أنا فعلا العربية ما بتجبش فرامل الا بعد ما ادوس قوى عليها واعتقد فعلا أن الموضوع موضوع رجلاش والفرامل عايزه تعلى شويه
وكمان الدبرياج لازم تدوس عليه للاخر خالص وأنا حماى عنده ورشة ميكانيكة قالى ممكن اعليلك الدبرياج شويه عشان الغيارات ما تعضش معاك ولا تبقى تدوس على الاخر قلته لا هابقى ادوس على الاخر احسن عشان ما يبقاش فيه تحميل على الدسك والاسطوانه لما الدبرياج يعلى وأن شاء لله اسألهم فى التوكيل مع صيانة الالف
على فكرة حماى جرب عربيتى وشكر فيها جدا وقالى تقيلة على الارض وناعمة وعجباه خالص وبيقولى ما فيش مقارنة بينها وبين الكورى هو كان أول مرة يسوقها وديه شهادة ميكانيكى خبرة 40 سنة للوجان تضاف للشهادات الكتيرة الى خدتها