الموضوع: مفيش اى معلومات عن الميجانi فى المنتدى !!!؟

المشاركة الأصلية كتبت بواسطة د.محمود صلاح

شكرا على تجاوبك مع الأعضاء

فعلا محتاجين معلومات عنها فى قسم الرينو

المشاركة الأصلية كتبت بواسطة fox3d

الحمد للله اخيراً فى واحد معاه الميجان 1 الف شكر على ذوقك و اتمنى ان تكتب كل اللى تعرفه على العربية فى الموضوع ده او فى موضوع منفصل بذات ليكون مرجع لجميع الاعضاء فى هذا الموديل و الف شكر على التعاون

العفو , اتمنى ان تعذرني بس انا مش من النوع اللي بيعرف يكتب مواضيع ممكن حضرتك تسألني عن الاستفسارات او النقاط اللي محتاجها وانا تحت امرك , و بعدها ممكن اي حد متشكر يقوم بعمل موضوع خاص بها ..

المشاركة الأصلية كتبت بواسطة fox3d

ان بسال يا باشا على العيوب الشائعة فيها
ايه ظروف قطع الغيار
والاداء و الثبات
هل فيها abs و airbag
و اخيراً الكماليات اللى فى النوع ده
ولك عظيم الشكر على التفاعل مع الموضوع

انا معايا من حوالي 6 سنين وبعمل لها الصيانة الدورية في التوكيل لحد دلوقتي هي عامله حاليا 170 الف , بالنسبة لأسعار الصيانة وقطع الغيار قريبة من ميجان 2 بس طبعا مشاكلها اقل لأنها مفيش فيها نفس التكنولوجي ..
موتورها 8 صباب (1999) وبعد كده بقى 16 صباب , بس موتورها اكثر من ممتاز وحمول جدا جدا انا كنت مبهدلها سفريات وتحميل .
ثباتها ممتاز مقارنة بالسيارات اللي سقتها في نفس الفئة (كورولا , مازدا , لانسر, نيسان صني ) ده اللي متذكره ,
من ساعة ما جبتها عملت معايا مشكلة واحدة رئيسية وهي ان الكويل ضرب مني (وكنت ساعتها طالع المقطم .. تخيل !!) وطلعت المقطم بنصف الموتور فقط .
غيرتلها كمان طقم دبرياش على 160 الف ومساعدين على 130 الف , ده اللي متذكره حاليا فيما يخص الحاجات اللي كلفتني .
هي فيها abs و airbag للسائق فقط (اعتقد في الكاملة بيكون للراكب جنب السائق لأني شفتها في الكاتالوج وليها مكان في التابلوه ) .
بالنسبة للي عندي كمالياتها زجاج كهرباء امامي و مفتاح ريموت وايموبلايزر وايرباج للسائق وabs (حسب ما اتذكر).

عموما لو حضرتك عايز تعرف معلومات عن العربية وعن تاريخها ممكن تشوف موضوع هاني باشا chato_eg http://www.nilemotors.net/Nile/97921...e-history.html

المشاركة الأصلية كتبت بواسطة fox3d

بارك الله فيك على المعلومات القيمة الحمد لله كده فيه شوية معلومات

وبارك فيكم , اتمنى اني اكون قدرت اساعد ..

كفيت و أوفيت يا هندسة...و يشرفنى استشهادك بموضوع ليا..
بارك الله لك فى الأختين يا وحش
و عايزين نشوفك قريب....

المشاركة الأصلية كتبت بواسطة chato_eg

كفيت و أوفيت يا هندسة...و يشرفنى استشهادك بموضوع ليا..
بارك الله لك فى الأختين يا وحش
و عايزين نشوفك قريب....

ربنا يخليك يا باشا , وربنا يعلم قد ايه وحشتني يا باشا انتا وكل الوحوش , هحاول بإذن الله قدر المستطاع في اقرب مقابلة آجي ..

المشاركة الأصلية كتبت بواسطة sameh73eg

معلش على تدخلى فى الموضوع بس انا لى طلب انا معى سياره اكسنت1500 ومش عارف من ساعة ما ركزت فى الرينو وهى دخله دماغى وانا عاوز البدل عربيتى بميجان انا ركبة ميجان تو وسقتها وكانت تحفه بس انا لو حسبة فارق السعر الى ممكن ادفعه لقيته كتير عليا بس بالصدغه شوفت ميجان موديل 2000 ومن ساعة ما شوفتها وهى معششه فى دماغى فلو فى حد حضرتك تعرفع يحب يبدل معى يارية تبلغنى جزاك الله كل خير

الرد على الخاص ..