صوت خبطة جامدة بيطلع وأنا ماشي سريع على أرض مستوية

**Strong** · 25-11-2009 11:49 PM

في صوت جااااااااااااااااامد جدا بيرج العربية مش عارف أحدد مصدره منين ، ساعات باحس بقوة الخبطة تحت كرسي السائق وأحيانا باحس إن مصدرها من الكرسي اللي جنبه ، وساعات بيكون جاي من عند تنك البنزين وأحيانا زي ميكون حد خبط في العربية من ورا
الصوت ده ليه رنين وبيسمع في العربية كلها ، نفس الصوت اللي بيطلع لو حجر نط من الأرض وخبط في أرضية العربية ، وبيحسسك إن في كارثة حصلت وخصوصا إن الأرض مستوية

الصوت ده بيظهر على الأرض المستوية في الطرق السريعة فقط ولا يظهر أبداااااااا لما أمشي في مطبات

فتوقعت الشكمان فروحت لواحد كشفلي على الشكمان حتة حتة وقاللي مفيهوش حاجة وثابت كويس وفضل يهز فيه جامد ومفيش أي صوت وقاللي اكشف على العفشة ، وطبعا العربية كانت مرفوعة وملقتش تحت أي حاجة بتخبط

أنا هاكتب اللي بيحصل والصوت بيظهر بعده بوضوح وعنف
أنا باكون ماشي غالبا 100 ، وباهدي ل 80 بضغط خفيف جدا على الفرامل غير محسوس اللي في العربية ، وبعد 8-10 ثواني باسمع خبطة قوية أسفل السيارة ، وأحيانا بيطلع الصوت من غير فرامل ولا حاجة باكون ثابت على سرعة معينة

معلش أنا دوشتكم ، ، ، ،

فيا ترى الصوت ده بيطلع منين ؟

**samirayad** · 26-11-2009 12:00 AM

بخر العربيه دى
ومتنسهاش فى العيد
فرق حاجه عليها لله
هو أيه الموضوع
مره بتطير فى الهواء
ومره فيها حاجه بتخبط فى أماكن مختلفه
ههههههههههههه

**Strong** · 26-11-2009 12:08 AM

المشاركة الأصلية كتبت بواسطة samirayad

بخر العربيه دى
ومتنسهاش فى العيد
فرق حاجه عليها لله
هو أيه الموضوع
مره بتطير فى الهواء
ومره فيها حاجه بتخبط فى أماكن مختلفه
ههههههههههههه

هههههههههههههههه هاعمل ايه نصيبي كده

المشكلة الكبيرة إني لو روحت عند حد يكشف على العفشة هيكسر لي العفشة وهياكل مطبات واطية وهيعمل اختبارات تصادم وهيبهدل الدنيا وهيخلص لي تنك البنزين ومش هيسمع أي صوت ، الصوت مش بيظهر أبداا في الطرق المكسرة :10d5c8~1107:

أنا خايف يكون تيل الفرامل الخلفي ممكن يعمل كده هل ممكن ؟

**samirayad** · 26-11-2009 12:19 AM

الصوت ده بيظهر على الأرض المستوية في الطرق السريعة فقط ولا يظهر أبداااااااا لما أمشي في مطبات

طيب هو أنت بتمشى فى الطرق المكسره أو المطبات بنفس سرعتك وأنت ماشى فى طرق مستويه
وكده تبقى العفشه سليمه فعلا

أنا خايف يكون تيل الفرامل الخلفي ممكن يعمل كده هل ممكن ؟

وهل تعتقد التيل حيعمل الحركات دى فى الطرق المستويه والمطبات لا
أنا لا أ عتقد

**samirayad** · 26-11-2009 12:26 AM

في صوت جااااااااااااااااامد جدا بيرج العربية مش عارف أحدد مصدره منين ،

حاول كده تشوف الصوت ده بيجىء مع دوسك على دواسة البنزين
ولا أما بتخفف السرعه
يعنى أربط الصوت بتحكمك فى الدواسه
أحتمال يكون فيه حاجه فى نظام نقل الحركه نفسه
أو الأسكترا عاوزه تتربط
يعنى فكر فى أتجاهات تانيه
ويجب أن أنت اللى تحاول تعرف مصدر الصوت
وبيحصل فى أى وضع وأنت سايق

