¤-¤-¤ ســيــارات مــشـكــوك فــي امــرهـا ¤-¤-¤

**khattab_89** · 24-12-2008 02:35 AM

هوندا سيفيك على جسر السويس الناحية التانية من فندق السلام رقمها 556146

**saidbakr** · 01-01-2009 02:19 AM

لا يا جماعة انا معترض على الفكرة دي من أساسها. العربيات المشكوك في أمرها، يتبلغ عنها في القسم او مركز الشرطة، موش على صفحات المنتديات.

حد هيسألني ليه؟ ببساطة انا لو واحد نصاب او حرامي ممكن استفيد من الموضوع ده و اوصل لعربية انت ما تعرفشي عنها حاجة و ده بغرض سرقتها او تبديد مسرح جريمة معينة.

يا جماعة الموضوع ده خطير و ممكن يضيع حقوق ناس، بل اكتر من كدة ده ممكن يضيع دم ناس.

أرجو حذف الموضوع ده، و بسرعة.

**hardcoreman2000** · 01-01-2009 10:11 PM

انا موافقك علي كلام الاخ سيد
الموضوع ده بالطريقه ديه دعوه علنيه ومساعده للحراميه
انت ببساطه بتقولو تعالي خد العربيه ديه من غير ما تخاف
انا باطلب من الاداره الغاء الموضوع ده فورا حفاظا علي حقوق الناس

وشكرا

**saidbakr** · 02-01-2009 12:05 AM

المشاركة الأصلية كتبت بواسطة hardcoreman2000

انا موافقك علي كلام الاخ سيد
الموضوع ده بالطريقه ديه دعوه علنيه ومساعده للحراميه
انت ببساطه بتقولو تعالي خد العربيه ديه من غير ما تخاف
انا باطلب من الاداره الغاء الموضوع ده فورا حفاظا علي حقوق الناس

وشكرا

انا بدوري، كتبت رسالة خاصة للإدارة بمحتوى مشاركتي دي، و لغاية دلوقتي ما جاليش رد من الإدارة.

**amelsahn** · 04-01-2009 12:02 PM

المشاركة الأصلية كتبت بواسطة saidbakr

لا يا جماعة انا معترض على الفكرة دي من أساسها. العربيات المشكوك في أمرها، يتبلغ عنها في القسم او مركز الشرطة، موش على صفحات المنتديات.

حد هيسألني ليه؟ ببساطة انا لو واحد نصاب او حرامي ممكن استفيد من الموضوع ده و اوصل لعربية انت ما تعرفشي عنها حاجة و ده بغرض سرقتها او تبديد مسرح جريمة معينة.

يا جماعة الموضوع ده خطير و ممكن يضيع حقوق ناس، بل اكتر من كدة ده ممكن يضيع دم ناس.

أرجو حذف الموضوع ده، و بسرعة.

أ/ سيد... ارجع لأول صفحه فى الموضوع حتلاقى انه تم الأتفاق ان ما يتحطش عناوين للعربيات ديه و يكون الهدف من المنتدى مجرد تعريف اللى اتسرقت عربيته انها حد لاقاها و علشان يعرف هيا فين ممكن يقابل اللى شاف العربيه قدام القسم مثلاً

**saidbakr** · 04-01-2009 06:11 PM

المشاركة الأصلية كتبت بواسطة amelsahn

أ/ سيد... ارجع لأول صفحه فى الموضوع حتلاقى انه تم الأتفاق ان ما يتحطش عناوين للعربيات ديه و يكون الهدف من المنتدى مجرد تعريف اللى اتسرقت عربيته انها حد لاقاها و علشان يعرف هيا فين ممكن يقابل اللى شاف العربيه قدام القسم مثلاً

يا سيدي الفاضل، زي ما انا قلت لو واحد نصاب، ما هياش مشكلة اني اعرف عنوان العضو بعد ما اكون رسمت دخلة عليه علشان اعرف مكان العربية بالتحديد، اضافة لده فيه اعضاء بيوصفوا مكان العربية بدقة شديدة. و بدال ما يقابل فلان علان قدام القسم، يبقى من باب أولى إن فلان يبلغ القسم من الأول، لأن برضوا الموضوع موش قاصر على ان عربية علان تكون مسروقة، ده ممكن تكون عربية علان دي مشاركة في جريمة و المباحث بتدور عليها برضوا.

احب التأكيد على ان دي وظيفة البوليس موش الناس العاديين، علشان ما فيش حق يضيع من أصحابه.

**just_poss** · 06-01-2009 07:49 AM

المشاركة الأصلية كتبت بواسطة saidbakr

يا سيدي الفاضل، زي ما انا قلت لو واحد نصاب، ما هياش مشكلة اني اعرف عنوان العضو بعد ما اكون رسمت دخلة عليه علشان اعرف مكان العربية بالتحديد، اضافة لده فيه اعضاء بيوصفوا مكان العربية بدقة شديدة. و بدال ما يقابل فلان علان قدام القسم، يبقى من باب أولى إن فلان يبلغ القسم من الأول، لأن برضوا الموضوع موش قاصر على ان عربية علان تكون مسروقة، ده ممكن تكون عربية علان دي مشاركة في جريمة و المباحث بتدور عليها برضوا.

احب التأكيد على ان دي وظيفة البوليس موش الناس العاديين، علشان ما فيش حق يضيع من أصحابه.

للأسف الشديد القسم معادش بيعمل اي حاجه في الحالات دي مع ان ببساطه ممكن يجيب اسم صاحب العربيه وبياناته من المرور برقم العربيه او الشاسيه او الموتور.. اخويا لما راح بلغ القسم على عربيته المسروقه عارف كان ردهم ايه.. اجر موتسيكل وانزل المريوطيه وكفرطهرمس في فيصل ودور فيهم ممكن تلاقي عربيتك وشكرا على كده.. بعد كده ظابط في القسم اتصل بيه وقالو هات 10000 جنيه وانا هجيبلك عربيتك

**saidbakr** · 06-01-2009 12:47 PM

المشاركة الأصلية كتبت بواسطة just_poss

للأسف الشديد القسم معادش بيعمل اي حاجه في الحالات دي مع ان ببساطه ممكن يجيب اسم صاحب العربيه وبياناته من المرور برقم العربيه او الشاسيه او الموتور.. اخويا لما راح بلغ القسم على عربيته المسروقه عارف كان ردهم ايه.. اجر موتسيكل وانزل المريوطيه وكفرطهرمس في فيصل ودور فيهم ممكن تلاقي عربيتك وشكرا على كده.. بعد كده ظابط في القسم اتصل بيه وقالو هات 10000 جنيه وانا هجيبلك عربيتك

يا باشا كان المفروض أخوك ياخد معاه واحد محامي و هو بيعمل البلاغ، لأنه هيبقى عارف هيعمل ايه في حالة زي دي، و هيروح فين.

**ahmedsrs** · 14-01-2009 07:50 PM

سيارة شيفورليه بليزر فور باى فور بدون نمر

**noni67** · 15-01-2009 09:46 AM

يا جماعه انا مش عارف وضع الكلام ده هنا فى العام صح ولا لأ
بس المهم فى نوبيرا 1 سوداء ستيشن زجاجها كله فيمية اسود واقفة عندنا فى مشروع 164 تعاونيات جنب البشاير بالحى العاشر بمدينة 6 اكتوبر بقالها حوالى 3 اسابيع بدون حراك
الغريبة كمان انها بدون نمر
انا شاكك انها مسروقة واترمت هنا
يا ترى نعمل ايه