل في أي وقت ... ارجو الرد بسرعة

المشاركة الأصلية كتبت بواسطة lotfyonline

آسف على التأخير
ليا سؤال عن الاسباتير الالكتروني هل هو فعلا احلى من العادي لأن في اكتر من واحد خوفوني منه لأنه ممكن يعطل في أي وقت ... ارجو الرد بسرعة

ارجو الرد بسرعة في السؤال ده قبل ما اشتري موتور واندم بعد كده؟

ايه الافضل الاسبراتير العادي ام الالكتروني ؟؟؟؟!!!!!!!!

فعلا يا رجاله العربيه ديه من افضل السيارات الياباني علي مر التاريخ..

السلام عليكم
يا أصحاب المازدا 323 أو كل من له فيها
يا جماعة يا ريت حد يدليني على عربية بجد تكون كويسة
نفسي أشتري حاجة كويسة
بدل العك اللي بلاقيها كل يوم

مثال صغير عشان تعرفوا مدي اللعب بالناس
"عربية 323 موديل 82- مرفوعة 10 سنوات- عملت حوالي 320 ألف- موتور 1500 بس مثبوت فى الرخصة 1300 " و رقصني يا جدع
يا ريت يا عالم افيدوني انا تعبت خلاص
لكم جزيل الشكر

عمرو

المشاركة الأصلية كتبت بواسطة himaz

بص هى المشكلة حتى لو يركب من غير مشاكل , هل تضمن حالتو , ؟

الفتيس ده معتقدشى تصليحه سهل , هل لقدر الله لو هيبقى فى غيرو اليابانى ولا هتدوخ عليه حاجة تانية هيبقى بكام اسأل على كل التفاصيل ديه

بص انا معاك الموتور ال هيدروماتك اريح و اسهل فى السواقة (ممكن يكون سحب البنزين اكتر وده بيعتمد على تقل رجليك على البنزين )

المهم اسأل على كل حاجة عشان تطمن , ممكن تسال نبيل ماذدا اللى فى القلعة


ملحوظة الموتور ال1300 القديم بتاعى كان بتاع العربية موديل 82 , و انا سقطت موتور1300 موديل 84 حاجة كدة المهم انو كان الاسبراتير بتاعو اوتوماتيك مش ابلتين وكوندينسر زى الاصلى و ده طبعا احسن بكتير و اوفر
.

جزاك الله خير على ردك وان شاء يوم السبت اللي جاي او الاحد هروح بور سعيد اجيب موتور واقولكم على التفاصيل ان شاء الله بعد ما اسقط الموتور وربنا يوفق الجميع

سؤال ياباشا. هو البستم اتكسر منك ليه؟ هل بتشد وبتجري بالعربية كتير؟ العربية كانت بتسخن منك؟ قطع الغيار اللي انت جبتها كانت مضمونة؟؟
انت كده قلقلتني علشان أنا لسه عامل عمرة من شهر.

المشاركة الأصلية كتبت بواسطة gears

سؤال ياباشا. هو البستم اتكسر منك ليه؟ هل بتشد وبتجري بالعربية كتير؟ العربية كانت بتسخن منك؟ قطع الغيار اللي انت جبتها كانت مضمونة؟؟
انت كده قلقلتني علشان أنا لسه عامل عمرة من شهر.

بصراحة البستم ده اتكسر 3 مرات هو هو نفسه رقم 3 مش عارف ايه السبب حتى الميكانيكي والخراط معرفش مع العلم انا كنت عامل عمرة كـــــــــــــــاملة وخرطت الكرنك
بالنسبة لنوع قطع الغيار كنت بجيب اغلى حاجة والله بس نوع البساتم مكنش في الا النوع ده مكتوب علية ارت مصنوع في اليابان بس اعتقد انه مصنوع تحت السلم... في ناس نصحتني لو عملت عمره اركب بساتم تيواني بس اتفقت مع الميكانيكي هنروح يوم الثلاثاء بور سعيد ان شاء الله نجيب موتور واريح دماغي من صداع العمرة.

بالنسبة لسخونة العربية ابدا والله ماكنتش بتسخن نهائي المروحة كانت بتشتغل اتوماتيك .
بالنسبة لجري بالعربية انا بعد الخامس بجيب 100 -120 -140 بس

ربنا يسترها معاك والعربية تقعد معاك 10 سنين بعد العمرة

المشاركة الأصلية كتبت بواسطة hemalotfy

بصراحة البستم ده اتكسر 3 مرات هو هو نفسه رقم 3 مش عارف ايه السبب حتى الميكانيكي والخراط معرفش مع العلم انا كنت عامل عمرة كـــــــــــــــاملة وخرطت الكرنك
بالنسبة لنوع قطع الغيار كنت بجيب اغلى حاجة والله بس نوع البساتم مكنش في الا النوع ده مكتوب علية ارت مصنوع في اليابان بس اعتقد انه مصنوع تحت السلم... في ناس نصحتني لو عملت عمره اركب بساتم تيواني بس اتفقت مع الميكانيكي هنروح يوم الثلاثاء بور سعيد ان شاء الله نجيب موتور واريح دماغي من صداع العمرة.

