الموضوع: تحريض و ابتزاز علني رخيص

أنا مش هندي

ما دام الهنود بيضربوا في بعض

المشاركة الأصلية كتبت بواسطة egyegy

لاحظ عنوان الموضوع، تحريض و ابتزاز علني رخيص.

كل ما قدمته يندرج تحت الإبتزاز، أما التحريض فهذا لا يمكن ربطه بما اسلفت في شرحك.

اه كنت خايف من النقد
طيب نكمل المسرحية بقى

وعندما ذهب البطل (صاحب مضارب الجولف) الى عملة ويدخل هذا المكتب ويسلم على هذا الشخص
وهذا وهؤلاء.وبعد ان انتهى من السلامات والترحيبات ذهب البطل الى مكتبة ليستريح لبضع دقائق
واذا بأحد الاشخاص يترك الباب تك تك تك ويقول له البطل تفضل وهنا يفتح الباب ويدخل ضيف الشرف الاستاذ عبودة (من يمين المسرح و يصفق له الجمهور ويصفر ترحيبا به) نكمل المشهد تانى المهم يدخل عبودة وياخد البطل بالحضن وسلامات وطيبون ويقول البطل اتفضل استريح يا عبدة (وهنا يضغط البطل على زر ليستدعى الساعى ويدخل الساعى ) ويقول البطل ها تشرب اية يا عبودة طلب عبودة واحد برتقال ثم خرج الساعى .
وهنا دار الحوار بين البطل والضيف
عبودة:ها احكلنا بقى على هونج كونج
البطل: ياه كانت رحلة اكثر من رائعة بس كانت شاقة بعض الشئ
وتبادل الطرفين اطراف الحديث الى ان وصلوا الى النقطة المرادة (تاتاتاتاتتتاتاتاتااااا) شوية موسيقي تصويرية كدة على مأسم
البطل: وكان عندى شوية مضارب جولف قلت اشحنهم على مركب لمصر ولما رحت استلمهم يا عبودة الاقى المضارب اتسرق منها 3
عبودة: نعم ازاى يتسروقوا هما اية بتوع الجمارك دول فكرين نفسهم اية ازاى يسرقوا الحاجة كدة
البطل: اهو اللى حصل بقى
عبودة: بس انت غلطان متسكتش على حجاتك
البطل: طيب اعمل اية شور على اخوك يا عبودة
عبودة:لا ياعم اللى انا ممكن اعملة مش هيعجبك
البطل: قول بس متخفش
عبودة: لالالالالالا لحسن تفتكر انى عايز اوديك فى دهية ولا حاجة
البطل: قول بس متخفش
عبودة: بص يا سيدى انت تاخد بعضك وعلى البيت تاخد فى ايدك اجمد عصاية جولف وتمسكيها فى ايدك وفى الايد التانية تمسك فى ايدك سكينة
البطل: لالالالالا انا مش ممكن اعمل كدة ابدا
عبودة: (بيهدى النفوس) ما انت لو معملتش كدة عمر حاجتك مهترجعلك
البطل: لا طبعا
عبودة: خلاص برحتك بس لو عايز نصحتى هو دة الحل الوحيد
البطل: خلاص انا هجرب والعيار اللى ميصبش يدوش
(مش عارف الساعى راح فين باين راح يزرع البرتقال مش مشكلتنا)
وهنا يذهب البطل البيت وياخد السكينة ومضرب الجولف ويتوجة الى الجمارك

فاصل اعلانى

مستنى التعليق علشان اكمل بعد الاعلان

اهم حاجة ان صاحب الموضوع ميزعلش منى

طب حل الفزوره حينزل امتى
معلش انا مش بتريق والله بس انا عمال افكر ومش فاهم حاجه من ساعه مشفت الموضوع

المشاركة الأصلية كتبت بواسطة Eng_Mostafa_89

اهم حاجة ان صاحب الموضوع ميزعلش منى

يبدو ان المخطأ هو انا ولست انت.

dodino2006 : أعتذر لك، وكل رجائي ان تقبله.

