الحمد لله .. باركولي ... عضو جديد في منتدي دايو (جبت نوبيرا )

بسم الله الرحمن الرحيم
----
السلام عليكم ورحمة الله وبركاته

اولا
كل سنه وانتم طيبين جميعاا
وان شاء الله عيد سعيد عليكم وعلي المسلمين جميعاا ان شاء الله

ندخل بقي في الموضوع
الحمد لله انا تقريبا جبت نوبيرا م2007 (لسه مستلمهاش هستلمها بعد العيد ع طول :120146b)
عامله ك100.000
حالتها
بصراحه
نضيفه جداا جداا
صاحبها محافظ عليها بدرجه كبيره
مافيهاش حاجه خالص تقريبااا
من جوه ومن بره
سوقتها مسافه صغيره
كانت لطيفه
لكن انا كنت متوتر شويه
لأنها لسه مبقتش بتاعتي
فكونت متوتر ومش عارف اعمل حاجه
--
انا بصراحه
كنت عايز اجيب جديد قسط
وكنت ناوي ع كام حاجه في حدود100(مثلا اوبترا او النترا )
بس ربنا مأردتش
واراد سبحانه ان العربيه دي تقع في سكتنا
والوالد يخلص فيها بسرعه مكنتش مصدقها
لأني بتحايل عليه من فتره في موضوع العربيه ده :8954[1]:
من ساعه ما بعت ال128 من سنه تقريبا
المهم بقي
انا مييييييييييييح في الدايو والنوبيرا بالذات :005:
ومش عارف اعمل ايه
يعني اغير فيها حاجه
ولا اسيبها لما يظهر اي حاجه
ولو حبيت اعمل فيها اي حاجه
اروح فين
انا ساكن ع الاتوستراد -جنب ستاد المقاولين تقريبا
ياريت اللي عنده اي معلومه تفيديني يحدفهالي
واهي تكون عيديه ليا
بما اني عضو جديد عليكون
واتمني مكونش هتقل عليكم
وشكراا مقدماا :Ob_mak1[1]:

الف مبرومبروك يعنى

فيه حاجات يستحسن تغيرها أول لما تستلم العربية
سير الكاتينة (150-200 جنيه)
زيت الموتور (105-230 جنيه)
فلتر الزيت (40 جنيه)
فلتر هواء (25 جنيه)
بوجيهات (حوالى 90 جنيه)
تيل الفرامل حسب الحالة
رجلاش للقباقيب الخلفية
وطبعاً كله يخضع حسب الحالة إنما ده الأحسن

خليه يقولك آخر مرة غير الحاجات دى إمتى لو انت واثق فى كلامه ، وعلى هذا الأساس حدد هتغير إيه وهتستنى على إيه
معدلات التغيير للقطع دى كالآتى :
سير الكاتينة (كل 40 الف)
زيت الموتور (كل 5 أو 10 الاف حسب نوع الزيت)
فلتر الزيت (كل غيار زيت)
فلتر هواء (كل 10 الاف)
بوجيهات (كل 20 الف)
تيل الفرامل الأمامى (حسب الإستعمال والمتوسط 20 الف فى الدايو)
رجلاش الفرامل خلفى (كل 20 الف)

طبعاً لو أوتوماتيك يبقا لازم تعمل سرفيس للفتيس عند حد بيفهم عشان دى نقطة فاصلة فى الموديل الأوتوماتيك

ومبروك يا باشا على العربية وأهلا بيك فى أقوى قسم على نايل موتورز

مبروك علي السيارة
بس احب اعرف جبتها بكام علشان صراحة بدور علي نوبيرا بردوا

الف مبروك يا باشا ..انا بردة لسه جايب نوبيرا اتوماتيك من فترة قريبه و العربيه ما شاء الله ممتازة.
وعلى العموم انا ساكن قريب منك على الاتوستراد عند مطلع كوبرى اكتوبر لو فيه اى حاجه انا فى الخدمة.

ألف ألف مبروك يا باشا .. بكام ؟

ألف مبروك

الف مبرووك يا باشا

100 الف كيلو كتير جدا على موديل 2007

Sameh
متشكر ليك جداا ع اهتمامك وان شاء الله هحاول اغير اللي اقدر عليه
واللي الاقيه محتاج يتغير


MoMohsen
ربنا يخليك يا جميل وان شاء الله لو احتاجتك في اي حاجه هجيلك

--------
بالنسبه لسعرها
هي المفروض انها قسط
بس صاحبها لسه طبعاا مخلصش قسطها
باقي عليه من تنمها حوالي 48
وهو خد 22
وكل شهر هدفع انا القسط 1200 تقريبا

معرفش هي جت ازاي اصلا
كل حاجه تمت ف يومين

بالنسبه انها 100 الف كيلو
فهي الحكايه دي كانت مقلقاني
لكن لما شوفتها
غيرت رأيي خالص
حاجه كده نضيفه ومافيهاش كلمه
ربنا يسترها بس احسن شكل الواحد نسي السواقه D:

