الموضوع: الى السادة اعضاء المنتدى-هـــــام

المشاركة الأصلية كتبت بواسطة human12

بص
انا هحاول اقولك

لما يبقى فى نوع من الفوران العاطفى بيعمى الجميع و لو الاداره كانت تصدت فكان سيظهر لوبى معادى للاداره حيث انها كانت ستصبح قوى قهريه لجموع من الاعضاء و كان المنتدى هيفقد الكثير من الاعضاء القيمين لانهم كانوا فى حاله لا تسمح بمخاطبه المنطق

فالاداره كانت جيده فى التعامل حيث انه كان سيكون فوق طاقتها ان تقاوم الطوفان فى خضم غياب العقل نظرا للحماسه الزائده و الضغط و لن تستطيع ان تفرض سيطرتها على كافه المواضيع فنجد بعض الاعضاء اخد جزاء و البعض لا مما سينشئ ارضا جديده للصراعات الداخليه و كنا فى وقت نحتاج فيه جميعا لتصفيه الصراعات

سياسيا المنتدى نجح فى ان يعبر (حلوه يعبر ديه بتفكرنى برئيس صاحبى) ان يعبر هذه الامواج المتلاطمه دون خسائر فى الاعضاء

و الان يتدخل ليعدل الميزان

السياسه مطاطيه و ليها اساليبها ماينفعش ابيض و اسود بس

أحييك طارق فهذا ما قصدته بردى السابق ولكنك شرحته باستفاضة
فكلكم راع وكلكم مسئول عن رعيته

ولا ننسى ايضا ان المشرفين بشر ولهم اختلافات فكر جوهريه مثل الاعضاء تماما وردود افعال متباينة الشدة

المشاركة الأصلية كتبت بواسطة human12

انا معاك
لقد سقطنا جميعا كوطن سقوط لا يليق

احذر من المساس بالوطن
مصر لم ولن تسقط مهما حدث
متهيالي الجملة دي عيب
اذا كانت مصر سقطت تبقي الجزائر ايه ؟ مدخلتش الامتحان اصلا ؟

المشاركة الأصلية كتبت بواسطة medo55

والله ياباشا فعلا اتمنى دا كان يحصل من زمان
الناس بتشتم شعب مسلم 35 مليون مواطن تقريبا . اصبح يسب 35 مليون مواطن كل مواطن بسيئه فالنتيجه 35 مليون سيئه ... كم مره في اليوم !!! جبال من السيئات ... ربنا يغفرلنا جميعا
والعمليه مش بالدراع والشتايم .. العمليه بالعقل والتفكير

وحضرتك جبت لعداد ده منين وحسبت على اي اساس ؟
ولما العلم بتاع 80 مليون اتهان وانضربوا في الجزاير والسودان واتشتموا واتسبوا واتروعوا مكانش العداد ده بيعد ولا كان واخد اجازة ؟ ولا الظاهر العداد بيعد على المصريين بس ؟

المشاركة الأصلية كتبت بواسطة karim_monir

لم اكن لاحب ان اتكلم في هذا الموضوع ولكن للاسف كلام السيد العقيد خالد صحيح تماما
ومنتدانا كنافذة اعلامية يراها حوالي 5 الالاف زائر يوميا اصبح من الاماكن الموضوعة (تحت النظر)

يا اخ كريم محدش مننا غلط علشان يخاف والدولة بكل اجهزتها كانت واعتقد انها ما زالت واخدة موقف متشدد يمكن اكتر مننا لكن بطريقة دبلوماسية

المشاركة الأصلية كتبت بواسطة aboel3oref

الصراحة انا عايز حقى و كرامة المصرى مش شوية عشان يحصل كده , دى وصلت ان اشوف صور لعلم الجزائر العليه هلال عليه علامة جزمة , هو صحيح الهلال مش رمز للاسلام بس محطوط فوق مدنة الجامع مينفعش نحط فوقيه جزمة .

ايه يعني علمهم عليه هلال ؟ بقة مقدس علشان عليه هلال؟
ومين قال ان الهلال اصبح هو الاسلام ؟
وجود الهلال فوق المئذنة نوع من الفن المعماري اللى استمر فترة من الزمن ليس الا
ولما حرقوا علمنا ومشيوا عليه بالعربيات وبالجزمة دي مزعلتش حضرتك ؟
ولا لازم علمنا يبقي عليه هلال علشان يحترم ؟

المشاركة الأصلية كتبت بواسطة human12

طيب حيث كده
انا باشكر الرئيس مبارك لتدخله الحكيم فى الازمه و مساعيه الجباره للحيلوله دون المساس بالمصريين
و احب اقول ان كلمته بالبرلمان هيه وسام على صدر كل مصرى فقد اشعرنا بالعزه و الشمخه و الفخر كوننا مصريين و يحكمنا رئيس يتمتع بالحكمه و النظره الثاقبه
و لقد سعد قلبى عندما قرأت الاستاذ الدكتور الفقى و هو يزف لنا بشرى بقائك فى السلطه حتى 2015 فاطمئن قلبى و هللت اساريرى فلم اكن اعلم اى مستقبل مظلم لمصر دونك
شكرا سيدى الرئيس

كلامك يحمل اكثر من معني والمعني في بطن الشاعر فيا ريت يفصح عما في بطنه حتي لا يحمل كلامع على معني غير الذي يقصده

المشاركة الأصلية كتبت بواسطة champoo

بعد ما شتمونا و بهدلونا و ضرب ستاتنا و رجالتنا جاى تقولى شعب عربى .......... هانفضل طوول عمرنا كدة ناخد على افانا و نسكت

اخيرا واحد مش عاجبه اللى حصل بيتكلم
انا لقيت كل الناس شايفة ان اللى عارضوا او حزنوا او احتجوا على اللى عملوه الجزائريين مش موجودين
وكل الناس واخدة صف الجزائر وكلهم شايفين ان انفعالنا كان غلط وحرقتنا على بلدناوعلمنا ومواطنينا كان غلط
حسيت ان كل الناس اللى كانت رافضة سكتت لما كريم قال ستوب
ومتفضلش غير اللى كانوا ساكتين خالص او القلة اللى كان كل هدفها استفزازنا بكلامها في كل الموضوعات بدفاعهم المستفز وغير المبرر عن الهمج اللى اعتدوا على علمنا وجمهورنا وعمالنا
اخيرا اكتشفت انى مش لوحدي



ملحوظة:
على فكرة يا كريم يا منير انت عارف كويس جدا انا بحترمك وبقدرك اد ايه لكن ده مش معناه اني هقول حاضر لمجرد انك قلت ستوب لاني مش هقول ولا هعمل اي حاجة في حياتى الا اذا كنت مقتنع بيها ومؤمن بيها وبناء عليه مش هحذف توقيعي ولا هغير رايي ولما تسكت جرايدهم عن شتيميتنا ولو ليوم واحد هابقي افكر وقتها اغير رايي

وفي النهاية للجميع سواء اخذوا نفس موقفي او الموقف المضاد لكم كل الاحترام ما دام خلافنا لبيان الاراء المختلفة وليس لمجرد الاستفزاز كما فعل البعض في الايام الماضية

تحياتي للجميع