مع احترامى الشديد لكل الاعضاء العربية دى فاشلة بمعنى الكلمة العربية دى انا كنت حاموت بيها بسبب الزفت الباور بتاعها ده بجد انصح كل اللى بيفكر فيها انو يبعد عنها خالص (عربية فاشلة)
عرض للطباعة
مع احترامى الشديد لكل الاعضاء العربية دى فاشلة بمعنى الكلمة العربية دى انا كنت حاموت بيها بسبب الزفت الباور بتاعها ده بجد انصح كل اللى بيفكر فيها انو يبعد عنها خالص (عربية فاشلة)
يا ريت لو حضرتك توضح لنا ( نحن ملاك الالنترا ) و غير ملاكها :
1- حضرتك دى عربيتك ولا كنت مأجرها ولا بتاعة واحد صاحبك ( وعربيتك نوعها اية لو كانت دي مش عربيتك )
2- لو حضرتك من ملاكها , الكلام دة بعد وقت اد اية من امتلاكها وهي موديل سنة كام.
3- السرعة كام اللي حضرتك كنت ماشي بيها.
4- كنت ماشي بيها على اي طريق.
5- ياريت حضرتك تشرح لنا الموقف كان إزاي.
ودة علشان نستقيد كلنا من تجربة حضرتك سواء كنت من ملاكها أو مستلفها.
يا ريت نعرف تفاصيل الحادث عشان يكون الحكم موضوعي اكتر من كده
فى البداية ياريت التعليقات تبقى من ملاك العربية فقط
و مش اى حد سمع حاجة عن العربية يجى يقولها وكأنها تجربة شخصية له.....
العربية معايا من يونيو 2007 - مانيوال
ماشى بيها حتى الأن 48000 كم
المشاكل اللى قابلتنى
- كذا مره كنت بسمع صوت صفاره خفيفه على فترات وطلع من بلية الدبرياج وكانو فى الصيانه بيشحموا البليه وبعد فترة الصوت يرجع تانى ..... بس لما اشتكيت جامد من الموضوع ده غيرولى البليه فى الضمان والصوت اختفى تماما
- من عيوب العربية برده انها واطية على الأرض وخصوصا لو راكب حد فى الكنبة الخلفية وفيه مطب طناعى لازم حتحك فيه
- ابعاد العربية صعبة شويه ولازم تاخد عليها كويس وخوصا من الخلف
غير كده العربية مريحانى جدا جدا وماشاء الله عليها
حاجة كمان نسيت اقولها ... ان العربية صاجها ضعيف جدا