الكورولا 2008 الخليجى وصل

**limo** · 23-11-2007 06:33 PM

يا جماعه انا شوفت الكورولا الجديده الخليجى عند معارض وهم موتورز سيتى فى شارع النزهه ومعرض قريب من شارع دمشق بس كنت ماشى بالعربيه ومستعجل فمسألتش عنها بس عرفت انها خليجى لانها نازله بسبويلر
وسألت شركه النصر للتوزيع عن الكورولا قالى انها نزلت عندهم فى فرع فريد سميكه امام نادى الشمس وسألته عن الخليجى قالى انها يابانى وفيه زبون جاله قاله ان سعرها ب 140 الف 1600
فحد عنده فكره عن اسعار الخليجى والمواصفات الى نازله بيها ؟

**amrnader** · 23-11-2007 06:54 PM

انا سألت جابر عبد الشهيد بالتليفون قاللى الاوتوماتيك الكاملة بزينون و خلافه ب 153000 و يابانى 100%، و بكدة اعتقد نقول للتوكيل مع الف سلامة، لان غالبا شوية كدة و الخليجى اليابانى هيبقى ارخص من الجنوب افريقى غير انه كمان تسليم فورى

**makram555** · 23-11-2007 08:50 PM

علي فكره مواصفات الكورولا الخليجى تختلف تماما عن الكورولا المستورده عن طريق الوكيل

**wawoo** · 23-11-2007 09:54 PM

المشاركة الأصلية كتبت بواسطة makram555

علي فكره مواصفات الكورولا الخليجى تختلف تماما عن الكورولا المستورده عن طريق الوكيل

تخنلف تماما ازى , ممكن توضح اكتر ,اية الاختلاف تقدر تعرف و بعدين الخليجى حيكون فيها مشكلة الضمان , الا اذا كان فى حل لموضوع الضمان دة

**PRO-DRIVE** · 23-11-2007 10:04 PM

يا جماااااااااااعه الخليجي مش ياباااااااااني خااااااااااااااالص
الخليجي جايه من استراليا

**electroman** · 23-11-2007 10:07 PM

يظهرفعلا حيصل هجوم جامد للكورولا الخليجى على اساس انها يابانى مش جنوب افريقى و الناس طبعا حتفضل اليابانى ..
لقيت عند القصراوى و هو الموزع الرئيسى لتويوتا بالمهندسين تويوتا 1600 موديل 2007 بسعر 1400000 رغم انها خلصت من التوكيل من زمان .. و عنده فعلا تويوتا الجديده 2008 يابانى بمواصفات مختلفة بسيط جدا سيارات التوكيل و بسعر 140000 و 150000 و التسليم بيقولوا خلال ايام .. حرب الكورولا حتولع ..

**makram555** · 23-11-2007 10:24 PM

با النسبه للتويوتا كورولا الخليجي 1600 فيوجد نوعان نوع اسمه XLI بموتور 107 حصان وناقل حركه 4 سرعات اوتوماتيك وزجاج كهرباء واطارات 195 65 R15 اما النوع الثاني اسمه XLI سبيشيال فيضاف اليه فتحة سقف فرامل ABS وعجلات رياضية وعجلة قيادة متعددة الوظائف وسعرها في المعارض 155 الف

**Sharky** · 24-11-2007 12:37 PM

يا جماااااااااااعه الخليجي مش ياباااااااااني خااااااااااااااالص
الخليجي جايه من استراليا

للأسف المعلومة دى مش صحيحة يا تربو لإن فى جريدة الأخبار النهاردة مكتوب فيها إن نائب شركة تويوتا جنوب أفريقيا بيقول إن بيصدر الكورولا إلى أستراليا بجانب مصر و أسبانيا و فرنسا و البرتغال و إنجلترا و بعض الدول الأفريقية
يعنى واضح إن الخليجى شكله حيبقى يابانى

و كاتين كمان إن مصر الدولة الوحيدة فى الشرق الاوسط اللى حينزل منها الموديل اللى فيه الفتيس السيبترونيك

**أبو عبدالله** · 24-11-2007 02:32 PM

متهيالي يا احمد انه صح لأن استراليا بتصنع غالب سيارات تويوتا ودائما كانت بتصنع الكورولا

فمش معقولة انها تستوردها من جنوب افريقيا
ثانيا ان اليابان كانو قالو اول سنة 2007 ان الكورولا معتدتشي هتنتج من اليابان واللي في اليابان هتبقى انتاج لليابان فقط

وبعدين شوف اللي في استراليا عامله ازاي

http://www.toyota.com.au/toyota/vehi...4_0_10,00.html

غير انتاج جنوب افريقيا تماما لأنها واخده من بتاعت اليابان خالص زي الأوريون والأوريوس

**amrnader** · 24-11-2007 03:21 PM

المشاركة الأصلية كتبت بواسطة أبو عبدالله

فقط

وبعدين شوف اللي في استراليا عامله ازاي

http://www.toyota.com.au/toyota/vehi...4_0_10,00.html

غير انتاج جنوب افريقيا تماما لأنها واخده من بتاعت اليابان خالص زي الأوريون والأوريوس

لو شفت فى نفس الصفحة دية

http://www.toyota.com.au/toyota/vehi...34_0_2,00.html

هى نفس الكورولا االى نازلة عندنا، و بيستوردوها مش بيجمعوها

وتأكيد ان كورولا مبتتجمعش اساسا فى استراليا و الكلام ده من ويكيبيديا

http://en.wikipedia.org/wiki/Toyota_Corolla

اللى بتتجمع هى الكامرى

http://en.wikipedia.org/wiki/Toyota_Camry

بص على البلاد اللى بتتجمع فيها الكورولا و الكامرى، الكورولا فى منها فى اليابان و مفيش استراليا انما الكامرى فيه استراليا،

يعنى بالعربى مفيش كورولا استرالى

اذن فالخليجى يابانى