كلام مظبوط
بس حاول انك تكون ماشى فى طريق سريع يعنى على سرعه 90-100 و صفر العداد و جرب و ان شاء الله الاستهلاك هيتظبط
ياجدعان في صيانة في الالف
انا عملت صيانة في الالف في توكيل اسكندرية وفي ناس تاني في القاهرة عملت صيانة الالف
بالظبط كده ..
الرقم اللى بيطلع على شاشة الاستهلاك (كام كيلو/ 100) ده بيعبر عن متوسط الاستهلاك الكلى
يعنى نفرض انك مشيت بالعربية ألف كيلو مثلاً و كان متوسط الاستهلاك 8 لتر/100 إلى ذلك الحين.
وبعدين جيت طلعت مشوار 100 كيلو وكله على طريق مفتوح ، وكان الاستهلاك الفعلى فى المشوار ده 5.5 لتر/100
فلو بصيت فى شاشة الكمبيوتر هتلاقى الرقم مش 5.5/100 ، لكن هتلاقيه 7.8/100 مثلاً ، ليه لأنه حط الميت كيلو اللى انت مشيتهم على الألف وخد المتوسط الكلى لاستهلاك البنزين.
عشان كده لو عايز تقيم استهلاكك بعد فترة التليين مثلاً ، لازم تصفر عداد الرحلات، علشان يبدأ يحسب المتوسط من جديد.
مع مراعاة انك تقيم الاستهلاك بعد استهلاك تفويلة كاملة مثلاً من آخر تصفير ، بحيث تكون مشيت 500 واللا 600 كيلو علشان تقييمك يبقى دقيق ..
لأنك لو صفرت العداد ومشيت مشوار صغير وسط البلد فى الزحمة، ممكن تلاقى الاستهلاك 10 لتر/100 ، فلما تشوف الرقم ده ماتتخضش لأن مش ده الاستهلاك الحقيقى، لأن الاستهلاك الحقيقى تقدر تقيمه بعد ما تمشى فترة كبيرة من آخر تصفير فى ظروف القيادة المختلفة.
أيوه يا باشا بس (تفويت الصيانات بيضيع الضمان) زى ما انت عارف ..
فهل دى صيانة رسمية واللا حاجة كده فوق البيعة؟
هل ختموا لك كتيب الصيانة؟؟