المشاركة الأصلية كتبت بواسطة mohamedbook

اولا لو تقصد انك تتبري من كلمه عربي او عرب او معني الكلمه
فالقران الكريم ذكر في مواضع كتيرة

(وكذلك انزلناه قرانا عربيا وصرفنا فيه من الوعيد لعلهم يتقون او يحدث لهم ذكرا)
والكثير والكثير حتي لا اطيل عليك
والنبي صلي الله عليه وسلم كان عربيا من قبيله قريش
فحضرتك لو متبري منها كعنصريه يعني فالنبي صلي الله علية وسلم لم يتتبري من قومه وهم عربي رغم ما سببوا له من ايزاء وعناد وتكذيب وقال اللهم اهدي قومي فانهم لا يعلمون
ولو عايز توصلنا معلومه ان الامه العربيه امه متخلفة وظالمه وطاغيه وفاحشه ومتفحشه عشان كدة انتا متبراء منها
فالعرب الي مش عجبينك دول علموا العالم كله الطب والهندسه والكمياء والزراعة والفلسفة والتاريخ هو الي بيقول مش انا طبعا ومش محتاج ذكر علماء
والعرب الي مش عجبينك دوله ربنا اختصهم بخاتم الانبياء والمرسلين
ولو فيهم ناس مش كويسن فالغرب نفس الكلام يعني انظر نسبه الشذوذ في الغرب والعالم العربي ونسبه الزني في الغرب والعلم العبي وبالاخص نسبه زني المحارم (الاب مع ابنتة الام مع ابنها الخاله والعمة مع ابن الاخ وابن الخت ) الاحصائيات الغربيه تقول انها بنسبه كبيرة جدا بالمقارنة بالدول العربية
يعني نفس الكلام في المجتمعات العربية
علي فكرة الكلام دة علي اعتبار انك عندك عنصريه ومتبري من العربية وطبعا انت زضحت كدة من خلال كلامك[/color] -----[gdwl]مع احترامي لحضرتك برضه، توقيعي استفزك في ايه ؟؟ هي دي الحقيقة و دي قناعتي من سنين و ليست وليدة لحظة غضب، و انا اعرف و اعي ما اقول تماما...و لو سيادتك شايف ان التوقيع غلط، اتفضل اثبت العكس[/gdwl].....
[color="rgb(75, 0, 130)"]واحب اقلك انك لما تحب تفتخر تفتخر انك مسلم مش مصري ولا غربي ولا عربي
لان الاسلام لم يفرق بين عربي ولا اعجمي الا بالتقوي
واحب اقلك ان الاسلام ليس به عنصريه ولا تحيز لحسب احد علي الاخر
وقال النبي صلي الله عليه وسلم علي سلمان الفارسي سلمان منا ال البيت ال بيت الني صلي الله عليه وسلم رغم انه من بلاد فارس وليس عربي وخصه الني دون غيرة من انه من ال بيت النبوة
وفعلا توقيعق لا يدل الا علي العنصريه اتي استنكرها ونها عنها الاسلام
وقال الني صلي الله عليه وسلم في خصبت حجة الوداع
كلكم لادم وادم من تراب
ولا قال عربي ولاهندي ولا شرقي ولا غربي

المشاركة الأصلية كتبت بواسطة Haytham1212

استاذ محمد mohamed book


بسم الله ما شاء الله

رد صح

المشاركة الأصلية كتبت بواسطة Islam_galal

{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص]

المشاركة الأصلية كتبت بواسطة islamislam

الصراحة توقيع اكثر من رائع ويا حضرات لازم نعرف ان كلمت عربى دلوقتى معناها توجه سياسى وليس من ييتحدثون اللغة العربية وان التوجه ده اثبت فشلة والدليل على كلامى تكوين مجلس التعون الخليجى وده اكبر تاكيد على كلامى وشهادة بدرجة راسب لجامعة الدول العربية وكفاينا نوم فى مية البطيخ:b4_556:

استاذ محمد بوك، مع كامل احترامي لشخصك الكريم، بس حضرتك حافظ كلمتين و قولتهم في غير محلهم تماماً... و زي ما بيقولوا: دخلت عيشة علي ام الخير، و في نفس الوقت رديت علي نفسك:

لان الاسلام لم يفرق بين عربي ولا اعجمي الا بالتقوي

يعني مش علشان تكون مسلم لازم تبقي عربي... والا كان مسلمي تركيا و باكستان و افغانستان و غيرهم اصبحوا مسلمين ناقصين حتة.......

ثم ازاي اتبرأ من العروبة ان كنت انا عمري ما كنت عربي اساساً، يا باشا الجنين مش ابني و تحليل ال DNA يثبت ذلك ... و اختلف مع الاستاذ islamislam -اللي بكنله كل احترام من تعليقات سابقة ليه في مواضيع اخري - في ان العروبة هي كل من يتحدث العربية، والا كان سكان امريكا اللاتينية من الاسبان و البرتغال، و الامريكان يكونوا انجليز، و لو انت اتقنت اللغة الفرنسية تكون فرنسي و هكذا.... فالعرب هم عرق و جنس و سلالة، لا احنا منهم ولا هم مننا، و حتي الدين او الجنسية او اللغة لا يغير تلك الاعراق، بمعني انه لو واحد فرنسي مثلاً اسلم، مش هتلاقي فجأة صفاته الوراثية اتغيرت، او لو انت مثلاً حصلت علي الجنسية الانجليزية، هتصحي من النوم تلاقي نفسك عينيك خضرا و شعرك اصفر....

