الموضوع: لضاغط بتاع الكلاكس مش شغال

السلام عليكم ورحمة الله وبركاته
يا جماعة أنا أول إمبارح بعد العصر نزلت العربية وفصلت كابل البطارية وقولت أجرب أنا أصلح الزرار قمت جبت مفتاح الانكيه وقولت
"بسم الله الرحمن الرحيم"
وبدأت أفك بعد معاناة الوش بتاع الطارة إتفك لان المسامير كانت ناشفة أوى المهم رفعت وش الطارة وبعد كدة بدأت أطلع الزرار اللى كان معلق لاقيته سايب مش بياخد ويدى مع الضغط عليه يعنى أما دوست عليه لقيته مش عايز يرجع زى مايكون محشور المهم فكيت الزرار لقيت فى مسافة بين نقطتى التلامس بتاعت الكلاكس وبين وسيط التوصيل (وسيط التوصيل كان عبارة عن قطع صغيرة جدا من المعدن زى الصاج) المهم رحت جايب حتة قطن وقللت بيها المسافة ورحت مركب الزرار ووصلت البطارية لقيتو بدأ يشتغل بس مش أوى عشان المسافة كانت كبيرة بردة رحت فكيت الزرار تانى وحطيت كمان حتة قطنة والحمد لله شغال دلوقتى زى الفل

معلش على الاطالة بس حبيت أوضح ليكو الموضوع بالتفصيل