يا جماعه هى مشاكل الالنترا دى موجوده فى الi30 ولا لا ؟؟؟
عرض للطباعة
يا جماعه هى مشاكل الالنترا دى موجوده فى الi30 ولا لا ؟؟؟
أنا عندى مشكلة ظهرت حديثا" وهى انى لما احب ادوس على مفتاح النور لما يكون فى وضع النور الواطى علشان اشغل الرعاش " يعمل قفلة على السيارة بالكامل وتبطل " ولما اشيل ايدى من عليه ترجع تشتغل تانى بدون start
ياترى قابلت حد من الاعضاء الافاضل هذه المشكلة من قبل ؟ وايه اللى ممكن يسبب المشكلة دى
انا عندى النترا ضربت كنترول بعد سنه دى عربيه عايزه الحرق وركنها بقالى تلت شهور كنترولها ب 14 الف جنيه
بجد مش هزار 3000خصم من نار
ايوة الخصم بجد على جميع سيارات الانترا 3000بكامل فئتها
وخـصم على النيو اكسنت نفس الكلام" الموديلات كلها 2010"
ومن التوكيل رأسا.
فقط اتصل
0103931619 : نادر ناجــي
اتشرف بتقديم نفسي لاعضاء المنتدى الجميل ودى اول مشاركة ليا واحب يا شباب أقولكو رأيي
بصراحة بدون تحيز وعن تجربه
الالنترا الان متفوقه على جميع السيارات فى السعودية وبالذات الرياض لو وقفت فى أى إشارة هتلاقي مش اقل من 4 او 5 عربيات النترا ما بين ملاكى وتاكسي
وحاجه تانيه ان جميع التاكسي الجديد دلوقتى كله النترا بعد ما كان زمان معتمد على التويوتا كامري وزى ما انتوا عارفين ان التاكسي بيطلع مشاوير كتير ولف كتير طول اليوم وعن تجربه سألت اكتر من واحد سائق تاكسي ايه سبب اختيارة للالنترا يقولى سيارة ممتازة فى قله اعطالها واسعار قطع غيارها رخيصة وبتعيش وكفاءتها عاليه وعمليه جدا كفايه انى اقول ان كذا واحد اشوفه عامل بالانترا 200 الف كيلو او اكتر فى اقل من سنه ونصف ويقولى ما غيرتش غير تيل فرامل و حاجه فى الدبرياج مش عارف ايه بالظبط لانهم كلهم بيجيبوا المانيوال عشان ارخص وطبعا الرياض وزحمتها الرهيبه ما ينفعش فيها غير الاتوماتيك
عموما بعد ما سألت ناس كتير وانا ناوى اشتري سيارة جديدة وكنت محتار بين الانسر والالنترا والسيراتو والكورولا وبعد صلاة استخارة واستشارات كتير
اخترت الحمد لله الالنترا وعن اقتناع لمزايا كتير جدا فيها غير كده كماليتها عاليه جدا
وهيا سعرها 55 الف ريال الفل اتوماتيك كامله ومواصفاتها كالاتى :
جير اتوماتيك -مرايا وزجاج كهرباء-كاسيت سي دى بلوتوث AUX - مكيف الكترونى تتش- جنوط 16- ABS-EBD - كراسي جلد تسخين -كرسي السائق يرتفع وينخفض - مساند بها حامل اكواب اماميه وخلفيه - مساند رأس خلفيه - دريكسيون ملتيميديا - فتحة سقف - اضاءة علويه مع جراب نظارات - كشافات ضباب - Airbag 2- ريموت وانذار عدد 2
وان شاء باستلمها الاسبوع القادم وباعملكوا تقرير عنها بإذن الله
وعندى بس للكلمه للأخ العزيز صاحب البروتون .
انا كنت بصراحة مقتنع جدا فى الاول بالبروتون وجربت المانيوال والاوتوماتيك وعربيه حلوة بصراحة وبتشد على الطريق وكلت بيها مطب جامد على 90 كم ونطت ونزلت ومحستش بيه كتير بس فيها عيبين لاحظتهم وعملت بيها حادثة من يومين كنت مأجرها لسه جديدة 2009 والحمد لله كان عليها تأمين شامل
1- الفرامل بتاعتها تعبانه جدا وبلغت صاحب المحل كذا مرة لانى اجرتها كتير قبل كده كذا واحدة منها وكل مرة يقولوا بنظبطهم وللاسف زى ما هما وشكلها هو ده عيب شامل فى كل البروتون انها بتزحف جامد لو ضربت فرامل فجأة . كنت ماشي على 80 تقريبا وواحد حدف عليا بيعمل دوران وضربت فرامل على الاخر العربيه زحفت مش اقل من عشرين متر واتصدمت فيه والاكصدام والكبوت عندى اتطبقوا والخبطه عنده جت فى الباب كانت عربية اكسنت
المهم ربنا ستر وعدت على خير بس فعلا الفرامل فيها مشكله
2 - تانى حاجه كمان انها بتحدف لو فيه عربيه نقل كبيرة أو اتوبيس عدت من جنبك لو ماشي بسرعة عاليه
3- لو ضربت فرامل فجأة وانتا على سرعة وانتا مش ماسك الدريكسون كويس بتعوم منك وربنا بيستر
4- ضيقة جدا من جوة والتابلوة بتاعها مش فخم واماكن الزارير مش حلو خالص
لكن بالنسبة للتجميع والطلعة ممتازة بصراحة وحلوة على الطريق السريع وشكلها رياضي لكن العيوب دى خلتنى ابعد النظر عنها تماما
وشكرا للجميع
ربنا وفقك للاختيار المناسب وانا كنت في نفس الحيرة تقريبا من سنة والحمد لله استقرينا على السيارة الانسب هي الالنترا واحب ابشرك عمرك ما هتندم انك جبتها في يوم من الايام .