وميرسي ليكم ع اهتمامكم وان شاء الله
لما استلمها لو فيها حاجه هقول ع طول


نسيت اقول انها منيوال :)

الف مبروك

الله يبارك فيك :)

مبروك ياباشا على النوبيرا ربنا يباركلك فيها ويديك خيرها ويكفيك شرها ويسترها فى طريقك وطريقنا يارب ,
خلى بالك بس وانت ماشى فى طرق مش متسفلتة عشان تحافظ على سلامة المساعدين وخد بالك من البلاعات العالية والمطبات عشان العربية بتحك فيهم وبالذات لو انت محمل غير كده العربية ناعمة جدا وشيك جدا وقطع غيارها معمرة ورخيصة وبالنسبة للزيت انصحك بزيت موبيل سوبر xhp وغيره كل 3000 كم صيف او شتاء والنسبة للميه الخضراء عندك برضو بتاعت موبيل كويسة جدا وابقى غطى العربية لو كنت هاتركنها فترة طويلة .

sherif_84

الله يبارك فيك وربنا يخليك
وبجد شكرااا ليك جداا عالنصايح الجميله والمفيده دي
------
هو انا عندي احساس محتلني الايام دي
خايف قوي
حاسس اني اول ما هخدها هبهدلها وهدخل فأول حاجه قدامي
مع اني بركب عربيات عادي يعني
واخرهم النترا ومكنتش بتاعتي
بس دي بقي مش عارف في ايه
ربنا يستر

ألف مبروك

الف مبروك
ربنا يديك خيرها و يكفيك شرها

الله يبارك فيكم :)

مبروك عليك مقدما

لف لفة حلوة فى اهم موضوعات القسم حتلاقى اجابة عن معظم اسئلتك... و اللى تقف فيه اسالنا و احنا معاك

MMamdouh

الف مبروك و ربنا يباركلك فيها

متقعدش توهم نفسك انك هتخبط .. متحطش الكلام دة في دماغك خالص ولو مقلق انك مش واخد على العربية جربها كويس الأول في مكان فاضي

السواقة مبتتنسيش علي فكرة

مبررررررررررررررررررررررر رررررررررررروك سمسم انا لسة شايف موضوعك دة حالاااااااااااااا ربنا يباركلك فيها ويديك خيرها



انا قايم اكلمك

الف مبرووووك ,, وربنا يباركلك فيها

الله يبارك فيكم جميعااا
وربنا يخليكو يارب
وميرسي جداا :)

اقتباس:

---

المشاركة الأصلية كتبت بواسطة k!sho

بسم الله الرحمن الرحيم

----
السلام عليكم ورحمة الله وبركاته

اولا
كل سنه وانتم طيبين جميعاا
وان شاء الله عيد سعيد عليكم وعلي المسلمين جميعاا ان شاء الله

ندخل بقي في الموضوع
الحمد لله انا تقريبا جبت نوبيرا م2007 (لسه مستلمهاش هستلمها بعد العيد ع طول :120146b)
عامله ك100.000
حالتها
بصراحه
نضيفه جداا جداا
صاحبها محافظ عليها بدرجه كبيره
مافيهاش حاجه خالص تقريبااا
من جوه ومن بره
سوقتها مسافه صغيره
كانت لطيفه
لكن انا كنت متوتر شويه
لأنها لسه مبقتش بتاعتي
فكونت متوتر ومش عارف اعمل حاجه
--
انا بصراحه
كنت عايز اجيب جديد قسط
وكنت ناوي ع كام حاجه في حدود100(مثلا اوبترا او النترا )
بس ربنا مأردتش
واراد سبحانه ان العربيه دي تقع في سكتنا
والوالد يخلص فيها بسرعه مكنتش مصدقها
لأني بتحايل عليه من فتره في موضوع العربيه ده :8954[1]:
من ساعه ما بعت ال128 من سنه تقريبا
المهم بقي
انا مييييييييييييح في الدايو والنوبيرا بالذات :005:
ومش عارف اعمل ايه
يعني اغير فيها حاجه
ولا اسيبها لما يظهر اي حاجه
ولو حبيت اعمل فيها اي حاجه
اروح فين
انا ساكن ع الاتوستراد -جنب ستاد المقاولين تقريبا
ياريت اللي عنده اي معلومه تفيديني يحدفهالي
واهي تكون عيديه ليا
بما اني عضو جديد عليكون
واتمني مكونش هتقل عليكم
وشكراا مقدماا :ob_mak1[1]:

---

مبروك اولا بس
100,000 فى سنتين- مش كتير ؟؟؟- احسن حاجه خدها للتوكيل - ضحى شويه اكشف على كل حاجه وغير اللى مطلوب- فى حدود المعقول - وربنا يديك خيرها ويكفيك شرها