فكرت ازاى ابدأ الموضوع ده
هل مثلا بالكلام عن فوائد حزام الامان ؟ ولا عن انه ازاى يصنف احد اهم الابتكارات فى مجال الامان فى السيارات ؟
ولا اقعد اشرح الفيزياء اللى بتقول ان حزام الامان منقذ من الدرجه الاولى ؟
لكن فى النهايه اكتشفت ان ببساطه الكلام عن حزام الامان يعتبر أ ب سيارات و من بدائيات التعرف على قواعد المرور والسلامه على الطريق
ولم اكن اتخيل للحظه ان فى حد لسه بيفكر فى كلام يخالف اهميه حزام الامان تماما
ولكن وبكل ذهول لقيت الرد ده فى موقع كونتاكت كارز على احد المقالات الخاصه بحزام الامان
" الحزام بيعيق حركة السائق وتفاعله مع السيارات الاخرى وبيخلى رد الفعل ابطأ فى المواقف المفاجئة اللى بتحتاج سرعة اداء و مناورة ممكن تجنبك الحادثة كلها اساسا واى واحد محترف وماهر فى القيادة مش بيحب حزام الامان . وهو بيقلل ضرر الحوادث مش بيمنعها ولو مش لابسه ممكن تتفادى الحادثة فحركة جسمك بتديك مرونة وتفاعل مع السيارة وانا اصلا سواقتى هادية وبطيئة مش محتاجه بالاضافة للعرق اثناء الحر....وظروف الطريق هنا ممكن تلاقى ناس كتير بتأخد غورز بسرعة ممكن تعمل حوادث ومن غير الحزام ممكن تناور اسرع بدل الحادثة من أخطاء الغير وعلى الطرق السريعة غورز مميتة ناس فاكرين نفسهم راكبين طيارات مش عربيات ولو ماكونتش سريع المناورة حتموت..يعنى الحزام ممكن يموت ويكون ضرره اكبر من فايدته لانه حيعيق الحركة السريعة لدراعك على الطارة ونصفك العلوى اللى لازم يروح قدام ويرجع ورا. حد موافق؟؟؟؟؟؟؟؟؟ "
مين الاخ ده ؟
وده عايش ازاى فى الحياه وماشى ازاى فى الشارع اساسا ؟
هل حياته كلها مفيهاش واحد مثقف او حتى نص فاهم يقوله ان كلامه ده كله لا ينتمى للواقع بصله , وان السيرك القومى اللى هو بيتكلم عنه بتاع يفادى يمين وشمال ويتفاعل مع الدركسيون ده يعتبر درجه ضاحله من الجهل
ال Cute Boy اللى كتب الكلام ده يعتقد من وجهه نظره الشخصيه ( #$%#@ ) ان الواحد لازم يكون متفاعل مع العربيه بأنه يتحرك يمين وشمال وكأنه مثلا راكب عجله وهيلف دماغه ورا كل ما حد يكلكسله , وان حزام الامان ما هو الا حاجه ملهاش لزمه فى العربيه لانها بتعيق حركته اثناء القياده وبالعكس هى كمان بترفع معدل الحوادث على الطريق وانها لا تناسب مصر اطلاقا نظرا لظروف الشارع المصرى المعقده
وكمان من وجهه نظره ان نص السواق العلوى لازم يروح قدام وورا مع العربيه والا ميكونش السواق فى وضعيه قياده سليمه تسمح له بالمناوره والا هيموت , مناوره ايه اللى بيتكلم عنها انا مش عارف ؟ !!!
ارجوكم محتاج اسمع ارائكم او كل اللى تعرفوه عن ظن الناس بموضوع الحزام ده وهل فى حد هنا مبيستخدمش الحزام كل ما يحط المفتاح فى العربيه بسبب انه مش مؤمن بأهميته ؟؟
لأن الموضوع ده حقيقى كارثه
المفضلات