حسام حسن مديرا فنيا للزمالك
مبروك الهبوط للزمالك
عرض للطباعة
حسام حسن مديرا فنيا للزمالك
مبروك الهبوط للزمالك
مبدئياً انا أهلاوي صميم .. وحط تحت صميم دي مليون خط .. وأحب ألخص مشكلة الزمالك دي في النقاط التالية :
1) مجلس إدارة الزمالك كلهم ملهمش في الإدارة ولا الكورة خالص سواء لنقص الخبرة أو لعدم وجود الخبرة من أساسه أو لدخول المجلس من باب المنظرة .
2) أنا شايف أن شيكابالا (على الرغم من أنه لعيب) وأحمد حسام (ميدو) هما سبب مشاكل الزمالك .. لأني بحس أن الاتنين دول لما بيلعبوا مع زمايلهم بيتعالوا عليهم وعلى الكورة كمان .. بالإضافة أن عمرو زكي (اللعيب المقاتل والمخلص) على غير وفاق مع ميدو والاتنين بيكرهوا بعض .
3) النفوس في الزمالك وحشه .. واللعيبة بصفة عامة مبيحبوش بعض .. أزاي بقى يلعبوا مع بعض !!
ولك الله يا زمالك .
و مرتضي منصور يقول اللاعيبة مصاحبة اخت روبي و بيروحوا يسهروا معاها :) :)
بصوا يا جماعة , انا هجيب لكم النهاية و مفيش حل غير كده مهما قولتوا .
حسن شحاته يعين مديرا فنيا لنادى الزمالك , و يعين مانويل جوزيه مديرا فنيا لمنتخب مصر .
و بعد سنة واحدة الكورة المصرية هتكون سمعت فى اوروبا كلها .
انتبه من فضلك الزمالك يرجع الى الخلف ..
انتبه من فضلك الزمالك يرجع الى الخلف ..
ياريت والله حسام مقاتل و محتاج امكانيات بس
حيحسن وضع الزمالك بس لفترة
حسام زي المخدر بيزيل الألم لكن لا يشفي المرض
انا مش عارف في مصر بيتم اختيار الوظائف علي اي اساس
يعني حسام حسن لاعب كبير جداااااااااااااا محدش يقدر يقول حاجة
بس كمدرب ايه امكانياته اي دراسته اي شهادته ايه اللي هيضيفه للعيبه غير شوية زعيق و شتيمه علي الخط و خلاص
يعني نظام مصر هي امي و نلعب علشان الجماهير و الاغاني الوطنيه مبقاش يجيب نتيجه
الكورة علم و دراسه و تكتيك و مدربصاحي علي الدكه يقدر يقرا الماتش مش عارف عي اساس الاختيار
يعني حسام البدري قعد تحت جناح جوزيه 5 سنين بيشرب علم منه حسام حسن درب مع مين خد خبرة من مين ؟
هو اتمرن كلاعب مع مدربين كتير اوي بس كمدرب مع مين ؟
هو اختيار لتهدئة الجماهير و لو حسام فاز الماتش الجاي هتلاقي الدنيا كلها بتغني و تقول شعر فيه و لو خسر هيقول ان الفريق محتاج وقت و صبر و لازم نعمل معسكر اعداد للمرة الثالثه الموسم دة
بجد مفيش اي معايير لاختيار اي حد لاي وظيفه في البلد دي
خبر غريب وصادم
شفتوا شيكابالا وحازم إمام وهما بيعيطوا..ومن قبليهم محمد فؤاد وايهاب توفيق..هي ايه حكاية الرجالة إللي بتعيط في البلد دي!!! على رأي سيد ابو حفيظة..صحيح شر البلية ما يضحك..الغريب إن مجلس الإدارة خد القرار بدون الرجوع للجنة الكرة...عرفت دلوقتي العيب فين..في الإدارة طبعا
المهم ماتنسوش كرامتنا المهدرة في السودان (حتى لا ننسى)
طيب انا اهلاوي ... وكنت بافرح في الزمالك لما يخسر ...
والله العظيم انا بقيت ازعل للزمالك ... بجد
وفعلا صعبان عليا
و بجد نفسي يبقي أحسن و أقوي ... و متفائل بموضوع حسام حسن ده .. و اعتقد لو فعلا هايجي .. ممكن قوي يفرق في الزمالك
عمل شغل كويس مع المصري .. ومع الاتصالات ..
ادولوا فرصة
و ربنا يوفق
كل سنة وانتم طيبين .. تحياتي
الزمالك باظ
انا أهلاوي بس حزين للزمالك و الله .. منظر شيكا و حازم و هم بيعيطوا إنهاردة يبين قد إيه الفريق إنهار و محتاج يتصلح .