**Strong** · 26-11-2009 12:35 AM

المشاركة الأصلية كتبت بواسطة samirayad

طيب هو أنت بتمشى فى الطرق المكسره أو المطبات بنفس سرعتك وأنت ماشى فى طرق مستويه
وكده تبقى العفشه سليمه فعلا

وهل تعتقد التيل حيعمل الحركات دى فى الطرق المستويه والمطبات لا
أنا لا أ عتقد

أقصى سرعة بامشي فيها في المطبات والطرق المكسرة 30 لأني باحس إن العربية بتتفك من بعضها غير إني مش باقدر اضغط على الدبرياج أو الفرامل رجلي بتتحرك بعيد من كتر الإهتزازات ومع كده مفيش أي صوت نهائي

وعلى الطريق بامشي 110 وصوت الخبط ده جامد

وجربت أعدي مطب عالي في وسط العربية مسمعتش غير صوت احتكاك علبة الشكمان الوسطى فقط

ولما اطلع على طريق سريع باسمع صوت الخبط ده

أنا حاسس إن العربية فيها عفريت ، عايز أدبحلها خروفين قبل العيد هههههههههههه

ده حتى مرة عربية 127 وكان معاه 4 أشخاص طلع مني بسهولة إزاي ؟!!!! كنت حاسس إنه مركب تيربو هههههههههههه

**samirayad** · 26-11-2009 12:41 AM

راجع كده على رباط مسامير تثبيت الركب الأربعه مع بدن السياره
أحتمال تلاقى مسامير مهويه ولا حاجه

**Strong** · 26-11-2009 12:43 AM

المشاركة الأصلية كتبت بواسطة samirayad

حاول كده تشوف الصوت ده بيجىء مع دوسك على دواسة البنزين
ولا أما بتخفف السرعه
يعنى أربط الصوت بتحكمك فى الدواسه
أحتمال يكون فيه حاجه فى نظام نقل الحركه نفسه
أو الأسكترا عاوزه تتربط
يعنى فكر فى أتجاهات تانيه
ويجب أن أنت اللى تحاول تعرف مصدر الصوت
وبيحصل فى أى وضع وأنت سايق

الصوت مش بيظهر من التسارع الجامد أو من ضغط البنزين أو من العفشة الأمامية نهائيا
الصوت بيظهر بدءا من نصف العربية للخلف
وباحس مصدره غالبا عند تنك البنزين
وبيعمل صدى رهيب كل اللي معايا بيفتكروا إن العربية اللي ورايا خبطتني ههههههههههه

وبيطهر دائما بعد ما
1- أمشي بسرعة عالية نسبيا 100 مثلا
2- ضغط فرامل هادية جدا لغاية 60-80
3- اسيب الفرامل وانتظر 8 ثواني واسمع صوت طاااااااااااخ

**Strong** · 26-11-2009 12:47 AM

المشاركة الأصلية كتبت بواسطة samirayad

راجع كده على رباط مسامير تثبيت الركب الأربعه مع بدن السياره
أحتمال تلاقى مسامير مهويه ولا حاجه

ال 3 مسامير بتوع البطاحات هما بتوع الركب ؟
لو تقصد دول أنا لسه شايفهم مربوطين كويس

**samirayad** · 26-11-2009 12:47 AM

شوف الأستبن برضه مربوط مكانه كويس
ولو فيه عده ولا حاجه فى الشنطه

مع التأكيد على رباط مسامير المساعدين الخلفيه

الموضوع: صوت خبطة جامدة بيطلع وأنا ماشي سريع على أرض مستوية

LinkBack

أدوات الموضوع

عرض

صوت خبطة جامدة بيطلع وأنا ماشي سريع على أرض مستوية - انشر الموضوع فى :

-

-

-

-

المواضيع المتشابهه

كورولا 92 بتنتش مني وأنا ماشي على السرعات البطيئة

تقطيع وأنا ماشي

صوت خبطة جامدة في المطبات

خبطة جامدة

الحقوني بسرعه (خبطة جامدة مع المارشدير)

الكلمات الدلالية لهذا الموضوع

المفضلات

المفضلات

ضوابط المشاركة