الحمد للة 190 كم/س و تعوم يمين و شمال بسبب عدم تعود حضرتك على الباور الكهرباء بتاعها و لم تنقلب دى نقطة تحسب للعربية
عرض للطباعة
الحمد للة 190 كم/س و تعوم يمين و شمال بسبب عدم تعود حضرتك على الباور الكهرباء بتاعها و لم تنقلب دى نقطة تحسب للعربية
يا جماعة انا هائول رأيى فى العربية بعد تأجيرها اسبوع كامل بتاع العيد و هاكون حيادى وهاستشهد بعربيات تانية مش للمقارنه او المفاضله لكن للتوضيح
اول يوم سوقتها الباور جميل جدا تحت ال 100 جوه المدينه يااه على النعومه والجمال وسحب العربية ممتاز و الصوت هادى وكل حاجه حلوة الا المطبات وطبعا ماتفرقش معايا دى ايجار بس انا باحسب الحك فى المطبات عيب فى الالنترا مش عيب فى المطبات زى مافى ناس بتئول لسبب ان لو العربية كده كده واطية زى السيفيك مثلا ده عشان الثبات لكن لما تبئا عاليه ولما حد يركب ورا تبئا واطيه ده يبئى عيب مساعدين ولا ايه ؟؟؟؟؟؟؟؟؟ يعنى المساعدين طريه فثبات وحش وبتحك كمان
ثانى يوم خلاص اتعودت عليها بدأت اجرى فوق ال 100 ثباتها وحش بالنسبة للاوبترا واللانسر البوما والصنى مثلا واكيد البرسونا بتاعتى يمكن يكون العيب فى الباور لكن اعتقد انه بسبب انعدام الايروديناميكس فى العربية والبودى العالى مع العفشة الناعمه الطريه دى زى الكرولا كده بس الالنترا اكتر كمان
الخلاصه من رأيى فيها
المميزات : ناعمه اوى كعفشة وباور جوه المدينه وواسعة ومريحه وموتورها قوى عليها زى الفيرنا كده
العيوب : فرامل مش حلوة وثبات وباور وحش على السرعات العاليه والمساعدين الخلفيه وحشه فبتعوم العربية بسهوله وبتهبط العربيه مع اى وزن وتحك فى المطبات
الصراحة لو هاشترى مش هاجيب النترا لان وطيها ده عيب خطير بالذات فى مصر وانا باحب الجرى فعايز عربيه ثباتها عالى زى الاوبترا او البرسونا او الصنى
وااسف على الاطاله ويا رب ماكونش دايقت حد لانى عارف ردودكو عليا هاتبئا عامله ازاى
السلام عليكم ......اولا انا عارف ان السرعة خطر جدا مش على الالنترا بس لا ده على اى عربية لان اكيد انا مش لوحدى على الطريق دى حاجة و التانية ممكن فعلا اللى حصللى ده يكون حالة فردية بس انا قولت اللى حصل معايا حتى صاحب العربية كان معايا و هو قالى اه العربية دى حلوة لحد 100 بعد كده بيبقى التحكم فيها صعب شوية و انا سمعت كمان ان الموديلات 2010 ان الباور فيها بيتقل على السرعات العالية هل ده صحيح ؟؟ بس انا للاسف من محبين السرعة :s وشكرا لمرورك والاهتمام
الله يسلم حضرتك ..الحمد الله جت سليمة والله انا لما ركبت الانترا الشكل القديم والله عربية محترمة اوى اوى اوى عكس الجديدة (وجهة نظر) اكيد حضرتك ان مع السرعة دى لازم العربية تعوم ده فى اى عربية مش دى بس بس المشكلة اللى معايا انها لما حدفت منى انا متعود على عربيتى اللى هو ممكن المها انشاء الله اخدها دريفت بس المشكلة فى الالنترا دى انها الباور كهربا طبعا مساعدنيش باعكس عوم العربية اكتر لان كنت بجيت اخر الدريكسيون يمين و شمال هو انا لو كنت على سرعة عادية مش مهم لاكن انا كنت على 190 و كمان فى نقطة انا اخد بالى منها بعدين ان الالنترا دفع امامى و عربيتى دفع خلفى دى كانت حاتفرق معايا اوى فى الموقف ده
و تقبل مرورى
موضوع ممتاز وكنا منتظرينه من زمان وأنا ياما ناديت بيه
ويا ريت يا جماعه تكلمونا عن اسعار قطع الغيار داخل وخارج التوكيل
وبالنسبة لأصحاب الألنترا بلاش يا جماعه تتخضوا لما حد يتكلم عن عيوب صادفته في العربية فيه عيوب كتير فرديه ومش بتحصل في كل العربيات لأن كل واحد فينا استخدامه للعربية بيبقى غير التاني
ولو جربتوا ودخلتم على نفس الموضوع بس للفيرنا هتعتقدوا ان الفيرنا دي تجمع فيها كل عيوب العربيات كافه ودة طبعا غير صحيح ولكن معظمها مشاكل فرديه
أحييكم جميعاً لان الحوار بدأ يبقى موضوعي وراقي جداً.