انا متفائلهم بحسام حسن مش عشان هو مدرب معجزة و جامد لأ عشان حسام حسن عايز يكسب و شخصيته قوية و قليل الأدب و الزمالك مليان لعيبة عايزة تتربي و شايفة نفسها و مينفعش معاهم غير حسام و إبراهيم يلطشولهم و يقفوا يسبولهم في التمرين و عالخط
انا ذهلت لما شفت الماتش النهارده بصراحه
مفيش توافق خالص
انا بعيد عن الكوره تماما لكن افهم كوره كويس
مفيش روح بين اللعيبه
والجماهير زهقت من اللي بيحصل
انا سألت المتابعين للزمالك قلتلهم
بقالهم اد ايه عالحال ده
قالولي 5 سنين
يعني بصراحه وقت طويل اوي ونفس المستوى من غير تقدم
كل المجموعه اللي بتشتغل من اول الاداره لحد اصغر عامل
مجموعه فاشله
والدليل ادام عنينا
ربنا معاهم
صعبوا عليا اوي بصراحه
والله بالرغم اني اهلاوي لاكن زعلان علي الزمالك اللي ينطبق عليه ارحمو عزيز قوما زل
وكمان اختيار حسام حسن كمدير فني يؤكد ان الاداره دي متعرفش حاجه وبطيخ
لان ببساطه حسام حسن مدير فني للزمالك ليه ؟
عمرو في التدريب لايتعدي الاربع سنين خلالهم عمل ماتشين كويسين مع المصري وبعد كده هزائم وطلعو من الادوار الاولي في بطولة شمال افريقيا
بعد كده قعد في البيت مع اخوه السافل ابراهيم ثم راح يدرب المصريه للاتصالات والحمدلله نزل بيهم الدرجه التانيه وفي الاخر انطرد من عندهم لان اتهزم من طوب الارض
يبقي يدرب الزمالك ليه
اما لو الزمالك جابو يبقي مبروك عليه الدرجه التانيه لان حسام عارف كويس ينزل لها
كنت لسة هاكتب موضوع بعنوان "ارحموا عزيز قوم " الصراحة اللي بيحصل ده حاجة تحزن .. القوالب ماتت مش نامت !!!
اللعيبة دول مش بتوع كورة كل واحد منهم عنده البيزنس بتاعه ودماغه مش في الكورة (والكلام ده على معظم نجوم مصر أهلي وزمالك وغيرهم) دول فئة رجال أعمال والكورة بالنسبة لهم سبوبة إضافي. ويقولك احتراف .. ده اسمه "اغتراف"
الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي
غلطة ممدوح عباس اساسا ..
اول الدورى قال هناخد على الاقل 5 بطولات و هناخد الدورى و هناخد مش عارف ايه و ايه و ايه .
يعنى فريق متدهور بقاله 4 سنين فى يوم و ليلة يبقي على استعداد علشان يفوز ب 5 بطولات !! يا اخى طب قول هنسعي اننا ناخد اى بطولة ترجع الثقة حتى .
و كمان بصراحة ميدو ده بواقى تصدير , ال راجع يلعب للنادى بتاعه بيته !! يا سلاااااااااااام يعنى لو هو ماشي كويس فى اوروبا كان هيرجع ولا رجع لما مستواه باظ ده كفاية وزنه لما رجع !!
كمان الزمالك مجلس ادارته معندهاش اى فكرة عن الاحتراف سواء كرة القدم او غيره .
المفروض اللاعب ده يكون له حدود مش لاعب يطلع يتكلم و لاعب يطلع يشتم ولاعب يسهر للصبح مع معرفش مين و لاعب تانى ميحضرش التمرين و حاجة اخر تهريج بصراحة ..
انا مش هجيب سيرة الاهلى علشان محدش يقول اصلك اهلاوى و بتاع بس بصراحة مجلس ادارة نادى الزمالك لا يفقه شيء عن كرة القدم , دول حتى كل شوية يغيروا مدرب و ده دليل على ان مجلس الادارة بيجيب المدربين بناء على الشهرة مش الكفائة و كمان مجلس الادارة مش عارف الفريق محتاج مين !!
كمان حسام حسن مع احترامى يعنى ده ميصلحش انه يدرب مركز شباب .. لما بيدرب المصري و طول الموسم قاعد فى المدرجات و مطرود و كل ماتش يشتم حكم و يسب و يبصق عمر ما هيكون ده واحد محترف اطلاقااا انه يطلع نادى الزمالك من كبوته و يعمل له اعادة من اول و جديد .
ده لا مؤاخذة اخره يلعب على كام نقطة يثبت بيها الزمالك بس , لكن انه يكون فريق سليم و عناصر جاهزة للعب و يتعامل باحترافيه طبعا لالالا ..
صدقونى يا زمالكاوية , مش هينجيكم من الغرق غير حسن شحاتة "ابن نادى الزمالك" و ده اللى هيقدر يظبط النادى و يفرمته من جديد ..
مصرى قبل ان اكون اهلاوى ...
ما اعتقدش ان حسن شحاته يرضى بمهازل نادي الزمالك دي .........انا زملكاوي صمييم بس للاسف الادارة وحشة والنفوس وحشة والروح والتعاون وحشيين كمان برده ......
