تلبية لطلبات الاعضاء وصاحب الفكرة العضو عمرو راشد تم افتتاح هذا الموضوع الذي سيتخصص في التبليغ عن اي سيارة مشكوك في امرها او متروكة ومهملة من فترة طويلة وهكذا وذلك لمساعدة اصحاب تلك السيارات في العثور عليها.
ادارة المنتدى
عرض للطباعة
تلبية لطلبات الاعضاء وصاحب الفكرة العضو عمرو راشد تم افتتاح هذا الموضوع الذي سيتخصص في التبليغ عن اي سيارة مشكوك في امرها او متروكة ومهملة من فترة طويلة وهكذا وذلك لمساعدة اصحاب تلك السيارات في العثور عليها.
ادارة المنتدى
فكره كويسه واقترح كتابه جميع مواصفاتها " اللي بقيه منها :D :D :D "
;)
طيب يا ادارة هل ممكن الابلاغ عن سيارة فقدت ..؟؟ ممكن حد من الاعضاء يكون شافها في حته و الاا حاجة ؟؟
اذا كان ممكن ..ففي سيارة اخ عزيز عليا ... سرقت سيارته التويوتا كريسيدا / مو 85 / ابيض ثلجي / فرش نبيتي // سرقت من ميدان ابن الحكم من 4 ايام ...
ححاول اجيب بيانات اكتر .. و ربنا يجعل كل واحد يعثر علي ضالته .. اللهم امين
طيب اعتقد عادي والموضوع غرضة المنفعة العامة، بس لازم يكون في معلومات محددة اكتر زي مثلاً رقم اللوحات.
بولو سوداء بحاله سيئه. فونيس منزوعه وكاوتش على الأرض
نمرها متنيه ولم استطع قرائتها
موجوده على الرصيف فى شارع جانبى امام مدخل استاد المقاولون العرب على طريق الأوتوستراد
فكرة جميلة بس يا ريت نخلى العنوان على الخاص
انا تحت البيت عندى ريجاتا بترولى من مدة كبيرة
سيارة 127 بيضاء .................... بقالها بتاع 3-4 شهور في الاسكندرية
بلاش يا جماعه نكتب عناوين........علشان بدل ماحنا بنعمل الاعلان لصاحب العربيه يكون الاعلان لحرامي....
غير مثلا جنب قسم ممكن نقول العنوان ......محدش هيفكر يسرقها :P
وأنا بقترح أن الردود إللى ملهاشى لازمة زى +1 او تعليق مكرر أن يحذف من قبل الأدارة بعد أذن أصحاب الردود طبعا علشان الموضوع يبقى مدمج وعدد المشاركات قليل لتسهيل عملية البحث من قبل أى عضو وانا مع قرار وضع العنوان على الخاص عند الطلب
السيارة الموجودة تحت البيت عندى ريجاتا بترولى ملاكى القاهرة 378066
فعلا فكرة حلوة واكيد حتساعد ناس كتير ... :shock:
ة كابريس كلاسيك سوداء بقالها كتييييير اوى فى جراج الاوبرا
عربية ربع نقل بقالها فترة طويلة والنمر غير موجودة
شوما ملاكي الاسكندريه 524233
اكسنت ملاكي شارقيه 2272
شاهين ملاكي القاهره 7955
جاري البحث
بجد فكرة هايلة
والله دي فكره عظيمه
وفي واحد قريبي اتسرقت منه فورد اسكورت سماوي ملاكي اسكندريه
كيا ريو ملاكى الأسماعلية 91222 بقالها بتاع تلات أيام ومركونة ركنة غريبة عندنا فى شبرا والنهاردة الصبح لقيت الزجاج إللى ورا مكسور فيها ودية صورتها
http://i214.photobucket.com/albums/c...oto-0002-2.jpg
ما تبلغ يا محمد النقطة ولا القسم عشان كدة حرام هاتتبهدل وتتقلب
هام: ايه الطريئة الي اناس العربيتهم ضايعة يعرفو ان نيل موتور ممكن يساعدهم يلئوها
فكرة حلوة جدا
فعلا فكرة ممتازة جدا الله يجازى صاحبها كل خير و الحمد لله اعتقد اننا كلنا الموبيلات بتاعتنا فيها كاميرات كويسة فيا ريت نصور العربيات دى و نحط الصور هنا
شكرا
الظاهر ان سرقة العربية الكرسيدا انتشرت في عربية واحد صحبي كرسيدا ازرق غاماء ملاكي الاسكندرية اتسرقت من شهرين فش شمواه نبيتي
مرسيدس E230 موديل 80 (معدلة) اللون اصفر حمصى مفقوده من 3 شهور فرش جلد بيج ملاكى دمياط
توجد سيارة لانسر موديل من 2004 إلى 2006 تقريبا لونها فضى و متربة
مركونةا بقالها أكتر من شهرين فى شارع مكرم عبيد بعد بنزينة شل
فكرة كويسة وممكن محدش يقول العنوان ولكن يكفي موصفات العربية
عربية bmw سوداء و مرسوم عليها شفايف أبيض كانت مخبوطة بس و من يومين بقت من غير كاوتش شكلها غريب.
