الحمد لله .. باركولي ... عضو جديد في منتدي دايو (جبت نوبيرا )

**K!ShO** · 26-11-2009 07:08 AM

بسم الله الرحمن الرحيم
----
السلام عليكم ورحمة الله وبركاته

اولا
كل سنه وانتم طيبين جميعاا
وان شاء الله عيد سعيد عليكم وعلي المسلمين جميعاا ان شاء الله

ندخل بقي في الموضوع
الحمد لله انا تقريبا جبت نوبيرا م2007 (لسه مستلمهاش هستلمها بعد العيد ع طول )
عامله ك100.000
حالتها
بصراحه
نضيفه جداا جداا
صاحبها محافظ عليها بدرجه كبيره
مافيهاش حاجه خالص تقريبااا
من جوه ومن بره
سوقتها مسافه صغيره
كانت لطيفه
لكن انا كنت متوتر شويه
لأنها لسه مبقتش بتاعتي
فكونت متوتر ومش عارف اعمل حاجه
--
انا بصراحه
كنت عايز اجيب جديد قسط
وكنت ناوي ع كام حاجه في حدود100(مثلا اوبترا او النترا )
بس ربنا مأردتش
واراد سبحانه ان العربيه دي تقع في سكتنا
والوالد يخلص فيها بسرعه مكنتش مصدقها
لأني بتحايل عليه من فتره في موضوع العربيه ده
من ساعه ما بعت ال128 من سنه تقريبا
المهم بقي
انا مييييييييييييح في الدايو والنوبيرا بالذات
ومش عارف اعمل ايه
يعني اغير فيها حاجه
ولا اسيبها لما يظهر اي حاجه
ولو حبيت اعمل فيها اي حاجه
اروح فين
انا ساكن ع الاتوستراد -جنب ستاد المقاولين تقريبا
ياريت اللي عنده اي معلومه تفيديني يحدفهالي
واهي تكون عيديه ليا
بما اني عضو جديد عليكون
واتمني مكونش هتقل عليكم
وشكراا مقدماا

**nab!l** · 26-11-2009 08:00 AM

الف مبرومبروك يعنى

**Sameh** · 26-11-2009 09:13 AM

فيه حاجات يستحسن تغيرها أول لما تستلم العربية
سير الكاتينة (150-200 جنيه)
زيت الموتور (105-230 جنيه)
فلتر الزيت (40 جنيه)
فلتر هواء (25 جنيه)
بوجيهات (حوالى 90 جنيه)
تيل الفرامل حسب الحالة
رجلاش للقباقيب الخلفية
وطبعاً كله يخضع حسب الحالة إنما ده الأحسن

خليه يقولك آخر مرة غير الحاجات دى إمتى لو انت واثق فى كلامه ، وعلى هذا الأساس حدد هتغير إيه وهتستنى على إيه
معدلات التغيير للقطع دى كالآتى :
سير الكاتينة (كل 40 الف)
زيت الموتور (كل 5 أو 10 الاف حسب نوع الزيت)
فلتر الزيت (كل غيار زيت)
فلتر هواء (كل 10 الاف)
بوجيهات (كل 20 الف)
تيل الفرامل الأمامى (حسب الإستعمال والمتوسط 20 الف فى الدايو)
رجلاش الفرامل خلفى (كل 20 الف)

طبعاً لو أوتوماتيك يبقا لازم تعمل سرفيس للفتيس عند حد بيفهم عشان دى نقطة فاصلة فى الموديل الأوتوماتيك

ومبروك يا باشا على العربية وأهلا بيك فى أقوى قسم على نايل موتورز

**Usama Nagi** · 26-11-2009 10:39 AM

مبروك علي السيارة
بس احب اعرف جبتها بكام علشان صراحة بدور علي نوبيرا بردوا

**MoMohsen** · 26-11-2009 01:18 PM

الف مبروك يا باشا ..انا بردة لسه جايب نوبيرا اتوماتيك من فترة قريبه و العربيه ما شاء الله ممتازة.
وعلى العموم انا ساكن قريب منك على الاتوستراد عند مطلع كوبرى اكتوبر لو فيه اى حاجه انا فى الخدمة.

**tompina** · 26-11-2009 02:30 PM

ألف ألف مبروك يا باشا .. بكام ؟

**mohamedhamam** · 26-11-2009 08:36 PM

ألف مبروك

**kiroo** · 27-11-2009 02:32 AM

الف مبرووك يا باشا

**KoDaK_Gti** · 27-11-2009 03:13 AM

100 الف كيلو كتير جدا على موديل 2007

**K!ShO** · 27-11-2009 04:17 AM

Sameh
متشكر ليك جداا ع اهتمامك وان شاء الله هحاول اغير اللي اقدر عليه
واللي الاقيه محتاج يتغير

MoMohsen
ربنا يخليك يا جميل وان شاء الله لو احتاجتك في اي حاجه هجيلك

--------
بالنسبه لسعرها
هي المفروض انها قسط
بس صاحبها لسه طبعاا مخلصش قسطها
باقي عليه من تنمها حوالي 48
وهو خد 22
وكل شهر هدفع انا القسط 1200 تقريبا

معرفش هي جت ازاي اصلا
كل حاجه تمت ف يومين

بالنسبه انها 100 الف كيلو
فهي الحكايه دي كانت مقلقاني
لكن لما شوفتها
غيرت رأيي خالص
حاجه كده نضيفه ومافيهاش كلمه
ربنا يسترها بس احسن شكل الواحد نسي السواقه D:

وميرسي ليكم ع اهتمامكم وان شاء الله
لما استلمها لو فيها حاجه هقول ع طول

نسيت اقول انها منيوال :)

الموضوع: الحمد لله .. باركولي ... عضو جديد في منتدي دايو (جبت نوبيرا )

LinkBack

أدوات الموضوع

عرض

الحمد لله .. باركولي ... عضو جديد في منتدي دايو (جبت نوبيرا ) - انشر الموضوع فى :

-

-

-

-

-

-

-

المواضيع المتشابهه

شيفورليه أوبتر اللى هى أصلا دايو لاسيتى ولا دايو نوبيرا ؟

عضو جديد في منتدي الاسد الفرنسي (405)

عضو جديد في منتدي التيريوس

دايو نوبيرا 2009 تعوووووووود من جديد

الكلمات الدلالية لهذا الموضوع

المفضلات

المفضلات

ضوابط المشاركة