السلام عليكم يا شباب عندي مشكلة في سيارة باسات 2002 كانت مرفوعة فترة وجبت لها بطارية جديدة السيارة كله تمام بس الكاسيت والتكييف فاصلين كهرباء تماما مش عارف محتاجة كود ولا ايه وانا معرفش اصلا اجيب الكود ده منين او ادخله ازاي يا ريت الاهتمام وتردو عليا جزاكم الله كل خير
هو الموضوع ده مش موضوع كود علي فكرة..
عشان لو موضوع كود بيبقي للكاسيت بس.. و بيبقي شغال باور.. بينور يعني و الشاشة بتفتح.. بس مش بيشتغل.. بيديلك فرصة تدخل الكود..
انت كده محتاج كهربائي متخصص فولكس يبص علي الفيوزات..
عشان هي كده غالبا في فيوز او اكتر ضارين.. و ان شاء الله مش هتكون حاجة اكبر من كده..
ممكن سعاتك تعمل مغامرة صغيره كده.. تفتح غطا علبة الفيوزات.. و تحاول تدور علي الفيوز بتاع الكاسيت.. و بتاع التكييف.. (وبتاعا لتكييف هيكون اوضح.) و تشيله من مكانه و تبص عليه..لو ضارب تغيره.. بواحد نفس المواصفات..(المقاومة يعني) و تشوف هيشتغل كويس ولا لأ..
نصيحتي: شوف كهربائي كويس بعد العيد افضل ان شاء الله..
ألف شكر يا باشا هبص كده وهرد عليك ياريت لو تتابع معايا لأن العربية دي معايا في السعودية وهنا مبيعرفوش يصلحو حاجة غير التويوتا
أوباااا...
ربنا يستر.. فعلا دي مشكلة.. و اكيد التوكيل عندك في الطراوة..
عموما.. انا هاحاول اسأل حد ولو عرفت حاجة هاقولك باذن الله..
بس برضه.. اجراء وقائي.. روح لحد كهربائي بيفهم فلبيني ولا حاجة.. بس توسم فيه انه يكون بيفهم و مخه نضيف.. و خليه يبص علي كل الفيوزات و الريلايز اللي في العلبة.. ولو في حاجة ضاربة او محروقة يغيرها..
ممكن برضه تصور علبة الفيوزات بتاعتك و تبعتلنا صورة..
شكرا يا جميل ع الااهتمام انا هبص كده واوافيك بالرد
تحت امرك يا باشا.. و انا في انتظارك..اقتباس:
المشاركة الأصلية كتبت بواسطة sunny_120122
السلام عليكم
بص يا باشا انا هصدعك شوية بس أنا آسف أنت مش متخيل الصنايعية هنا مشكلتهم مبيعرفوش حاجة او بمعنى هو لانه مبيفهمش فبيتعب على ما بيصلح الحاجة فيطلب كتير لانه تعب معلش انا هقولك ع اللي فيها او اللي لاحظته وانت قولي ممكن يبقى ايه او لو هتسألي زي ما قلت علشان اوجه الصنايعي عندي
أولا : بصيت ع الفيوزات اللي في جنب التابلوه كله تمام مفيش غير فيوز النور اللي قدام يمين كان سايح شوية كده ولما جيت اغيره بيضرب الفيوز على طول ويعمل شرارة كده
ثانيا: لاحظت حاجة كده ممكن تفيد في معرفة الحالة يعني وهو ان عداد الرحلات والساعة والشاشة كل لما ادور يتصفرو تاني يعني يرجعو يعدو من اول صفر ويشتغلو تمام
ثالثا: حاجة غريبة شوية عداد الحرارة والبنزين لما ابطل العربية مبينزلوش الا لما ادورها يقوما نازلين للصفر وطالعين تاني على وضعهم الصحيح وشغالين تمام يعني
اخيرا يا باشا والله ما انا عارف اتأسف لك ازاي ع الصداع ده بس بجد المشكلة اني خايف اصلا اوديها لحد لاني متأكد انه هيضرب حاجة تانية قبل ما يصلح ده اذا عرف يصلح
حاول تشوف أى مركز صيانه يمتلك جهاز كشف أعطال أكيد هيدلك على المشكله فين على طولاقتباس:
المشاركة الأصلية كتبت بواسطة sunny_120122
ربنا يوفقك ويقومهالك بالسلامه
هو انا بصراحة مش عارف.. ومش حابب افتي.. عشان المشكلة متكبرش..
بس بما ان محمد بك مصطفي افاد بالمشاركة بتاعته.. فهو اكيد كلامه اصح.. عشان الموضوع ده بعينه حصل معاه..
و فعلا ممكن يكون التصليح في النور ده هو سبب المشكلة دي كلها..