أعتقد ننزل صورة ولو بالموبايل للسيارة المشكوك فيها بدون عنوان في الأول
ولو حد طلب تفاصيل أكتر وقتها اكتب العنوان
عربيه أوبل فيكترا ملاكى القاهره رقمها 44268 موديل 97 تم العثور عليها فى منطقه بحرى بالأسكندريه من يوم 1 -3
الغريب أنها ليست مبلغ بسرقتها
ومالكها المسجله بإسمه فى المرور قرر انه باعها من 3 سنين
عربية مازدا 323 بنى مركونة من اكتر من شهر ملاكى اسكندرية بالاسكندرية
سيارتين واحد اوبل فكتر 97 حمراء
والتانية مرسيدس ملاكي بروسعيد رقم مميز قوي 333
واقفين تحت الشباك بتاع الشغل بقالهم 3 شهور
والاوبل عربيات خبطتها وقعو اكصدامها
والغريبة انهم قدام بيت ورزير الصحة السابق اسماعيل سلام
يعني منطقة لبش كلها
فيه عربيه مركونه و متربه جنب البيت بقالها شهور ماركة كيا كرنفال ملاكي إسكندرية و رقم العربيه :208687 لونها رصاصي او فضي (معلش اصلها متربه اوي)
فيه عربية مســــــــروقة بقالها حوالى شهر مركونة فى مدينة نصر و الهاواية الخلفية مكسورة و التراب ردمها و محدش دارى بيها
بلغت عنها و محدش جه لحد دلوقت ياخدها تقريبا البلاغ إترمى فى أى درج
المهم - العربية :
باسات
لونها إسود أو كحلى من التراب مش متأكد
تقريبا موديل 2008 و يمكن 2007
لو حد يعرف حد مسروق منه عربية بالمواصفات دى يبعتلى نمرتها على الخاص و أنا أدله على مكانها
فكرة جميلة
فيه لانسر 2007 او 2008لونها فضي و مخبوطة من قدام بقالها داخلة على شهر على الناحية التانية من كووك دور سفير
والله فكره جميله وانا حنشرها لكل الاصدقاء وحجيب كل العربيات اللى فى فيصل والهرم
السلام عليكم ورحمه الله وبركاته
بالرغم من وجود النيه الحسنه لصاحب الموضوع ولباقى الاعضاء جزاهم الله خيرا بس فى نقطه مهمه جدا جدا ان احنا كده بنقدم فرصه من ذهب لكل من تسول له نفسه من سرقة او اخذ اى شئ من العربيه المعلن عنها
يجب بقدر الامكان عدم عرض تفاصيل دقيقه
كما يجب ايضا التاكد التام الشديد من تلك السياره الا تقل مده الركن
عن شهر ونصف(1,5 )على الاقل لفرض وفاة صاحب السياره او مرضه الشديد
كما يجب ايضا التاكد من عدم سير السياره لفتره شهر ونصف
على الاقل بغض النظر عن وجود تراب عليها
والله بصير بالعباد
حتى لا نكون مثل الدبه التى فقعت عين صاحبها بالخطا
وشكرا
انا اعرف مكان عربيات اتبهدلت من الوقفة و العربيات دي بجانب نقطة شرطة كمان
واحدة ابيزا حمراء وواحدة ميتسوبيشي كرستالة اظن فضى اتبهدلوا خالص انا اظن ممكن يكون صحابها سافروا و رميانها؟
والله فكرة حلوة وخصوصا ان سرقة السيارات كترت اوى اليومين دول
nissan altima mallaky al kahira 740831
¨warra 3marat awel mayo madinet nasr elshare3 elly amam city centr