يعنى ايه العربية عايزه طقم شنبر؟؟ وياريت شرح بالصور
سؤال ومنتظر اجابته للافادة........
عرض للطباعة
يعنى ايه العربية عايزه طقم شنبر؟؟ وياريت شرح بالصور
سؤال ومنتظر اجابته للافادة........
يعنى العربية بدأ الشنبر بتاعها يتاكل ومابقاش محكم ,فبالتالى بيبدأ ينقص من عمر المكنة ,وتبدأ تاكل زيت ,بشكل ملحوظ,ودخنة من الشكمان بلون مائل للازرق,وحرارة مرتفعة ,وكبس ضعيف ,بس هاتلاقيها سحبها حلو بس مافيش سرعة قصوى يعنى هاتقل السرعة القصوى لان العزم هايروح عند السرعات العالية
لا انا عندى العربية تمام والحمد لله ولكن السؤال للمعرفة مش اكتر
بس عندى سؤال تانى هو صوت التكة الى بتبقى باينة والعربية بارده فى اول اليوم وهيا على السلانسية واحيانا بتبان اكتر على السرعات البطيئة دى ايه بالضبط؟؟؟
كدة ياباشا هاتظبط تاكيهات مارحش يبقى كدة العربية ممكن يكون عمود التاكيهات فية حاجة او عندك صمام معوج
مع احترامى لكل الاراء ولكن انا عايز رأى باشمهندس سمير عياد
فى حكاية صوت التكتكه الى بتبقى فى العربية وهيا بارده واحيانا فى السلانسية صوت تك تك تك خفيف اكيد الى عنده خبره يعرف القصة دى...
على فكرة الصوت ده كان عندي قبل ما اعمل عمرة.
صوت التاكيهات كان بيبقى عالي والعربية باردة ولما العربية تسخن بيروح الصوت تقريبا.
اظبط تاكيهات والدنيا تبقى تمام إن شاء الله.
صوت التكتكة دة بيكون من التكيهات
وفى نوعين من التكيهات النوع العادى ودة بيحتاج ان الميكانيكى يفتح التكيهات او يقفلها شوية وغالبا بيكون مرة فى الصيف ومرة فى الشتا
والنوع التانى الهيدروليكى ودة الظبط فية اتوماتيك بتظبت نفسها وملهاش ظبت يدوى وعند حدوث صوت التكة بيكون غالبا من بلوف التكيهات فى بلف محتاج يتغير وهو اللى عامل الصوت دة (عن تجربة شخصية )
ممكن تكون التاكيهات فيها زيت محروق الحل اولا هات الفلاش بتاع غسل الماتور من جوه وسيبه 5 دقائق وغير زيت وفلتر طبعا و حط زيت جديد و خد مشوار طويل بيها و ان شاء الله الصوت يروح