جين 2 من الداخل الكولتى بتاعتها خوفتنى اوى

**AhmedElwakeal** · 22-09-2010 10:08 AM

انا ياجماعة كنت رايح احجز امبترح ودخلت العربية بس حسيت ان الكولتى بتاعة العربية مش زى عربيات تانية كتير اقل منها بصراحة خفت شوية وقت ابقى ارجعلكو اية اخبار العفشة الداخلية بتاعتها متينة ولا لا

الا انا خايف جدا منها

وبصراحة عاوز اخلص فيها بسرعة قبل التمن ما يزيد

**khpopo** · 22-09-2010 10:42 AM

لو مش مستريح ليها بلاش شوف حاجه تانيه تعجبك عشان محدش هيقدر يقنعك بحاجه انت مش مقتنع بيها
لكن الى اقدر اقولك عليه مندمتش انى جبنها ومش عارف اغيرها بى ايه دلوقتى ومنتظر حاجه جديده منها وتكون مختلفه لانها الحمدلله مريحانى
ربنا يوفق

**ahmedfathy77** · 22-09-2010 11:15 AM

شوف حضرتك لو العربيه بالنسبه لحضرتك هي قلة جودة خامات بعض حاجات يبقي اوعي تشتريها علي الرغم ان خاماتها مش الفرق الفظيع عن العربيات في فئتها انما لو العربيه بالنسبه لك موتور قوي و عفشه رياضيه و ثبات خرافي و كماليات جامده جداو شكل شبابي رائع يبقي توكل علي الله و استخير ربنا و هاتها

**Abdo_Eldesokey** · 22-09-2010 12:41 PM

الموضوع ده راجع لحضرتك ..

أنا واحد من الناس بعشق الجين 2 .. لكن صعب أشتريها ، لأني بطبيعتي بحب جودة الخامات والتقفيل

ولو اشتريت جين 2 ولقيت قزاز بيعلق أو الكنبة بتزيق هتقفل من العربية جامد

فحضرتك لو مش مستريح شوف بديل تاني

**Tarek Gen 2** · 22-09-2010 12:56 PM

المشاركة الأصلية كتبت بواسطة ahmedfathy77

شوف حضرتك لو العربيه بالنسبه لحضرتك هي قلة جودة خامات بعض حاجات يبقي اوعي تشتريها علي الرغم ان خاماتها مش الفرق الفظيع عن العربيات في فئتها انما لو العربيه بالنسبه لك موتور قوي و عفشه رياضيه و ثبات خرافي و كماليات جامده جداو شكل شبابي رائع يبقي توكل علي الله و استخير ربنا و هاتها

+111111

**midosalah** · 22-09-2010 01:21 PM

الموضوع يرجع لأولويات حضرتك
شوف انت احتياجاتك ايه من اللى العربية
وعلى فكرة جودة الخامات مش فارقة كتير عن اوى عن مثيلاتها فى السوق من وجهة نظرى
يمكن التابلو البلاستك بتاعة ناشف شوية بس شيك وبيستحمل الشمس وعمره ميشقق

**jisso82** · 22-09-2010 01:38 PM

بالظبط زى ما قالك أحمد فتحى ما تقلقش من الأساسيات ما شاء الله ما فيش حاجة فيها معيوبة سواء عفشة أو موتور أو صاج أو حتى عوامل الأمان إنما جودة الخامات بتبان فى خامات الصالون الداخلى و فى بعض الكماليات و الموضوع كمان نسبى أوى يعنى بيتحدد بمقارنتها بفئات تانية مش بشكل مطلق

**AhmedElwakeal** · 22-09-2010 02:18 PM

انا حابب العربية جدا
بس انا لما مسكت اللاكر بتاعت الباب حسيت انها ضعيفة شوية
والزراير باتاعة الزجاج بردو انا بس عاور اعرف الحجات دة بتستحمل الطحن

**amrnagy** · 22-09-2010 02:25 PM

طيب يا باشا ما تشوف حاجة تانية في حدود سعر الجين فيه مثلا الاوبترا او الصني او ممكن نيو اكسنت حلوة

**maxayma** · 22-09-2010 07:31 PM

المشاركة الأصلية كتبت بواسطة amrnagy

طيب يا باشا ما تشوف حاجة تانية في حدود سعر الجين فيه مثلا الاوبترا او الصني او ممكن نيو اكسنت حلوة

او البونتو ايفو دى بقى كحامات لا يعلى عليها انا لحد دلوقتى بقارن بينها و بين الجين2

الموضوع: جين 2 من الداخل الكولتى بتاعتها خوفتنى اوى

LinkBack

أدوات الموضوع

عرض

-

-

-

-

-

المواضيع المتشابهه

مازدا 323 عايز اظبط الاضاءه بتاعتها

اللينيا أخدت البوسة بتاعتها

عمة كربراتير ال128 والمزيتة بتاعتها

إلا هو لية العربيات بقت التكنولوجيا بتاعتها مرعبة كدة !

العربية خوفتنى اوى يا رب محديش ينحاز للسيارة

الكلمات الدلالية لهذا الموضوع

المفضلات

المفضلات

ضوابط المشاركة