Abs في اللانوس

**aly_hosny** · 24-11-2009 06:59 PM

من فترة كنت ماشي تقريبا على 70 او اكتر حاجة بسيطة وعربية الانترا طلعت قدامي ووقفت عشان كانت داخلة البنزينة المهم انا كبست فرامل على الاخر والعربية خدت بتاع 10 متر تقريبا زحف على الارض المهم انا قولت اشوف حوار ال abs هو ال هيفيد في العربية لاقيت معظم الردود هنا في الورشة بتنم على انه صعب جدا جدا يتركب ف فقدت الامل بس دلوقتي بقلك في كونتاكت كارز لاقيت واحد عارض جوليت للبيع فيها abs ف هل في امكانية ان الواحد يركبه ولا ايه النظام بالظبط

**bshndi** · 24-11-2009 07:04 PM

أكيد ممكن لإني سيادتك شفت عربية لانوس جاية من بورسعيد فيها aps بالإضافة إلي إير باج تخيل بقي دي تبقي عاملة إزاي .
طبعاً من الناحية الميكانيكية مش هاقدر أفيدك زي محمد بك ممدوح أو الباش مهندس سمير ، وطبعاً لا ننسي الأخ الدمايطي صاحب آخر تجربه تعديل فرامل ممكن يكون سأل في الموضوع ده .

**MMamdouh** · 24-11-2009 08:07 PM

الكلام اللى قريتة فى الورشة صح... الحوار كبير و صعب... مش مستحيل لكن صعب

و خللى بالك من حاجة... الABS مش حيخللى الفرامل اقوى... هو بس حيديك فرصة تقدر تحود العربية و انت كابس فرامل على الاخر لان العجل الامامى حيكون لسة بيلف... لو العجل قفش حتفقد القدرة على توجيه العربية

حل المشكلة بتاعتك هو تركيب اطارات اعرض و بمعامل تماسك Traction اعلى و دة حيقلل فرصة قفش العجلات و بالتالى حيحسن من اداء الفرامل و يرفع عنصر الامان

MMamdouh

**Eng.Geo** · 24-11-2009 09:26 PM

انا ليا زكريات وحشة قوي مع فرامل اللانوس
كنت مع واحد صاحبي علي الدائري وكان بيجري 120 وبعد شوية جات نزلة عادية وكان في اوكتافيا قدامنا المهم عدت النزل واحنا ماشيين عادي جدا وفي مسافة حوالي 10 متر مابيننا وبين الاوكتافيا وبعد شوية لقينا الوكتافيا فرمل ووقف في مكانه في ثواني وصاحبي كان واقف علي الفرامل وهي مافيش مش عايزة وهووووب لبسنا تقريبا علي 80
انا ماكنتش لابس الحزام وشوفت ليلة سودة جوه وخرجت من العربية مخلع انما صاحبي كان لابسه الحمد لله مفيش مشاكل
نزلت عشان اشوف في ايه لقيت حد اعرفه في الاوكتافيا بس شكلا فقط معرفة طين.....اخو عضو مجلس شعب
المهم الناس كانت كالعادة اتلمت وكله ركن علي جنب وبتاع الاوكتافيا نازل عايز يتخانق طبعا ما اللي ليه ضهر بقي
الناس طبعا الله يكرمهم قعدوا يهدوا الموقف عمالين يقولوا انت الغلطان وانا نفسي افرمه يعني غلطان وكمان عايز يتخانق!!!!!!!!!!
هو نسي انه عايز ينزل المنزل وبعد مافتكر راح مفرمل ....مش يبص في المراية ولا حتي يدي انتظار ...لا ده كان بيجرب الabs
بعد كل ده الخساير:
لانوس : نص امامي بالكامل
اوكتافيا : الفبر دخل شوية ورد تاني واحنا واقفين وحته كده في الشنطة تتعمل علي البارد ب 400 جنيه بس مفيش اي خدش خالص
واحنا عمالين نبص علي اللانوس ونتحصر وبعد كدة صاحبي باعها
فعلا فرامل تعبانة

**Akram** · 24-11-2009 11:36 PM

المشاركة الأصلية كتبت بواسطة eng.geo

انا ليا زكريات وحشة قوي مع فرامل اللانوس
كنت مع واحد صاحبي علي الدائري وكان بيجري 120 وبعد شوية جات نزلة عادية وكان في اوكتافيا قدامنا المهم عدت النزل واحنا ماشيين عادي جدا وفي مسافة حوالي 10 متر مابيننا وبين الاوكتافيا وبعد شوية لقينا الوكتافيا فرمل ووقف في مكانه في ثواني وصاحبي كان واقف علي الفرامل وهي مافيش مش عايزة وهووووب لبسنا تقريبا علي 80
انا ماكنتش لابس الحزام وشوفت ليلة سودة جوه وخرجت من العربية مخلع انما صاحبي كان لابسه الحمد لله مفيش مشاكل
نزلت عشان اشوف في ايه لقيت حد اعرفه في الاوكتافيا بس شكلا فقط معرفة طين.....اخو عضو مجلس شعب
المهم الناس كانت كالعادة اتلمت وكله ركن علي جنب وبتاع الاوكتافيا نازل عايز يتخانق طبعا ما اللي ليه ضهر بقي
الناس طبعا الله يكرمهم قعدوا يهدوا الموقف عمالين يقولوا انت الغلطان وانا نفسي افرمه يعني غلطان وكمان عايز يتخانق!!!!!!!!!!
هو نسي انه عايز ينزل المنزل وبعد مافتكر راح مفرمل ....مش يبص في المراية ولا حتي يدي انتظار ...لا ده كان بيجرب الabs
بعد كل ده الخساير:
لانوس : نص امامي بالكامل
اوكتافيا : الفبر دخل شوية ورد تاني واحنا واقفين وحته كده في الشنطة تتعمل علي البارد ب 400 جنيه بس مفيش اي خدش خالص
واحنا عمالين نبص علي اللانوس ونتحصر وبعد كدة صاحبي باعها
فعلا فرامل تعبانة

