هقولوكم حاجه غريبه
اول بوبينه قطعت وبالتالى العربيه مش عربيه
وعرفت انها بحوالى 450 جنيه
الكلام ده صح يا رجاله!!!!!!!!!!!!!!!!!!!!!!!!!!!!!!!
عرض للطباعة
هقولوكم حاجه غريبه
اول بوبينه قطعت وبالتالى العربيه مش عربيه
وعرفت انها بحوالى 450 جنيه
الكلام ده صح يا رجاله!!!!!!!!!!!!!!!!!!!!!!!!!!!!!!!
و هو انا عملت خلاف دلوقتي او شايفني بتخانق معاك ؟
انت بتقول كلام كله غلط في غلط كأن فيه حقد على هيونداي و خلاص و الناس كلها عارضتك
ازاي يعني بتفكر اصلا تقارن بروتون بهيونداي لا كمان بتقارن بيرسونا بالنترا !!!!!!!!!!!!
طبعا مع الاحترام كل واحد حر و عربيته و ده مش تجريح بس معلش كل واحد يعرف امكانيات عربيته و حدودها و ما يقعدش ينفخ فيها كده ع الفاضي و خلاص و يعيب في عربيات تانية
يعني عمرك شوفت عضو هنا مثلا معاه النترا و رايح في منتدى بي ام دبليوم يقارنها بأي عربية بي ام جديدة و يقول ده ثباتها احسن و كلام كده اي كلام ؟
و لو على التوقيع يا سيدي هغيره عشان خاطرك و لو عايز كمان اكتب (شكل للبيع) معنديش مانع بس عايز تقول كلام غلط كده ممكن تقوله براحتك في القسم بتاعك و تقارن عربيتك ببروتون ويرا و لا اي حاجة مش تجيب كمان عربيات تانية ماتتقارنش اصلا بالنترا زي اوبترا دي
علي فكرة من غير الدخول فتفاصيل واضح انك ولا ركبت برسونا و لا بروتون ولا اي حاجة
و البرسونا تتقارن طبعا بالالنترا و تتفوق عليها فحاجات كتير كمان........
ولا حتى الاوبترا تتقارن بالالنترا !!!!
امال الالنترا تتقارن بايه يا باشا ؟؟؟
ولا هى فئه لوحدها كده مافيش زيها ولا احسن منها ولا ايه ؟؟؟؟؟؟؟؟؟؟
وواضح فعلا انك ماركبتش بروتون ولا مره فى حياتك
لانك لو ركبتها كنت عمرك ماهتتكلم فى نقطة الثبات بالذات لان اكيد مليون فى الميه بروتون تتفوق على هيونداى فى النقطه دى
لانها عفشتها ونظام الثبات تصميم شركة لوتس لسيارات السباق الانجليزيه
وخلى بالك ممكن عادى بردو انك تقارن بين هيونداى النترا وبى ام 316 مثلا والنترا تتفوق فى حاجات
الموضوع مش اسامى خالص
لان لو عالاسامى ماكاتش هيونداى تعمل حاجه اسمها فيرنا ولا كانت تويوتا تعمل عيوب الصناعه الشهيره
ياريت تقارن سلعه بسلعه افضل وهاتلاقى نقاط تميز كل واحده عن التانيه
او افضل نرجع لسياق الموضوع ومانخشش فى حوارات حاده بيننا
انا قولت ان العربيه فيها مشاكل
انت رأيك غير كده قول مافيش مشاكل
ومش لازم تكذب وتجرح
والناس فى الاخر هاتاخد ملاحظاتى وتجرب وتحكم مين اللى كلامه صح
وبكده نكون هدفنا نفيد الناس مش نتخانئ مع بعض
النترا هنا في مصر بس الناس بيقارنوها باوبترا و بورتون معرفش ليه
انما الغريب انها في دول العالم بتتقارن بكورولا الجديدة و هوندا سيفيك و انا و الله شوفت تقرير في امريكا فيه ترتيب العربيات هناك و كانت النترا فوق سيفيك !!! يبقى تقارنها باوبترا و بيرسونا ؟ ازاي يعني ؟
انا معاك انها فى امريكا تتقارن بالكورولا والسيفيك وممكن تتفرق
لان المقارنه هناك بتبئا بالمبيعات وقيمه مقابل فلوس
يعنى بيحسبوها انت دفعت كام وخدت ايه وبالتالى هيونداى ممتازه فى دى
وكمان فى اسباب كتير لمبيعات هيونداى فى امريكا مش موجوده فى مصر
زى خدمة مابعد البيع ووسائل الامان
خلى بالك من اهم اسباب نجاح هيونداى فى امريكا خدمة مابعد البيع ودى شبه مش موجوده فى مصر مع غابور
وكمان لو الالنترا بتنزل منغير وسائد هوائيه ماكاتش عمرها تدخل اساسا امريكا
يعنى التفوق مش سببه الجوده او الاداء
لا سببه قيمه مقابل سعر + خدمة مابعد البيع + دعايه وكده
انت هنا فى مصر لو بنفس المقاييس بروتون تتفرق بسبب وسائل الامان و خدمة مابعد البيع والكماليات وكمان الاداء وكقيمه مقابل سعر فى مصر بروتون افضل
لكن يبقى عامل الدعايه اللى بياكل اوى مع المصريين
واكبر دليل اللوجان بعد مامشيت عالحيط كسرت الدنيا انما قبل ماكانش حد يسمع عنها غير اللى متابعين فقط
خلاصة كلامى ان خلينا فى مصر لان المقاييس مختلفه نهائيا واركب دى واركب دى واحكم واللى يرضى متطلباتك اشتريه
مع كامل احترامى لملاك هيونداى فى مصر
وهذا مجرد رأيى الشخصى
خلاص رأيك و حضرتك حر فيه
انما انا شايف ان الموضوع مش موضوع دعاية و خدمة ما بعد البع لان تويوتا و هوندا مش شوية و ممكن برضه يعكلوا كل اللي قلته ده زي ما هيونداي بتعمل بالظبط يبقى المرجع النهائي في التصنيف هو الجودة
و بعدين ما تقولش بروتون كماليات اكتر اولا فيه فئة من النترا ب 116 الف فول اوبشن مش ناقصها حاجة و ثانيا الكماليات عمرها ما كانت مقياس لاداء العربية انت كده بتعمل زي الصين تصنعلك سلعة تعبانة خالص بس تقعد تزين فيها و تحط فيها حاجة جذابة من برة كده عشان تشتريها !
انا عن نفسي لو طلبوا مني استبدل عربيتي بكورولا الجديدة اللي اغلى منها هرفض لاني مقتنع تماما ان النترا احسن عربية 1600 سي سي في مصر و بشكر ربنا كل يوم على حسن الاختيار
كلامك صحيح 100 100اقتباس:
و بعدين ما تقولش بروتون كماليات اكتر اولا فيه فئة من النترا ب 116 الف فول اوبشن
بس فرق السعر دا كبير جدا جدا بين البرسونا والالنترا حوالي 30 الف جنيه
و دا شيء مش منطقي :)
وربنا يباركلك فعربيتك