بس احب انبهك على حاجة عشان متتفجأش ان الالنترا فيها نفس العيب اللي انت ذكرته في البروتون ان لو عربية نقل او اتوبيس عدى من جنبك وانت فوق 100 كم/س هتلاقي انحراف ولكن بسيط جدا ومش خطير على الاطلاق. وده طبيعي في معظم السيارات السيدان .
ونا ركبت عربيات كتير لكن فعلا تحس بالجودة العالية في الالنترا بمجرد التحرك بالسيارة من اول وهلة .
وفعلا الالنترا سيارة الخدمة الشاقة والمؤبدة . ده بتعمل احيانا 500000 كم في دول الخليج لموديلات 2007 وحالتها كويسة .
كلام جميل جدا يا باشا لكن بالنسبه لعيوب البروتون فالصراحه كلام غريب جدا
1- نظام الفرامل بوش ألمانى مزوده بabs و ebd وصعب جدا الكلام اللى انت
بتقوله ده لان كاوتش البروتون عرضه 195 والعربيه ثقيله فصعب زحفها جدا غير الabs اللى لو عملت ايه مابترضاش تتزحلق اساسا
يعيب فرامل البروتون فقط بعد مدا الدواسه يعنى الدواسه واطيه مش باللمس بس
لكن العيب اللى انت بتقوله ده اكيد عيب فردى فى سيارات المحل مثلا مابيغيرش تيل ولا حاجه لعربياته
او ممكن تكون بتقارنها بالسيارات اللى فى السعوديه
2-اهم مايميز بروتون عن السيارات المنافسه ثباتها الخرافى على السرعات العاليه
واللى انت بتقوله ده حاجه طبيعيه فى اى عربيه لكن الموضوع نسبى يعنى لو راكب
كابريس وعديت جنب تريلا وفى فرق سرعه هاتحس بانحراف لكن انحرف قليل جدا
وزى ما قال استاذ طارق العيب ده موجود فى الالنترا بردو وفى البى ام كمان لكن بدرجات
3-اكيد عيب فردى او حضرتك متلخبط فى العربيه مش ممكن انت بتتكلم على بروتون (افضل مافيها ثباتها والكونترول اللى مصممين بهندسة شركة سيارات السباق لوتس)
4-ضيقه قليلا من الخلف لكن من الامام واسعه وده عشان التصميم الرياضى والتابلوه شبابى جدا وجامد (اذواق طبعا)
وبالنسبه لكلام حضرتك على الالنترا انا معاك فى كل نقطه واهم ما يميز النترا سعرها المنافس وليس جودتها
يعنى سواقين التاكسى اللى جابوها مش عشان هى احسن من الكامرى لكن عشان سعرها احسن (كقيمه مقابل سعر)
وهى عربيه مناسبه جدا ولكن ايضا لها ( عيوب ) ويجب عدم تجاهلها لانها ممكن تكون مؤثره بشده فى استخدام واحد
يعنى فى ناس ممكن يفضلو الصنى عليها عشان عاليه عن الارض ومابتهبطش مثلا
وممكن واحد يفضل البروتون عليها عشان اثبت على السرعات او الشكل
وممكن واحد يفضلها على اى حاجه عشان نعومتها وموتورها القوى ووسعها
وهكذا
ويجب ان يكون المشترى على علم بالعيوب قبل المميزات عشان مايتصدم ولا يندم على قرار فى يوم
وااسف على الاطاله وشكرا
ازيكم يا شباب
انا ملاحظ انكم عمالين تتخانقوا على عدم ثبات العربية فوق 160-180 .
يا شباب اتقوا الله فالروح ليست لعبة ابدا حتى تتهانوا فيها هكذا .
على فكرة انا معابا الانترا 2010 وعمرى ما عديت 120 مع انى عشت فى السعودية 6 سنين وانتوا عارفين الطرق هناك حلوة جدا على السرعات .
وانا شايف ان العربية ناعمة جدا ومريحة جدا داخل المدن وثابتة تبعا لسرعتى التى تناسبنى خصوصا ان معى عائلة وان الباور فعلا بيتقل معايا.
وكفانا الله جميعا شرها واعطانا خيرها
ممنوع الكتابه بطريقه الفرانكو اراب
يرجي مراجعه قوانين المنتدي
مشرف هيونداي