بالنسبة لسخونة العربية ابدا والله ماكنتش بتسخن نهائي المروحة كانت بتشتغل اتوماتيك .
بالنسبة لجري بالعربية انا بعد الخامس بجيب 100 -120 -140 بس

ربنا يسترها معاك والعربية تقعد معاك 10 سنين بعد العمرة

ربنا يستر.

بص أنا لما سألت على Art ده كان ب 200 جنيه. بس الميكانيكي جابلي نوع كده ب 350 جنيه (الميكانيكي أمين الحمدلله).

ربنا يكرمك وتجيب موتور حلو إن شاء الله. أنا صاحبي سقط موتور 1500 بآلات التغذية بتاعته ب 3500 جنيه من حوالي 3 شهور وماشاء الله على الموتور. بس خلي بالك هو كان عامل تعديلات في الفرامل والعفشة على ما أظن. ده غير طبعا إنه بيسخن أكتر من الموتور الأصلي علشان سعته أكبر (يعني تقريبا رادياتير جديد). من الآخر اعمل حسابك إن فيه مصاريف زيادة

الحمد لله جبت موتور من بور سعيد يوم الثلاثاء 8/12/2009
بعد اللف انا والميكانيكي لحد العصر وتشغيل اكثر من موتور وحاجة وارد اليابان وحاجة وارد الاتحاد الاوربي والواحد جاله صداع وزهقت ومليت ودي بعض اللي لا حظته :
بعض المواتير محلول جزء منها ومتركيب ممكن يكون الكارتير وممكن يكون المانافو وممكن يكون الفتيس وممكن يكون الكربراتير (هتقولي عرفت ازاي هقولك الميكانيكي هو اللي عرف مش انا بتظهر اما من المسامير او السيلكون اللي بين الاجزاء وبعضها) واللي تلاقيها مش حاله حاجة خاص تلاقيها مرشحة بعض الزيت عليها وفيها بوش بسيط في الكرنك او نفخ بسيط جدا طالع من ماسورة قياس الزيت..

واليكم بعض التكلفة

الموتور ب 2000 جنيه
افراج جمركي وتخليص ورق 100 جنيه
العيال اللي شغلت وجربت وشالت وحطت 50 جنيه
30 جنيه وانت طالع من الجمارك معرفش بتوع ايه ؟!!!!!

غير بقى اجرة الميكانيكي انت وشطارتك معاه غير بقى الزيوت
زيت الفتيس 42 جنيه 3 كيلو اسو
زيت الموتور لو هتجيب اسو 59 او توتال 2500 ب 54 او شل الاحمر ب 58 حسب استخدامك بس انصحك تجيب اول مره زيت كالتكس ابو 35 جنيه تغسل بيه الموتور من جوه وتغيره بعدها بيومين او ثلاثة وتحط زيت نوعه كويس بعد كده

شوية مصاريف باقية وكهرباء وكده

المهم الاجمالي وصل 2480 جنيه

بعض ملاحظاتي على الموتور:
1- الحمد لله الموتور كويس وربنا يسترها معاي ومع كل الاعضاء الكرام ويباركلي في الموتور.
2- طرمبة البنزين كانت لا تعمل قمنا بحل الطرمبة القدمية من الموتور القديم وتشغيل السيارة عليها لكن بعد كده خمرنه الطرمبة الجديدة في البنزين وفضلنا ندوس على الدراع لحد ما حضرت والحمد لله وسنقوم بتركيبها حين الانتهاء من بعض امور الصيانة.
3-ساعة الحرارة كانت لا تعمل قمنا باستبدالها بالساعة القديمة( لا ادري ما سبب عدم عملها اللي يعرف يقولي هل ممكن الركنه بتعت الموتور هي السبب ؟!!! )
4-ساعة الزيت كانت لا تعمل قمنا باستبدالها بالساعة القديمة(لا ادري ما سبب عدم عملها اللي يعرف يقولي هل ممكن الركنه بتعت الموتور هي السبب ؟!!! )
5-طرمبة المياة فيها صوت خشونه رهيب ومزعج الميكانيكي قالي امشي بيها يومين ولو ما نعمتش تعال نحلها ونركب الطرمبة القديمة.(ايه رأيكم ؟)

حبيت افيد الاعضاء اللي ناوين يغيرو مواتيرهم
والسلام عليكم


ارجوكم تدعولي ربنا يتمم على خير ويباركلي في الموتو

ألف مبروك ياباشا وربنا يباركلك في الموتور.
ماقلتلناش الموتور كام سي سي؟
وانت حاسس بفرق دلوقتي؟