الموضوع: عن تجربه- افضل طريقه لتقليل استهلاك البنزين فى اللوجان

انا قلت اقول لكم على تجربتى يمكن تفيد اى واحد

اولا انا استلمت العربيه من اسبوعين تقريبا و كان استهلاك البنزين حوالى 15 او 16 لتر/100 كيلو

و من حسن حظى ان انا ساكن بعيد عن اسكندريه بحوالى 30 كيلو (فى كنج مريوط) و ده ادانى فرصه كبيره ان العربيه تستريح قوى و انا ماشي بيها لدرجه ان استهلاك البنزين وصل ل 5.8 لتر/100 كيلو و انا عامل 540 كيلو بسسسس
الطريقه ببساطه انك اول ما تستلم العربيه حاول على قد ما تقدر انك تمشى بيها اول 100 او 200 كيلو فى طريق مفتوح على سرعه 90-100 و هتلاحظ ان فعلا استهلاك البنزين قل بشده

انا قفلت 1000 كيلو بالعربيه النهارده الحمدلله و استهلاك البنزين جوه البلد( يعنى اول و تانى و فرامل) لا يزيد عن 6.8 الحمدلله

انا رفعت شويه صور عشان اثبت لكم انى بتكلم جد

و فى النهايه اتمنى اننى اكون قدرت افيد اى عضو فى منتدانا المحترم

المشاركة الأصلية كتبت بواسطة engziada

أومال أنا ليه عندي إستهلاك البنزين ما بيقلش عن 8.5 مع إني :
1- خلصت تليين و عامل 2500 كيلومتر.
2- بنفل تقريبا عند 3 rpm
3- ظابط الهواء على 29 قدام و 32 ورا.
4- بمور على أي منحدر و أي مطب .
5- بامشي كتير من غير ما أدوس بنزين بعد ما آخد السرعة بتاعتي لأما و أنا ممور أو و أنا مغير على السرعة.
6- بحط بنزين 92
7- معظم مشاويري و أنا لوحدي .. يعني مش محمل العربية.
8- أنا فعلا عملت كام مشوار للقاهرة و الزقازيق و أنا من الإسماعيلية أثناء فترة التليين و ماكنتش بازود عن 3 rpm و السرعة مازدتش عن 120.

مش عارف فيه حاجة غلط ولا إيه ؟؟؟؟؟؟؟؟

طيب انا ظروفى زى حضرتك كده تقريبا برضه (انا من اسكندرية) بس انا بقى الصبح بمشى على البحر اغلب الطريق والسكة بتبقى ظريفة بعمل من غير تكييف حوالى 7-7.3 لكن وانا مروحة لو ماشية ابو قير (زحمة يعنى) وبرضه من غير تكييف بعمل 10.2-10 ... مع العلم ان السكة ممكن تكون اوقات تانية اوحش من كده وطبعا وقتها الاستهلاك حيزيد اكتر ............... بصراحة الموضوع ده مضايقنى جدا ومش عارفة اعمل ايه

المشاركة الأصلية كتبت بواسطة NaderNabil

لكن لو هانقيس على طريق سريع يبقى الإستهلاك هايكون حوالي 5.8/100كم

انا فعلا فى السفر وكان بالتكيف كمان عملت المعدل ده ووقتها كنت عاملة 3000 كيلو ... المفاجأة بقى ان على 4000 كده نفس المشوار ومن غير تكيف عملت حوالى 6.5 ... مش عارفة ليه بقى ( اكن معدل الاستهلاك بيزيد ) وده اللى بناءا عليه كشفوا على البوجيهات

(قى صيانة ال 5000 لما قولتلهم على القصة دى كشفوا على البوجيهات ولاقوا واحد مسود خالص !!!!! وقاللى انه غيره المفروض بقى كان الموضوع يتظبط بعدها لكن لا جديد ... الله اعلم بقى غيره بقى ولا لأ او ايه سبب الاستهلاك ده ..... انا بقى كمان اللى نفسى افهمه ايه اللى يخلى البوجيه يبقى اسود كده على ال 5000 مع انه المفروض يتغير على ال 20000 ) ..................... ارجو الافادة ... وشكرا