الاخ ده بيفكرني باللي لسه بيقولوا ان الايرباج دا حاجه كخه
وانه محطوط عشان يكسر رقبة اللي بيسوق لو اتفتح
وان الناس اللي بره بلالين ومش فاهمين حاجه
شكله كده مندوب مبيعات توكيل عربيات منزلها من غير حزام امان
اموت واعرف انهي شركة
عرض للطباعة
الاخ ده بيفكرني باللي لسه بيقولوا ان الايرباج دا حاجه كخه
وانه محطوط عشان يكسر رقبة اللي بيسوق لو اتفتح
وان الناس اللي بره بلالين ومش فاهمين حاجه
شكله كده مندوب مبيعات توكيل عربيات منزلها من غير حزام امان
اموت واعرف انهي شركة
لكل الاخوه اللي بيستعملوا الحزام و اللي لا يستخدموه كلمه يحاسبني عليها ربنا لان ده صميم مجال شغلي
حزام احسن اختراع امان اتعمل في اي حاجه بتمشي و الدليل علي كده كل الدول المحترمه المتقدمه بتلزم كل الناس بدون اي استثناء باستخدامه و هو مهم جو البلد اكتر من بره لسببين الاول سبب احصائي و هو ان اكتر الحوادث بتحصل داخل المدينه و علي بعد 5 دقائق من مكان الوصول او الانطلاق و السبب الثاني ان جوه البلاد انت معرض اكثر مش للاصتدام ولكن للفرمله الفوجائيه و جرب واحد صحبك يكون قاعد جنبك و انت ماشي علي 20\30 و من غير متقلوه دوس فرامل للاخر و ياريت الموضوع ده يكون جنب مستشفي كويسه و محل بتاع زجاج
انا مش يهزر انا بتكلم جد الحزام مسئلت حياه او موت و ربنا جعله سبب للنجاه من الموت .
علي مستوي العالم الحزام الامامي بيمنع من 75 الي 80% من حوادث الموت و الخلفي يتوصل النسبه الي 94% .
YouTube - Shocking seat belt video ad
و مصر من اسواء عشر دول علي مستوي العالم في معدل الحوادث .
لاقدر الله في حالت الحادث والراكب الخلفي مش رابط الحزام هيخيط في الراكب الامامي و تكون النتيجه موت او شلل الراكب الامامي .
YouTube - Rear Passenger Seatbelt - Second Video
الرجاء الرجاء حافظوا علي ارواحكم و ارواح من نحبوا ربنه هيسئلكم عنهم .
و رجاء خاص بالنسبه للاطفال اللي بتركب ادام حرام و انا عارف معني كلمة حرام انتم بالظبط بتدوهم موس يلعبوا بيه , المكان الطبيعي للاطفال في كرسي الاطفال المثبة في العربيه و يكونوا بالحزام بتعهم .
اللهم اني بلغت و لزم كل واحد منكم يبلغ اللي يعرفهم....
أنا واحد صاحبي كان ماشي 50 - 60 وبيفرمل فجأة العربية لفت واتقلبت ... ولولا الحزام بعد ستر ربنا كان اتبهدل
بس فيه ملحوظة ... كنت قرأت في مرة إنه المفروض متلبسش حزام الأمان لو انت ماشي جنب مجرى مائي ... عشان لو لا قدر الله وقعت فيه تقدر تطلع من العربية ... وأنا بنفذ الموضوع ده لأني مقتنع بيه جداً
هقول لحضرتك حاجه ترد بيها علي الموضوع ده:36_7_4[1]:
لو بعد الخبطه قديرة تفتح الباب او تكسر الزجاج هيبقي سهل انك تفك الحزام او تطلع منه (و يا رب متكتبها علي حد)
السيارات الجديده الفارهه من امكانيات السلامه ان القفل بتاع الحزام بيفك بعد 30 ثانيه من الاصدام
حزام الامان زي فرامل اليد حاجة الواحد بيعملها تلقائي لما بيمشي بالعربيه
الناس عندنا مش عارف بيفكروا في حاجات قديمه اوي يعني الاخ بتاع كونتاكت دة تحس انه جاي من زمن قديم اوي
يعني الناس برة خلاص عدوا الحاجات دي باعتبارها بديهيات و بيفكروا في حاجات تانيه يزودوا بيها الامان
يعني الايرباج و الحزام مواضيع مناقشتها انتهت و لسة فيه ناس مش مقتنيعين بيها
فعلا زي ماحضرتك قلت تحس انه راكب عجله و بيسوق بجسمه كله لا بيحارب بجسمه كله
ربنا يهدي
إحنا هنفضل طول عمرنا كده شعب وحكومة يبقى الحل موجود بس نستنى المصيبة تحصل الأول وبعد كده نطبق الحل
هو بقى ده نفس الحال مع اللي الحزام بيبقى جنبه ولما يعمل حادثة وربنا يقدر ويطلع منها بكسور أو رضوض جامدة شوية يبتدي بقى يستعمل الحزام
يــاريت يا استاذ A. Ibrahim ويارب الناس كلها ماتشوفش حاجة وحشة
ربنا يبارك فيكم جميعا
انا الرد ده صدمنى لأنه على النت , انا ياما بسمع كلام من النوعيه دى من الميكانيكى اللى بصلح عنده او سواق التاكسى اللى ركبت معاه او حتى العمال اللى شغالين فى مكان ما
لكن كنت متخيل ان الرابط بين الفئه دى كلها هو قله التعليم , انما اللى رد على موقع كونتاكت ده اكيد اكيد حتى معاه ثانويه لأنه ما شاء الله كاتب اسمه بالانجليزى يعنى وواضح انه بيتعامل مع النت مما يؤكد انه متعلم
ان شاء الله ليا رد تانى هنا فى الموضوع عن كل الحالات اللى يعتبر فيها حزام الامان مهم جوا البلد مش برا بس علشان نكمل دائره المعرفه حول الاختراع السوبر مهم ده