الموضوع: أرجو مساعدتي يا شباب على وجه السرعة في باسات 2002

هو الموضوع ده مش موضوع كود علي فكرة..
عشان لو موضوع كود بيبقي للكاسيت بس.. و بيبقي شغال باور.. بينور يعني و الشاشة بتفتح.. بس مش بيشتغل.. بيديلك فرصة تدخل الكود..

انت كده محتاج كهربائي متخصص فولكس يبص علي الفيوزات..
عشان هي كده غالبا في فيوز او اكتر ضارين.. و ان شاء الله مش هتكون حاجة اكبر من كده..
ممكن سعاتك تعمل مغامرة صغيره كده.. تفتح غطا علبة الفيوزات.. و تحاول تدور علي الفيوز بتاع الكاسيت.. و بتاع التكييف.. (وبتاعا لتكييف هيكون اوضح.) و تشيله من مكانه و تبص عليه..لو ضارب تغيره.. بواحد نفس المواصفات..(المقاومة يعني) و تشوف هيشتغل كويس ولا لأ..

نصيحتي: شوف كهربائي كويس بعد العيد افضل ان شاء الله..

أوباااا...
ربنا يستر.. فعلا دي مشكلة.. و اكيد التوكيل عندك في الطراوة..
عموما.. انا هاحاول اسأل حد ولو عرفت حاجة هاقولك باذن الله..

بس برضه.. اجراء وقائي.. روح لحد كهربائي بيفهم فلبيني ولا حاجة.. بس توسم فيه انه يكون بيفهم و مخه نضيف.. و خليه يبص علي كل الفيوزات و الريلايز اللي في العلبة.. ولو في حاجة ضاربة او محروقة يغيرها..

ممكن برضه تصور علبة الفيوزات بتاعتك و تبعتلنا صورة..

المشاركة الأصلية كتبت بواسطة sunny_120122

شكرا يا جميل ع الااهتمام انا هبص كده واوافيك بالرد

تحت امرك يا باشا.. و انا في انتظارك..

المشاركة الأصلية كتبت بواسطة sunny_120122

السلام عليكم
بص يا باشا انا هصدعك شوية بس أنا آسف أنت مش متخيل الصنايعية هنا مشكلتهم مبيعرفوش حاجة او بمعنى هو لانه مبيفهمش فبيتعب على ما بيصلح الحاجة فيطلب كتير لانه تعب معلش انا هقولك ع اللي فيها او اللي لاحظته وانت قولي ممكن يبقى ايه او لو هتسألي زي ما قلت علشان اوجه الصنايعي عندي
أولا : بصيت ع الفيوزات اللي في جنب التابلوه كله تمام مفيش غير فيوز النور اللي قدام يمين كان سايح شوية كده ولما جيت اغيره بيضرب الفيوز على طول ويعمل شرارة كده

دا كدا معناه ان فى قفله فى ضفيره النور اليمين راجع الضفيره كويس




ثانيا: لاحظت حاجة كده ممكن تفيد في معرفة الحالة يعني وهو ان عداد الرحلات والساعة والشاشة كل لما ادور يتصفرو تاني يعني يرجعو يعدو من اول صفر ويشتغلو تمام


المشكله دى كانت عندى وطلع عينى فيها راجع اى توصيلات انت عاملها فى العربيه بلدى
وراجع على أى سلوك خاصه بالأرضى الكلام دا معناه ان فى تهريب فى جسم العربيه



ثالثا: حاجة غريبة شوية عداد الحرارة والبنزين لما ابطل العربية مبينزلوش الا لما ادورها يقوما نازلين للصفر وطالعين تاني على وضعهم الصحيح وشغالين تمام يعني

دا يأما هى العربيه كدا يأما نفس المشكله السابقه فى أرضى بيهرب
اخيرا يا باشا والله ما انا عارف اتأسف لك ازاي ع الصداع ده بس بجد المشكلة اني خايف اصلا اوديها لحد لاني متأكد انه هيضرب حاجة تانية قبل ما يصلح ده اذا عرف يصلح

حاول تشوف أى مركز صيانه يمتلك جهاز كشف أعطال أكيد هيدلك على المشكله فين على طول
ربنا يوفقك ويقومهالك بالسلامه

هو انا بصراحة مش عارف.. ومش حابب افتي.. عشان المشكلة متكبرش..
بس بما ان محمد بك مصطفي افاد بالمشاركة بتاعته.. فهو اكيد كلامه اصح.. عشان الموضوع ده بعينه حصل معاه..
و فعلا ممكن يكون التصليح في النور ده هو سبب المشكلة دي كلها..