الموضوع: عمة كربراتير ال128 والمزيتة بتاعتها

وهوة الفلتر دة ابو 250جنية هايعمل اية يعنى يا عم الحاج خليها كدة حلوة قوى مش هاينوبك غير دفع الفلوس فى كلام فاضى ومش هاتحس بفرق غير فى الصوت لما تقرص جامد على العربية فى حرق الغيارات يعنى لما تجيب اخر الغيار هاتسمع صوت الهوا وهوة داخل الفلتر بيعمل زى التربو كدة فوووووووووووو
وبعدين لامؤاخذة يعنى انا مش فاهم لية يعنى اجيبلها فلتر ب 250 جنية وهية يعنى هاتبقى اية طلعت نزلت 128 وبصراحة العربية دى بنت حلال ومش عايز حد يقسى عليها قوى ويركبلها حاجات غريبة وطبعا مش هايلاحظ اى تغيير لا فى السحب ولا فى العزم والكلام دة
الى تفرق معاهم العربيات الجديدة الى شغالة على حساسات والكلام الكبير دة انما دى يا عمنا 128 يعنى سياتك لما تبقى الغزالة رايقة معاك كدة تجبلها طقم ابلاتين وكوندنسر وبوجيهات من ام 80 جنية دة اخرها وتغير الفلاتر بتاعهتا وشوف هاتديك اية احلى شغل واحلى اداء
انما فلتر رياضى بقى والكلام دة معلش مع احترامى لكل الى بيعملة دة فى نظرى رمى فلوس على الارض
وعلى فكرة يا استاذ محمد فريد العربية والله كدة حلوة قوى انا شايفها كدة يعنى مش شايف فى الصورة اى تعريق زيت ولا حاجة على وش المكنة يعنى تحمد ربنا على كدة وحلو قوى تمام
معلش دول كلمتين كانو مزنوقين وطلعو

مش حقول لحضرتك غير شيل العمه وشيل فلتر الهواء وجرب سحب العربيه وانت تعرف الفرق بين الفلتر الاسبور والقلتر العادى
على فكره هى دى فكره الفلتر الاسبور بالبلدى انك بتدخل الهواء كله للكاربراتير بس متفلتر من التراب
ده غير انك فى ايدك تبعده عن الهواء الساخن وتحطه تحت فتحه الكابوت عشان ياخد هوا بارد
فى النهايه كل واحد ودماغه يعنى الى بينقخوا ويركبو فايبر ويصرفو اد تمن العربيه تعديلات على الشكل فقط تقول عليهم ايه والله كل واحد ودماغه والى يريحه بيعمله

صحيح على رائيك فى ناس بتصرف قد تمن العربية
بس انا قصدى يعنى ان الفلتر دة مش هايتوسخ من التراب الى فى الجو يعنى هايبقى عامل زى الفلتر العادى الى انا بركبة فى العمة وبعدين دة انا بطلع الفلتر العادى دة من العمة وهوة مالهوش ملامح مانتاش عارف دة كان لونة الاصلى اية من كتر الهباب والتراب الى شايلة وبعدين معلش برضة مش فاهم يعنى هوة الحتة الى الفتر دى الرياضى بترمى ولا بتتغير كل قد اية
بس يا اخى والله الفلتر الرياضى دة شكلة تحفة استخسر انة يتملى تراب من الشارع دة اركبة واتصور جنبة الاول قبل مايتوسخ وكل شوية ابقى افتح الكبوت ابص علية اشوفة لونة بقى اية
وفى الاخر زى ماحضرتك قلت كل واحد ودماغة
وعلى فكرة انا كنت ماشى من غير عمة خالص لفترة وكنت بسافر بيها من المنصورة اسكندرية وبصراحة كان عاجبنى صوت الموتور قوى لانة كان عامل زى التربو بس كنت حاسس ان شوية والمكنة هاتسيب الكبوت وتييجى تقعد جنبى على الكرسى

صحيح على رائيك فى ناس بتصرف قد تمن العربية
بس انا قصدى يعنى ان الفلتر دة مش هايتوسخ من التراب الى فى الجو يعنى هايبقى عامل زى الفلتر العادى الى انا بركبة فى العمة وبعدين دة انا بطلع الفلتر العادى دة من العمة وهوة مالهوش ملامح مانتاش عارف دة كان لونة الاصلى اية من كتر الهباب والتراب الى شايلة وبعدين معلش برضة مش فاهم يعنى هوة الحتة الى الفتر دى الرياضى بترمى ولا بتتغير كل قد اية
بس يا اخى والله الفلتر الرياضى دة شكلة تحفة استخسر انة يتملى تراب من الشارع دة اركبة واتصور جنبة الاول قبل مايتوسخ وكل شوية ابقى افتح الكبوت ابص علية اشوفة لونة بقى اية
وفى الاخر زى ماحضرتك قلت كل واحد ودماغة
وعلى فكرة انا كنت ماشى من غير عمة خالص لفترة وكنت بسافر بيها من المنصورة اسكندرية وبصراحة كان عاجبنى صوت الموتور قوى لانة كان عامل زى التربو بس كنت حاسس ان شوية والمكنة هاتسيب الكبوت وتييجى تقعد جنبى على الكرسى

حلوه اوى حكايه المكنه تسيب الكابوت وتقعد جنبك هههههههههه
اهو انت كده فهمت قصدى فى موضوع انك شلت العمه وحسيت بالفرق بس ده غلط على البساتم طبعا لانه التراب بيجرحهها
بص احلى احلى ميزه فى الفلتر الاسبور انك تفكه وتغسله وفيه انواع بتزيتها كمان كل فتره وده طبعا اوفر من تغير فلتر عادى كل شويه احسبها حتلاقى الفرق فى السعر مش كبير والسحب اكيد احسن

وعلى فكره هو سعره بيبتدى من 80 جنيه بس الصينى

لا عادى انا فاصله أساسا بس حاسس ان العربية بتنتش

طيب انا معنديش الدراع اللى مكمل من العمه دا يعنى العمه اللى فوق الكابراتير و شكرا يا ترى دا فيه عيب على العربيه

بص هو عادى مدام الفلتر موجود
بس الدراع ده او الماسوره دى وظيفتها انها تسحب هواء بارد بعيد عن الموتور والهواء السخن الى طالع منه عشان ميأثرش على السحب
وعشان كده تلاقيها على طول موجهه ناحيه الشبكه الاماميه