الموضوع: اخلاق المصريين 2

السلام عليكم اولا

امبارح حصل موقفين قلت لازم احكي عليهم علشان الناس اللي بتجري تتعظ

الموقف الاول وانت خارج من التجمع الخامس علي محور الna الطريق وقف 1.30 بسبب

ان في عربية باسات عاملة حادثة مرعبة في ونش بيشيلها طبعا الطريق كولو واقف وفي عربية كانت محملة دبش مقلوبة جنبيها الناس علشان تمشي طلعنا بالعربية عالرصيف والبس بقي تكحيت في الموتور وقرف انا اتجننت والحمد لله بعد ماعديت من علي الرصيف نزلت للراجل اللي عامل حادثة والونش اللي كان بيرفع العربية وقلت لو حسبي الله ونعم الوكيل

الموقف الثاني علي نفس الطريق وانت راجع
تخيل ان في عربية اتقلبت 3 مرات من علي الناحية التانية وجاية علي الطريق بتاعك بس الحمد لله العربية وقفت في الجزيرة اللي في النص
انا دمي نشف وقفنا العربيات ونزلت بصراحة ناس كتير وقفت معانا الواد اللي جوه العربية مش عارفين نطلعو وقاعد يعيط والعربية قاعدة تطلع دخان بدون تفاهم كسرنا الازاز اللي في الجنب والواد بيصرخ
لحد ماكان في دكتور معانا سيبنا هو اللي يطلعو لان الواد كتفو اتخلع مش اتكسر
ان كبوت العرية يفتح مافيش يمين شمال مافيش اخر مازهقنا كسرناالمسوجر بتاع الكبوت وفصلنا البطارية

مش عايز اقلكم كمية الناس اللي وقفت وبتقوللك هات اوديه المستشفي كتير جدا وفي ناس تطوعت لوحدها ونزلت تساعد وقعدت تلم الحاجات اللي جوة العربية اللي ممكن تتسرق

الاسعاف جات بعد 35 دقيقة بالضبط والكلام ده بعد ماكلمناهم 5 مرات واللي كلمهم رئيسس تحرير جريدة راجل محترم جدا وكان بيزعقلهم في التليفون

الاسعاف بعد ماجات اكدت لنا ان كتفو مخلوع وقالو احسن حاجة ان احنا محركنهوش من مكانة
الحلو بقي ان الراجل بتاع الاسعاف قاللك انا مش هاتحرك غير لما النجدة تيجي

نقولو طيب والراجل ده تعبان لازم يروح المستشفي مايردش المهم ممشناش غير لما النجدة جات وادينا الحاجة بتاعتة لواحد صاحبة كان جاي من المعادي

الحمد لله في 60 الف داهية العربية بس الصحة والله مابترجعش زي ماكانت

بلاش غرز بلاش استعراض بلاش تجري حاول ان تقود بمسئولية بلاش استهتار

السواقة مالهاش كبير وربنا يسترها علينا

علشان الونش اللي كان جايبو ما كانش عارف يرفع العربية وجاي بعربية ززميلو قافل بيها الطريق