الموضوع: مشاكل هيونداي الانترا (متجدد)

انا هارد عليك رغم انى مش عاجبنى اسلوبك
انهى عربيه انا قولت عيوب وهميه فيها ؟؟؟؟؟؟
كل العيوب اللى انا باقولها صحيحه وفى عربيات كورى باحترمها جدا زى الاوبترا والكروز والريو واللنترا كمان بس ده مايمنعش ان فيهم عيوب برده
ومالك بتتكلم عن بروتون كده ليه على الاقل مافيهاش عيوب عفشه ولا عيوب تقفيل مصرى مثلا
كل عيوبها فى كماليات الصالون بس والحمد لله
مش عربيه خفيفه لما يعدى من جنبها اوتوبيس بتنحرف عن مسارها وعفشتها بتخبط وثبات ضايع وغيره

وياترى النترا مافيهاش ولا عيب ؟؟؟؟
واللى يقول عيب يبئا كداب
ياريت نبئا واقعيين شوية ومانخليش حبنا لعربيه يعمينا عن عيوبها ده على اساس انكو صادقين
اما لو مش صادقين يبئا ربنا يسامحكو بئا
عيوب النترا (اللى غالبية الناس بتشتكى منها عدا اعضاء نايل موتورز) :
1- العفشة الخلفيه بتهبط مع الاوزان يعنى عيب مساعدين او سوست
2- الباور خفيف اوى وبيقلل التحكم فى السرعات العاليه
3- العربية ثباتها اقل نسبيا من فئتها وقوة موتورها
4- العربيه خفيفة جدا وسهل انها تزحف من اقل مسكة فرامل فى
5- العربية خفيفة وممكن فرق سرعة بينك وبين اتوبيس يخليك تفقد التحكم عليها لو انت مش سواق جامد

بس طبعا هاتقولو ان الكلام ده غلط بسبب تعصبكو الواضح للهيونداى فى كل اقسام المنتدى
واللى عايز يتأكد من الكلام ده ممكن يروح يأجرها يوم قبل مايشترى

المشاركة الأصلية كتبت بواسطة monmonmon

انا آسف على اسلوبى معاك و اللى حصل قبل كده لكن اسلوبك للاسف بيكون مستفز جدا

لو دى مشاكل فى وجهة نظرك ممكن تكون مش مشاكل لغيرك

1- العفشة بتهبط ده مش عيب مساعدين لكن تصميمها كده و عفشتها مش ناشفه.. و لو بتحك فى مطبات ابقى معاك ماشى عيب بس فى عربيات تانيه كده

2- الباور خفيف على السرعات القليلة دى ميزه كبيره جدااااا و مريحه اوى و على السرعات نقول ماشى انه وحش طيب فى ناس مش مهم بالنسبة لها السرعة

3- ثباتها اقل من فئتها مش عيب لما اشترى عربية مريحانى و انا اصلا مش بجرى.. و بعدين ثبات اقل ده على سرعة كام 140 او 160 مش كل الناس بتهتم بالسرعة دى

4- العربية بتنحرف مع الفرامل؟؟؟ تصدقنى لو قلتلك ال i10 بتضرب فرامل من سرعة 90 و 80 كتييير و و ساعات سرعات اعلى و مش بتنحرف سم عن مسارها ما شاء الله و حتى الماتريكس لما بجرى بيها و بفرمل من 120 مفيش مشاكل الحمد لله

5- لو واحد مش بيجرى جامد مش هيلاحظ النقطة دى
انا لاحظت الموضوع ده فى عربية دوجان بتاعت صاحبى و هو على 120 لما بيعدى اتوبيس العربية بتحدف يمين و شمال زى ما تكون بتعوم
ال i10 على نفس الطريق ماشيه 120 و 130 و بتعدى جنب اتوبيسات و مفيش اى انحراف خالص و هى عربية خفيفه اصلا


ممكن انت شايف دى عيوب لكن غيرك لما يلاقى عربية ناعمه جدااا و واسعه و مريحه و خاماتها جيده جدا بالنسبة لفئتها و قويه و اخف دريكسيون يريحك فى السواقة فى الزحمه و مش غاوى جرى و غرز يبقى دى اختيار مناسب

و العيوب معناها عربية تعطل.. تيل و طنابير تبوظ .. دبرياج .. فتيس........... كل دول مفيش فيهم عيوب الحمد لله و لو عيوب بتبقى حالات فرديه و نادره

