الموضوع: سؤال عن تفصيل عربيه رانجلر وكيفيه تسقيط الموتور

المشاركة الأصلية كتبت بواسطة eng.octooo

ا مينا معلش تقلت عليك

بس انا لو هاجيب العربية وانا اجيبلها الموتور دة وفتيسة ف اية اخبار الاسعار :

الشاسية والبودى زى الى فى الصورة دة موديل 2000 يعمل كام ؟؟

والعفشة والاجزاء الميكانيكية الباقية كلهم يعملوا كام ؟

من الاخر لو هاخليها زى الى فى الصورة دى بالظبط ونفس الشاسية والموتور التويوتا كلها على بعض تعمل فى حدود كام ؟

http://media.merchantcircle.com/2578...20rp_full.jpeg

الصورة ديه بتاعت موديل بعد 98....
خلينا ناخدها خطوة خطوة...
الأول... تدور على عربية رانجلر... موديل كل ما كان أحدث كل ما يكون أفضل... خلينا نقول أواخر تمانينات... أو أوائل تسعينات...

تكون حالتها متبهدلة.... بس الشاسيه سليم مافيهوش أي لحامات ولا مشاكل...

تاني خطوة... تروح عند تجار الاستيراد عند بنك الاسكان في بورسعيد... و تشوف الموتور التويوتا اللي هتركبه عندك.... مع مراعاة وجود الصنايعي اللي هيقعد الموتور معاك... عشان لو ليه أي ملحوظة....

و طبعا ليك الحرية في اختيار الموتور أنه يكون بفتيس واحد أو بفتيسين - 4x4 يعني...

تالت حاجة... الكروسليه... اللي هو البودي.. (بتاع الشكل اللي فوق 98 اللي اتكلمنا عليه..)

تنزل عند تاجر استيراد.. و تجيب من عنده كروسليه كامل.... بالتابلوه و الأوكر و المقابض و كل حاجة....

التكلفة معتقدش أنها هتكون قليلة.... عشان موضوع الكروسليه الشكل الجديد... و كمان لو حبيت تشغلها دفع رباعي...

لو شكل قديم... و هتشغلها خلفي... أكيد الموضوع هيختلف... و التكلفة هتقل كتير...

لو بتفكر جديا... أنصحك تبدأ تشوف الرانجلر اللي معروض للبيع... و لو احتجت أي مساعدة... أنا هساعدك على أد ما أقدر...

المشاركة الأصلية كتبت بواسطة khaled_rafea

ده حضرتك اللى فى منتهى الزوق, شكرا جزيلا للايضاح

يا باشا تؤمر ... :)

المشاركة الأصلية كتبت بواسطة eng.octooo

بجد متشكر جدااااااااااااااااااااااا ااااااااااا ومش عارف اقولك اية والله والموضوع بقالة فترة فى دماغى وربنا يقدم الى فية الخير

أنا كمان بحب الحاجات ديه جدا... و لما تنوي... تعالى نرتب و ننزل مع بعض ...