ما هو علشان الفرامل ضعيفة فيه ناس كتير عملت تعديل في الفرامل و أولهم محمد ممدوح .

**Eng.Geo** · 25-11-2009 05:42 PM

انا شايف ان تركيب abs علي فرامل تعبانة اساسا مش هيجيب نتيجة في الفرملة خالص هو بس هيخليك تحود براحتك وانت بتفرمل من غير ما تقفش
انما لو عايز تصلح الفرامل يبقي التعديل بتاع المهندس محمد ممدوح هو افضل حل

**aly_hosny** · 25-11-2009 06:30 PM

طب بالنسبة لتعديل الفرامل هيخرج العربية من الضمان ولا ايه النظام

**Abdo_Eldesokey** · 25-11-2009 06:31 PM

المشاركة الأصلية كتبت بواسطة eng.geo

انا ليا زكريات وحشة قوي مع فرامل اللانوس
كنت مع واحد صاحبي علي الدائري وكان بيجري 120 وبعد شوية جات نزلة عادية وكان في اوكتافيا قدامنا المهم عدت النزل واحنا ماشيين عادي جدا وفي مسافة حوالي 10 متر مابيننا وبين الاوكتافيا وبعد شوية لقينا الوكتافيا فرمل ووقف في مكانه في ثواني وصاحبي كان واقف علي الفرامل وهي مافيش مش عايزة وهووووب لبسنا تقريبا علي 80
انا ماكنتش لابس الحزام وشوفت ليلة سودة جوه وخرجت من العربية مخلع انما صاحبي كان لابسه الحمد لله مفيش مشاكل
نزلت عشان اشوف في ايه لقيت حد اعرفه في الاوكتافيا بس شكلا فقط معرفة طين.....اخو عضو مجلس شعب
المهم الناس كانت كالعادة اتلمت وكله ركن علي جنب وبتاع الاوكتافيا نازل عايز يتخانق طبعا ما اللي ليه ضهر بقي
الناس طبعا الله يكرمهم قعدوا يهدوا الموقف عمالين يقولوا انت الغلطان وانا نفسي افرمه يعني غلطان وكمان عايز يتخانق!!!!!!!!!!
هو نسي انه عايز ينزل المنزل وبعد مافتكر راح مفرمل ....مش يبص في المراية ولا حتي يدي انتظار ...لا ده كان بيجرب الabs
بعد كل ده الخساير:
لانوس : نص امامي بالكامل
اوكتافيا : الفبر دخل شوية ورد تاني واحنا واقفين وحته كده في الشنطة تتعمل علي البارد ب 400 جنيه بس مفيش اي خدش خالص
واحنا عمالين نبص علي اللانوس ونتحصر وبعد كدة صاحبي باعها
فعلا فرامل تعبانة

فداكوا العربية يا باشا .. المهم انكوا بخير

بس أنا شايف مع احترامي إن الغلطة غلطتكوا ... هوا الراجل ليه الحق إنه يفرمل فجأة والي وراه هوا الي المفروض يسيب مسافة كافية ... حسب فرامل عربيته

**Eng.Geo** · 25-11-2009 06:42 PM

المشاركة الأصلية كتبت بواسطة Abdo_Eldesokey

فداكوا العربية يا باشا .. المهم انكوا بخير
الله يخليك
بس أنا شايف مع احترامي إن الغلطة غلطتكوا ... هوا الراجل ليه الحق إنه يفرمل فجأة والي وراه هوا الي المفروض يسيب مسافة كافية ... حسب فرامل عربيته

ايوة عندك حق ولو جه البوليس هيبقي احنا اللي غلطانين
بس هو في حد بيضرب فرامل علي الاخر وهو علي 120 ؟؟؟؟؟؟؟؟؟؟؟؟؟؟
لو عايز يعمل كدة يبقي كان يدي انتظار الاول لغاية ما اللي وراه يبعد عنه وبعد كدة يعمل اللي هو عايزة والطبيعي لما تفرمل انك بتبص في المراية الاول عشان تشوف ايه موقف اللي وراك حتي لو انت ماشي 20 عشان ماتضايقوش ما بالك بواحد ماشي علي 120 يضرب فرامل علي الاخر من غير ما يبص وراه تو حتي يدي انتظار !!!!!!!!!!