انا عارف ان الحزام حاجه مهمه.. وبعد كدا حلبسه علطول حتي لو كنت جوه البلد
بس الي كنت بعمله غلط اني كنت مش بخلي اللي جمبي يلبس الحزام... وبعد كدا حيلبسه غصب عنه
عرض للطباعة
انا عارف ان الحزام حاجه مهمه.. وبعد كدا حلبسه علطول حتي لو كنت جوه البلد
بس الي كنت بعمله غلط اني كنت مش بخلي اللي جمبي يلبس الحزام... وبعد كدا حيلبسه غصب عنه
لو ركبت عربيه مع اى واحد اجنبى اول حاجه هتسمعه
بيقولها بعد ما تقعد فى كرسيك و تقفل بابك
seat belt please
علما بان السرعه عاده ما بتزيدش عن 40 ك
انا شخصيا اتفاجئت من رد الفعل ده من الاجانب
بس مع الوقت اقنعت نفسى ان اكيد شد الحزام هو الصح
مش محتاجة سؤال..... سبحان الله اومال لو ماكانوش سموه حزام "الامان" كان هيبقى الموقف منه ايه؟ احنا بس اللى لسه عندنا ناس لسه اودامها مئات السنين الضوئية لكى تدرك البديهيات.....
يا جماعة الحزام مهم جداً حتى داخل المدينة
انا مرة كنت داخل المدينة و الطريق كان واقف و بغلطة مني سبت الدبرياج من غير ما امور العربية... العربية نطط جامد بس الحمد لله كان بيني و بين العربية مسافة كبيرة.. تخيل لو كنت لازق فيه؟؟كانت عربيته هتتخبط و هو لاقدر الله يكون خابط في الدركسيون :(
للأسف في ناس مش عارفة حتى ضرورة أنوار العربية بالليل ..و الموضوع دا زهقت من كتر الكلام فيه
انا بلبس الحزام مجرد ماادور العربيه قبل مااطلع
بس علشان المرور مش علشان مقتنع باهميته داخل البلد
لانه داخل البلد مالهوش اى اهميه
لكن اهميته الفعليه على الطرق السريعه فقط
حزام الامان مهم جداً جداً سواء داخل المدينة او خارجها , سواء العربية ماشية او واقفة وبكرر تانى حتى لو العربية واقفة , انا مرة وقفت فى اشارة وشوماخر اللى ورايا ولا كان شايف الاشارة الحمرا ولا شايف عربيتى و طااااااااخ اسبوع نايم فى البيت على ظهرى بعد ما لبست فى الدركسيون , وعلشان كدة من ساعتها وانا اول ماركب العربية وقبل ما أدورها لازم اقفل الحزام.
طبعا حزام الامان مهم جدا امال هما عاملينه ليه عنى
عنوان الموضوع "ايه رأيك في حزام الأمان"؟
يا فندم احنا رأينا ييجي ايه جنب رأي الناس اللي عملوه وحطوه في كل عربية بيعملوها...اظن الناس دي بتعمل آلاف الإختبارات على كل حاجة بيخترعوها...ولو في احتمال بسيط ان ضررها هيكون اكتر من نفعها كانوا شالوها من العربيات من زمان
والأخ اللي"أفتى" إن حزام الأمان مالوش لزوم وبيعيق حركة السائق وهو سايق...اظن هو يقصد البلاي ستيشن مش السواقة الحقيقية...
سبحان الله العظيم...أكتر حاجة تفرسني "الشريك المخالف" الناس كلها تقول يمين وهو يقول شمال ...وهو عارف ومتأكد انه غلط بس بيحاول يبين انه له رأي وشخصية مستقلة ويثير الجدل وخلاص
يا جماعه حزام الامان مهم جوه البلد و بره البلد مين فينا محصلش قدامه موقف فجائى جوه البلد و خلاه يضطر يضرب فرامل جامده مره واحده اكيد كلنا حصلنا الموقف ده
انا الموقف ده حصل معايا انا كنت سايق ورابط الحزام وصاحبى راكب جنبى مش رابطه الطريق كان ماشى و مره واحده سواق تاكسى وقف علشان ينزل زبون بدون اى مقدمات دوست فرامل جامد بعزم ما فيا كنت شبه وواقف على بدال الفرامل ان الحمدلله الحزام شدنى مخلنيش اخبط فى الدركسيون اما صاحبى وشه اتخبط فى التابلوه و مناخيره جابت دم من ساعتها بقى شرطى للى هيركب جنبى لازم يربط الحزام و متهيألى المثال ده يوضحلكوا الفرق بين اللى لابس الحزام واللى مش لابسه
رأيي إن بره قلت قوي نسبة الوفيات في الحوادث بفضل الإيرباجز و حزام الأمان