ياباشا الله يخليك احنا بنجتهد والله هو الموفق وهنفضل مع صاحب الموضوع لحد النهايه أن شاء الله وربنا يوفقو ويقدر يوصل للمشكله بس ياريت يطمنا وصل لأيه فى واحد كهربائى أنا أعرفه هو حاليا المفروض انو بيحج لو اعرف رقمو السعودى كنت أديتهولو دا كان هيجيبلو من الأخراقتباس:
المشاركة الأصلية كتبت بواسطة ahmad allawy
الف شكر يا رجالة والله انا مش عارف اقوم ايه بس عندي استفسار يعني هو مشكلة في النور ممكن تقلب كيان العربية دي كده يعني حساسة للدرجة دي
اصل الموضوع ممكن يكون عامل قفلة..اقتباس:
المشاركة الأصلية كتبت بواسطة sunny_120122
و للأسف باقولك الحقيقة.. ان العربيت الالماني.. معقدة جدا في الموضوع ده.. علي عكس الياباني.. الي مشاكله في النقطة دي تكاد تكون معدومة..
انا على خلاف معك يأخى احمد فى هذه النقطه أى مشكله فى الكهرباء وخاصتا فى الضفيره مع سياره تعتمد على كنترول يونت فى توجيه الأوامر لكل جزئيه يؤدى الى هذه المشاكل سواء كانت المانى أو يابانى
مدام الأعتماد الأول والأخير على الله ثم الكنترول يونت لأنه كما سبق وذكرت الموجه الأساسى لكل الأجزاء وفى نفس الوقت يحدد لنا مكان العطل بالتفصيل وأيضا اسباب العطل والحلول الممكنه لهذا العطل أذن هذه ميزه وليس عيب
انا كنت باقول انها معقدة في النقطة دي علي انها حساسة جدا لأي تخريف بيحصل للعربية..اقتباس:
المشاركة الأصلية كتبت بواسطة m.mostafa80
لكن بصراحة.. انا شايف العيب اللي فيها اكبر من الميزة.. العيب انه حاجةزي دي ممكن تضرب حاجات اكتر اهمية. و ممكن توقف العربية خالص.. علي عكس انها لو كانت برة اللعبة.. الحاجات دي تعتبر ثانوية.. او غير جوهرية.. مش هتوقف العربية..
بس معاك تماما انها هقرف اللي بيشتغل عشان يقدر يطلع سبب العطل فين..
هنا سؤال بيطرح نفسه هل صاحب الشكوى بيقول ان العربيه توقفت تماما ولا أنو بيشتكى من مشكله معينه والمشكله دى مدايقاه فا عشان كده بيدور على حلها من الواضح من شكوى أخينا العزيز أن هناك خلل فى الكهرباء الخاص بالنور وتصفير العداد عند كل دواره ولكن مع ذلك السياره تعمل ولكنه قلق حيال هذه المشكله أذن هناك عطل ولكنه لم يؤثر على أداء السياره ومشكله النور قد تكون هى المتسببه فى مشكله العداد لأن هناك صله بينهم فى الكهرباء مثلها مثل أى سياره كانت سواء كانت يابانى او كورى أو صينى حتى
انا مش معترض علي كلامك...اقتباس:
المشاركة الأصلية كتبت بواسطة m.mostafa80
بس مش متأكد من حاجة.. هل لو كشف علي الكومبيوتر.. لو في خلل في الضفيرة او كده بيطلع error بسبب الموضوع ده ولا لأ..
انا بصراحة مش عارف.. بس غالبا ايوة.. لأنه حتي لو مش بيقول سبب المشكلة فين بالظبط.. لكن علي الاقل بيقرب الموضوع شوية
أغلب عربيات فولكس فاجن من بعد موديل 2000 بقى لكل جزئيه تعمل بها ليها كنترول خاص بيها أو لكل مجموعه وظائف متقاربه لها كنترول مجمع هذا الكنترول يتصل بالكنترول الرئيسى على سبيل المثال التكييف الفتيس لو أتوماتيك الأيرباج عجله القياده الكاسيت العداد وفى الموديلات الأحدث كل جزئيه لها حساس يتصل بكنترول للأبلاغ عن العطل
بصراحة انا معنديش فكرة عن الstructure بتاع الموضوع ده..اقتباس:
المشاركة الأصلية كتبت بواسطة m.mostafa80
انت ادري بقي..:shine[1]:
ياباشا كلنا بنتعلم لحد ما نموت يديك ويدينا ربنا طوله العمر والأعمال الصالحه :satelite::ma:اقتباس:
المشاركة الأصلية كتبت بواسطة Ahmad Allawy
ياجماعة الخير تخيلو محدش راضي يشتغلي في العربية النهارده لفيت على 3 صنايعية خايفين من العربية بيقولولي ملناش فيها دي معقدة واصلاحها في الوكالة بس
ربنا يسهل هلف تاني وهتابع
بصراحه معاك ربنا مشكلتك فكرتنى بموقف حصل معايا زمان فى الفورد أسكورت بردو كنت لما يحصل حاجه أرح لأى حد غير المتخصص يقولى لأ معرفش كنت أقولهم طب أنا هقولكو تعملو أيه ومتقلقوش على فكره أبسط من البساطه بس مشكلتهم قله الخبره ربنا يعينك
لو المشكله كتحلتش اتصل بيا
0101949717