و هى دى مقياس الجودة لأن الجودة مش مقصود بيها الخامات اللى قدام عينك

الجودة كمان هى ارضاء العميل (مش فى الصيانة بس) لكن واحد اشترى سلعه و عجبته و بينصح الناس بيها ده بيتحسب للشركة.. و هو ده اللى انت شايفه اصحاب العربية بيشكروا فيها و بينصحوا غيرهم بيها و ده مش موضوع تحيز و اعلانات

الناس اللى عارفه quality control , quality assurance يقدروا يفيدونا اكتر

انا بركب العربية دى كتيير بس عمرى ما سوقتها على طريق سريع لكن لو جربتها هقول رأيى بتأكيد

تحياتى

+111111111111111111
ايوا كده هو ده الكلام اللى انا احترمه
انا ماقولتش بتنحرف انا قولت بتزحف بتتزحلق يعنى بسهوله
اذا دى ممكن تبئا عيوب بالنسبه لناس كتير بتحب تجرى صح
لكن ربما مميزات لناس بتحب النعومه ومابتحبش الجرى
يبئا اللى اعتبرها عيوب ده مش كداب واللى اعتبرها ميزات برده مش كداب
ماعدا نقطة العفشه الخلفيه دى عيب فى جميع الاحوال مشيت بالراحه هاتحك فى المطبات مشيت بسرعه هاتأثر على الثبات عشان طريه زياده والفرامل برده زحلقه فى جميع الاحوال
وشكراااا
موضوع جميل ومفيد لناس كتير شكرا لصاحب الموضوع

المشاركة الأصلية كتبت بواسطة bob12345

باشا عيوب العربية الي يحددها ملاك العربية مش واحد ماجرها في العيد وياعالم العربية حالتها ايه وده كلام من واحد معاه ماشية 63000 كيلو
1 العيب الاول موجد وده بحس انه العيب الرئسي ليها بس هوا موجود في عربيات تانية منها السيفك الي هيا واطية اساسا والكرولا بس هيا ملحوظة بشكل اكتر فيها
2 انا شايف ان مع التعود ان اكتر المميزات فيها الباور والعربية بتتباع بالباور ده في كل حته في العالم لو هو وحش كده ومبيفصلش كان زمان هيونداي اتئفلت اساسا من كتر الحوادث الي حصلت وشوفتلها فيديوهات تقيم كتير محدش قال ان الباور مش بيفصل دي ابدا
3 ده مش حكم عليها لاني ماجربتش العربيات التانية غير سيفيك و لانسر بس مش علي سرعات و جربت الكرولا الشكل القديم لمدة 10 ايام ايجار بس كان ثباتها ضايع مش عارف عيبها ولا عيب العربية .بس انا شايف ان ثباتها كويس جدا بالنسبة لفئتها لان الفئة دي مش سيارات رياضية عشان نطلب منها اداء رياضي لو عايز في عربيات مخصصة لكده لكن احنا هنا شعب غلبان بنجري بي حاجة وخلاص لان مش من امكانيات المعظم من الناس اته تشتري العربيات دي ....فبيجري ب اي حاجة وخلاص بيرسونا لانسر اي حاجة ده غير ان الطرق كلها زي الزفت
4 الفرامل كويسة وقوية بس ينقصها ال abs عشان حوار الزحف وده عيب توكيل مش عربية لان في منها ب abs وكمان غبور نزلها
5 محصلتليش غير مرة بس ده هزه بسيطة مش انحراف و انا كل ماشي علي الدائري وده في معظم العربيات من الفئة دي

1- فى فرق بين عفشه واطيه اساسا وعفشه بطوطا مع الحمل
يعنى عفشة السيفيك واطيه عشان تديك ثبات عالى لكن عافشة الالنترا مش واطيهه اوى وبطوطا مع الحمل فبالعكس بتأثر على الثبات عشان سهولة فتح وقفل السوست والمساعدين مع المنحنيات
2- ممكن صح بس عمرك شوفت حد بره بيجرى بعربيات 1600 سى سى؟؟؟ احنا بئى بنجرى واحتياجاتنا غير احتياجاتهم (مش كله بيجرى يعنى) ففى ناس يعتبروها ميزه زى حضرتك وفى ناس تعتبرها عيب زى حضرتى
3- صح كلامك ثبات الكورولا القديمه ضايع بس انعم عربيه فى المطبات العاليه والواطيه وليها زبونها برده
صح كلامك برده ان هى مش رياضيه عشان نجرى بيها بس فى عربيات تانيه لو انت عايز اداء رياضى تحققهولك احسن منها شويه زى الهيونداى كوبيه والجين2 مثلا
فهى احتياجات برده ولازم الكلام يبئى واضح قدام اللى عايز يشترى ولا ايه ؟؟؟؟
4- صح +111111111
5- ده بسبب المساعدين والسوست الخلفيه الطريه اوى دى