و الاسلام لما دخل مصر، لم يغير جنس او عرق المصريين في وقتها، و ارجع لكتب الاولون ،و انت هتعرف ان المصريين لم يطلق عليهم عرب ابداً، و حتي بعد دخول معظم المصريين للاسلام فظل اسمهم المصريين، و كان يطلق كلمة عرب مصر، علي العرب الذين جاؤا من الحجاز و اقاموا في مصر، و لعلك تعرف ايضاً ان المصريين طلوا عدة مئات من السنوات و حتي و هم مسلمون و لكنهم لا يتحدثون العربية و حتي تم فرضها فرضاً. و حتي بعد ذلك الوقت ظل اسمهم المصريين، تحت علم دولة الخلافة الاسلامية و ليست الخلافة العربية.... يبقي السؤال امتي احنا كنا عرب و ازاي ؟؟


و بالنسبة للعلم و العلماء اللي بتتكلم عنهم، فاحب اصححلك معلومة، هما كانوا علماء مسلمين و ليسوا علماء عرب، و معظمهم كانوا من الدول التي فتحت و دخلها الاسلام و ليسوا من الحجاز.

و اضف لمعلوماتك ايضاً انه في وقت نزول الاسلام في شبه الجزيرة العربية، كان العرب يعيشون في ظلام مدقع (الجاهلية) و لم يكن لهم اي حضارة تذكر، و حتي بعد الاسلام و حتي يومنا هذا هناك من لا يزال اسير العادات الجاهلية، في حين ان اجدادك المصريين-و حتي وان كانوا واقعين تحت احتلال- فقد سبقوا العالم بمراحل و مازال العالم الحديث يعيد اكتشاف ما توصلوا اليه من قرون سبقت الاديان جميعها....

و سؤال كده علي الماشي علشان تفهم قصدي من الجنس و العرق: مين اللي تلاقي صفاتك الوراثية الطبيعية تتشابه معاه اكتر ؟ مسلم سعودي او باكستاني، ولا مصري سواء كان مسلم او غير مسلم ؟؟؟

في النهاية علشان مش عايز اطول و ادخل في مواضيع جدلية كتير في موضوع لا علاقة له بالموضوع الاصلي ( مع اني شكلي طولت زيادة عن اللزوم) انت بتتهمني اني عنصري و في نفس الوقت انا مش فاهم ايه اللي دخل حوادث حصلت في الغرب و زني المحارم في الغرب بموضوعنا، ولكني احسبه انك بتلمح اني لي ميول غربية، و علي العموم احب اقولك اني بعتز بمصريتي و جنسيتي جداً فوق اي تصور، و حتي وجودي في الخارج هو لمهمة عمل، باستعجل فيها الايام للعودة لبلدي بفارغ الصبر، و حاسس اني بمجرد الوصول لمصر انا مش هيكفيني ابوس ترابها ذرة ذرة، و اضيفلك، اني كنت في امريكا انا و زوجتي و هي حامل في ابنتنا الاولي في الشهر السادس، و بالرغم ان اصدقاء كتير نصحونا ان مراتي ولد هناك و كانت الامكانيات و الفيزا تسمح بذلك، و لكننا اختارنا ولادتها في مصر، و اتكرر الموضوع في ابنتنا الثانية، و لكننا كنا في وقتها مقيمين في هونج كونج من اكتر من سنة، و برضه اختارنا انها تتولد في مصر....

ما زلت عندي كلام كتير عايز اقوله، بس فعلاً مش عايز اغير الموضوع المفتوح اساساً في جدال مش هيخلص، و لذلك اطلب من الاخوة الاعضاء اللي عايز يتكلم في موضوع العروبة تاني يفتحلها موضوع مستقل بذاته و هاكون سعيد اني اشترك فيه......

المشاركة الأصلية كتبت بواسطة ahmed samy

أنا مش هندي

ما دام الهنود بيضربوا في بعض

بالكلام دا حضرتك بتوقع بينا و بين الهند هذة الدولة الشقيقة التى تجمكعنا بيها علاقات منذ قديم الأزل
أنت كدا بتعادى السامية