الجديد في تراخيص السيارات (مهم للغاية)

الاخوة الأعزاء، إليكم الجديد في تراخيص السيارات في مصر:
لو نمرك جديدة (حروف وأرقام) يبقى المطلوب منك تجيب بيان صرف لوحات مكتوب عليه النمر القديمة!!!. وبعدين تجيب شهادة مخالفات على النمر القديمة الأول، وبعدين تجيب شهادة مخالفات على النمر الجديدة...قشطة؟؟ قشطة!!
طبعا لو انت من المحظوظين هايكون شهادة مخالفاتك للنمر القديمة والجديدة في نفس المرور، لو انت من سيئي الحظ..هاتروح ببيان صرف اللوحات إللي عليه النمر القديمة للمرور إللي تنبعه النمر القديمة وتجيب شهادة مخالفات من هناك، وبعدين ترجع بالشهادة دي لوحدة مرورك...قشطة؟؟ قشطة!!
حدش فاهم حاجة!!!! القرار ده سيستمر لمدة ثلاث سنوات من 2009. ليه بقى؟!!! لأن الحكومة اكتشفت إن في مخالفات لم تكن قد سُجلت بعد، وبالتالي في فلوس لسة مادفعتش...قشطة؟؟ قشطة!!

هوه ايه اللي قشطة دي مرمطة

قشطة؟؟ قشطة!!

للأسف الموضوع ده حقيقي و حصلت معايا في العربيتين الادا و الفورد (اتباعت) كانت في الاول تبع مرور مصر الجديدة لما جيت اجدد الفورد مرمطة و المرور ده يقلك بكرة و كش عارف ايه و هكذا
حصلت في الادا مرة واحد بس و محصلتش تاني و ان شاء الله مش هتحصل لأني جددت 3 سنين
حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين

لو حصل غير كده يبقي انت مش ف مصر الحاجات اللي بيعملوها دي عشان تحب مصر اكتر

مش قشطه خالص خالص خالص يعنى

مهو فيه خبرة معيانهم الحكومه في البلد ازي تعرف تستفز وتجيب فلوس من المواطن المصري
وطبعا فيه ناس قاعدة زي العمل الرزي للحجات ديه امال يحرق دمك ايجبلك شلل رباعي ازاي
عن طرق الخبراء الي معيننهم وظفتهم بس ( ازي يخد فلوس منك باي طريقه )
وقشطه بالهبل

اقتباس:

---

المشاركة الأصلية كتبت بواسطة superiorboy

ان شاء الله مش هتحصل لأني جددت 3 سنين
حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين

---

للأسف هاتحصل تاني لأن القرار 3 سنوات من 2009..حكومتنا ذكية ومابتهزرش..وقرش الحكومة مابيضعش ابدا، يتسرق ممكن لكن يضيع لأ
وأخيرا انا متفق معاك تماما "حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين"

اقتباس:

---

المشاركة الأصلية كتبت بواسطة ecybrarian

...قشطة؟؟

---

:N_no[1]:

قشطة؟؟ قشطة!!

ميييييييييييييييييييييييي ييييييييييييييين !!!!!

دا انا عربيتى نمرها القديمه اسماعيليه يبقى هجيب شهاده مخالفات من هناك !!

صحيح انا بروح هناك كتير بس انا دلوقتى متخيل منظر واحد عربيته كانت ملاكى حاجه فى الصعيد او جنوب سيناء

ايه التخلف اللى اجهزه الدوله بقت فيه ده , اسف ده مش جديد عليهم هما طول عمرهم متخلفين

مانا عرفت
بسبب الموضوع دة قعدت في المرور 4 ساعات زيادة
لاني من المحظوظين اللي تبع نفس المرور

و القرار ده من 1 يناير 2009؟

وطبعا بما ان فى روتين كتير وورق كتير حيبقى فية أكراميات أكتر..
حقيقى قشطة قشطة قشطة.. http://www.nilemotors.net/Nile/image..._no%5B1%5D.gif

مش قشطة

صلاة النبى احسن .... اه

انت عارف يا باشا انا بدرس كومبيوتر و أ ب سيستم اني لازم اشوف انا بالسيستم الجديد ده هحل ايه من مشاكل السيستم القديم و ازاي هنقل من السيستم القديم للسيستم الجديد و طبعا الكلام ده بيطلع من ايوزر نفسو مش مني لأني بكون معرفش المكان اللي هعملو كويس و بعرفو منهم
فمعنى كدة ان اللي الdeveloper نفسو و اللي قعد معاه هما الجوز مش فاهمين حاجة اصلا و حتى لو ال developer فاهم و وافق انو يعمل كدة فده يدل على انو حمار بردو و مش فاهم حاجة مع الاعتذار على اللفظ

أحلى من الشرف مفيش
يبقى انت اكيد فى مصر

لا حول ولا قوة الا بالله

قشطة بالمكسررررررررررررررررررر راااااااااااااااااااااااا اااااااااات
حاجة مووووووووووووووووووووووز موووووووووووووووووووووز :ma: