الموضوع: ارجوا الأفادة فى تقييم السيارة اكسارا

لا تشتريها كانت مع صاحبي وهيه لسة جديدة كان فيها مشاكل بالذات في الكهرباء بتاعتها بس دي كانت موديل ٩٨ اللي كانت متجمعة في مصر ماعرفش اللي بعد كدة اتعدلت ولا لأ

العربية ده مع واحد قريبي وبسوقها كتير
هي كعربية فهي من اكتر العربيات اللي بحب اسوقها واحسن من عربيات كتييييييييييييييييييييير زيرو
انما قطع غيارها غالية حبتين بس معمرة جدا ولو حسبتها الحسبة الصح وهي انك ماتفكرش انك بتدفع كام دلوقلتي انما تشوف اللي بتدفعة هيعض معاك قد ايه هتلاقيها مش غالية خالص
بس هتلاقي قطع غيارها ناقصة شوية
العربية ممتازة وثابتة ثبات خرافي وموتور جبار بس ضيقة

شكراً جزيلاً لمن شاركوا بخبراتهم بالنسبة للكهرباء تعرف ايه المشاكل اللى كانت فى الكهرباء بالظبط ياريت لو عندك فكرة تقولي عليها واللى يعرفوا ياريت يقولولنا هلى الموديلات اللى بعد 98 يعنى 2000 - 2002 فيها نفس المشاكل ولا لأ
وبالنسبة لقطع الغيار هل متواجده ولا ممكن ادوخ على قطعه او ما الاقيهاش؟

وبالنسبه لقيمتها السعرية هل هى فى انخفاض مستمر فعلاً ولا قيمتها فيها؟

ارجوا من اصحاب هذه السيارة المشاركة

المشاركة الأصلية كتبت بواسطة maga9001

شكراً جزيلاً لمن شاركوا بخبراتهم بالنسبة للكهرباء تعرف ايه المشاكل اللى كانت فى الكهرباء بالظبط ياريت لو عندك فكرة تقولي عليها واللى يعرفوا ياريت يقولولنا هلى الموديلات اللى بعد 98 يعنى 2000 - 2002 فيها نفس المشاكل ولا لأ
بتاعة قريبي 2001 وكانت زي الفل
وبالنسبة لقطع الغيار هل متواجده ولا ممكن ادوخ على قطعه او ما الاقيهاش؟
ممكن تدوخ بس هلاقيها وكل حاجة في التوكيل
وبالنسبه لقيمتها السعرية هل هى فى انخفاض مستمر فعلاً ولا قيمتها فيها؟
حاجة بسيطة مش قوي يعني حاليا 2001 ب 38 حالة ممتازة وكانت من سنة ب43
ارجوا من اصحاب هذه السيارة المشاركة

العريه فعلا جميلة جدااااااااا مع اتنين اصحابي موديلات 2002
هما جابوها ب 50000 مستعمله
فعلا سعر لمستعمل بتاعها بالنسبة للامكانيات حلو جداااااااااااااااو لما هتبيع هتتهب في البيع بس مش هتخسر كتير لان اللي بيخسر اللي شاري جديد
العيوب
قطع غيار غاليه شوية بس الاروبي كله كدة و كمان بيركبلها معظم قطع البيجو
التوكيل مش اد كدة
المميزات
1- عربيه تقيله علي الطريق و ثابته جداااااا
2- موتور جامد 1600 محترم جداا
3- شكلها شيك بالنسبة لوقت الانتاج
4-عضم جامد اوي
5 التكييف كويس
بس فعلا لو عرفت تجيب 2002 دي في حدود 50000 هتبقي انسب حاجة في السعر دة و كمان اتوماتيك

علي بركة الله دوس العربيه معايا من سنتين وزي الفل و قطع غيارها مش غاليه ولا حاجه اسال علي حاجتها في الحرفيين والتوفيقيه و انت تعرفزززوموتورها بسم الله ما شاء الله جبار

50 الف اية بس.. العربية دي رانج سعرها 33 الف الي 38 الف اللي بحالة الزيرو ...ادخل علي اي موقع لسوق السيارات وانت تعرف

المشاركة الأصلية كتبت بواسطة beckeryahia

50 الف اية بس.. العربية دي رانج سعرها 33 الف الي 38 الف اللي بحالة الزيرو ...ادخل علي اي موقع لسوق السيارات وانت تعرف

اللي ب 50 ده اكسارا 2 اوتو وشكلها تختلف عن 1 وقطع غيارها اغلي وهي حاليا في حدود 48