الموضوع: لو انت من ملاك اللوجان او حاجز ادخل وسجل معانا(الجزء الثانى)

المشاركة الأصلية كتبت بواسطة omarbasha11

السلام عليكم
انا استلمت لوجى من المصريه امبارح
ممكن اخد رقم معاكم
بس عندى مشكله الباب اللى اللى قدام بتاع السواق مش بيقفل كويس
واللمبه بتفضل منوره
ياترى فيه حد ممكن يساعدنى ولا هاتفضل لحد ماروح التوكيل فى صيانه 1000كم
ارجو الرد وشكرا

185
الف مليون مبروك على الجميلة لوجى
بص يا سيدى روح للمسمار التخين اللى بيعشق فيه الباب واتأكد انه مربوط كويس لو مش مربوط كويس اربطة انت بس اتأكد ان الباب دة هو اللى عامل المشكلة طيب تعرف ازاى
1- تقفل ابواب العربية كلها وتبدأ تفتح كل باب على حدة وتدوس على الزرار بتاع قفل لمبة التابلوه (حتلاقيه زرار اسود فوق العتب على طول وبجانب القايم)
2- تفتح الباب وتدوس بايدك على الزرار دة لو اللمبة فى التابلوه اتفطت حتعرف المشكلة من انهى باب وتربط المسمار بتاعه كويس
3- طيب لو الابواب كلها مظبوطة وبتدوس على الزرار الاسود فى كل الابواب يبقى احتمال كبير يكون من زرار الشنطة .. فى الحالة دى افتح الشنطة و دوس عليه بايدك وهو مكانه فى (متثبت فى اخر المفصلة الشمال بتاعت الشنطة اللى بتتحرك معاها ولما تيجى تقفل الشنطة المفصلة بتدوس على الزرار يقوم اللمبة تطفى فى التابلوه )
4- يبقى هنا فى حاجة يا ئما العيب من مسمار الباب عايز يتربط كويس علشان يدوس على زرار قفل اللمبة .... او فى مشكلة فى الزرار اللى الباب بيدوس عليه ودة تستنى الصيانة او لو عايز تلزق عليه حتة جلد الزقها
جرب وقولى

المشاركة الأصلية كتبت بواسطة mag21

هاستلم لوجي البترولي من محمد زكي بعد بكرة إن شاء الله
ربنا يباركلى فيها و يكفيني شرها.................آمين

186
الف مليون مبروك على الجميلة لوجى

المشاركة الأصلية كتبت بواسطة mohyeldien

و أخيرا أشتريت اللوجى بحمد الله
يا ترى أنا رقم كام

187
الف مليون مبروك على الجميلة لوجى

المشاركة الأصلية كتبت بواسطة xevergreen

استلمت ال logan ال full option امبارح لونها فيرانى. ممكن اعرف انا رقمى كم معاكم؟

188
الف مليون مبروك على الجميلة لوجى

المشاركة الأصلية كتبت بواسطة smsm91158

السلام عليكم

اخوانى الاعزاء احب ان اهنئ نفسى باول مشاركة فى منتداكم الاكثر من رائع
انا اشتريت رينو لوجان من الطارق فرع كارفور الاسكندرية من حوالى شهر وعامل لحد دلوقتى 1300 كم تقريبا - العربية جميلة جدا والحمد لله - سحب ممتاز - تكيف مفيش اروع من كدة - انا حاسس ان تكييف العربية دى اقوى من تكف النترا 2006.

فى مشكلة صغيرة بس ان السى دى فى العربية ساعات وانا ماشى على الطريق الاقيه بيقطع فى الصوت ؟؟؟؟ مش عارف ليه حقيقى قلت يمكن من المطبات- بس برضه بيعمل كدة فى الطرق العادية ساعات .

- يا ريت الى يلاقى حل يقولى

اخوكم هيثم

189
الف مليون مبروك على الجميلة لوجى
...................................
بسم الله ما شاء الله واضح اكتساح العربية فى خلال عام من طرحها ... ربنا يباركلنا جميعا فيها عربية جميلة وتستحق الاحترام
والف مبروك لجميع المستلمين وربنا يعطيكم خيرها ويكفيكم شرها
..................................
بالنسبة لموضوع تقطيع صوت السى دى فهو اولا غير طبيعى وفى 3 اسباب ممكن يكون واحد منهم
1- الصوت ممكن يقطع (يروح ويجى) فى عيون القطط او حفرة جامدة
2- سوء حالة السيديهات حاول تجيب نوع نضيف من السيديهات ويا سلام لو اشتريت علبة من ردايو شاك وتجيب حافظة للسيديهات علشان تحافظ عليهم من الخرابيش والشمس
3- الاحتمال الاخير انه يكون من السى دى بلاير ذات نفسه ودى تعرفها لما تغير نوع السيديهات اللى بتستخدمها بنوع نضيف لو الصوت فضل يقطع قولهم عليها فى التوكيل فى الصيانة ولو فى حاجة فى الكاسيت يستغير فى الضمان

المشاركة الأصلية كتبت بواسطة omarbasha11

السلام عليكم
معلش اعذرونى انا جديد فى المنتدى ومش بعرف اعمل اقتباس
بس انا بشكر الاخوه اللى ردو على
فيه حاجه كمان انا جديد فى المنتدى وجديد فى السواقه
واعذرونى لو هاسال كتيير
الى الاخ رينجو انا متشكر جدا لاهتمامك
وعايز اوضح لحضرتك انا اتكدت من المشكله بتاعه اللمبه واكتشفت ان الباب اللى جمب السواق هو اللى فيه مشكله
لانى لما ادوس عليه اللمبه بتطفى
واما امشى بالعربيه ساعات اللمبه بتطفى وتنور
يبقى اعمل زى ما عمرو (رينجو ) قالك واربط المسمار يأيدك كويس
وبالنسبه للمبه الصالون مش بتنور مع السنتر ولا حاجه
فيه زرار فى لمبه الصالون لو عاوزها تنور مع فتح ابواب العربيه خليها فى النص ولو عاوزها تنور على طول خليها على اليمين اما لو عاوز تطفيهاخالص ومتنورش حتى مع فتح الابواب يبقى خليها ناحيه الشمال
وانا جيبت العربيه بقالها 15 يوم معايا ومش كنت واخد باللى من لمبه المارشدير
بس واحد صاحبى النهارده قالى ان اللمبه اليمين هى اللى بتنور والشمال مش بتنور وكنت قريت ان هى لمه واحده بس
مش عارف بقا هما الاتنين بينورو ولا هى فعلا اللمبه اليمين بس هى اللى شغاله
لمبه واحده بس والاوروبى معظمه كده
وسوال كمان هى لمبات العربيه بتنور مع قفل وفتح السنتر ولا لا
بس عموما انا مبسوط باللوجان ومش ندمان خالص
وعربيه جميله وواسعه ومريحه
ااااااااااااااااااااااااا اااااسف للاطاله وشكرا