الزمالك عايز مدرب جرئ يشوط في اللاعيبه ويشبشبهم ومحديش يدخل في قرراته .......واللي ممكن يعمل كده حلمي طولان مثلا او مانويل جوزيه واللي لا يمكن لو دفعوله مال الدنيا مش هيدربه ...الزمالك عايز زمالك
أنا مش عارف مجلس ادارة الزمالك بيفكر ازاي ؟؟؟؟
بقى الزمالك يدربه حسام حسن !!!!!
انا متوقعله انه يكسبله ماتشين في الأول والزمالكاوية هيفرحوا ويطلعوا بيه السما ، بعدها هيخسرله ماتش ويقعد يسب ويلعن في الحكام كعادته والحكم يطرده بره الملعب كام ماتش ... وعلى نهاية الموسم مجلس الإدارة يكون أقاله
ومن فشل الى فشل ويا زمالك
__________________
أهلاوي حزين على حال الزمالك
سونه اجدع ناس
بصراحة ياحضرات انا موافق على اختيار حسام حسن مع اقتناعى التام بانة ليس مدرب على درجة عالية من الكفاءة بس اسبابى ان نادى الزمالك محتاج اى رمز كروى كبير يكون ليه احترامة وكمان حسام شخصيتة قوية يعنى مش بيهمو اى لاعب مهما كان اسمه ولا اى حد من الادارة يعنى محدش هيعرف يرغى معاه لان مفيش اى حد من الجيل الحالى عمل للكره زى ما حسام عمل وكمان اسلوب حسام فى الكلام هيخلى اللعيبة تتعلم الادب وتخاف منه ويبطلو فرعنة على الفاضى والمليان وكلنا عارفين ان اللعيب المصرى لما بيحس بنفسه مش بينفع معاه غير اسلوب الترهيب مش الطبطبة يعنى لازم يتعامل معاهم باسلوب الجيش عشان الكل يتلم وموضوع الخبرة فى التدريب هيزيد معاه مع مرور الايام وهى ماجتش عليه ماهوالزمالك عمال يغير فى المدربين زى الشربات لازم ياخد فرصة ويمكن حالى الزمالك يتعدل :majd(4):
كلام محترم وانا معاك---- وراى بصراحة ان المصرين طيبن اوى لما واحد ينجح مع فرقة لظروف معينة يكون هو ده اساس الحكم ويكون جوزية رمز الكرة المصرية ولو مسك المنتخب الكره هتسمع فى اوروبا ذى ما واحد من الاعضاء بيقول- حاجة غريب جدا نفسى مره ندرس عوامل النجاح نفسى نفكر ان يكون عندنا اكثر من ناجح مش ندور على اللى نجح ويكون هو ده ونعيش على ذكراه جوزيه لما درب الاهلى ماكانش عنده ولا بطوله واحده فى ال cv وحسام لو اخذ الفرص هاينجح بس ليه لازم كل الناس تحارب انتا مين يا حسام ده جوزية اصل مش عارف اه
تاريخ حسام حسن الحافل في التدريب واللي رشحه لتدريب أحد قطبي الكرة المصري نادي الزمالك من موسوعه ويكيبيديا
اتجه الآن حسام حسن إلى مجال التدريب حيث قاد النادى المصري البورسعيدى في النصف الثانى من الدورى المصري موسم 2007 / 2008 حيث تمكن المصري بقيادة حسام في البقاء بالدورى المصري بعد ان كان قاب قوسين أو ادنى من الهبوط إلى الدرجة الثانية . وفي الموسم الحالى بدأ فريق المصري في التألق تحت القياده الفنيه لحسام حسن واستطاع الفوز على الاتحاد في الاسكندريه ثم على الاهلى بطل الدوري في بورسعيد في أول جولتين في الدوري الممتاز . ثم لاقى هزيمتين متتاليتين دفعته للاستقاله من منصبه بداعى ان ( الحكام يناصبونه العداء ) على حد تعبير العميد . الا ان جلسه وديه جمعته مع ( سيد متولى ) رئيس النادى المصري دفعته للتراجع عن الاستقاله
وفى الاخير ودع حسام حسن سنه 2008 باقالته من تدريب النادى المصري بعد اعمال الشغب التي قام بها مع توأمه إبراهيم حسن وقدم تم تغريمه بوقف 6 مبارايات متتاليه ومبلغ مالى
كما تم معاقبه اخبه إبراهيم حسن بوقف 6 سنوات ومبلغ مالى أيضا
و حالياً يشغل منصب المدير الفنى لفريق المصرية للإتصالات المهدد بالهبوط من الدورى الممتاذ و يأمل حسام حسن ان ينتشل الفريق من دوامة الهبوط بعد ان أنتشل النادى المصري البورسعيدى منها العام الماضى
الزمالك مش هيخسر اكتر من اللي خسره
اعتقد ان قرار مجلس الادارة بتعيين حسام حسن هو عبارة ع تجربة لأن خلاص مفيش حاجة نخسرها بعد اللي خسرناه
جابوا الاجنبي منفعش جابوا فاروق جعفر وهو مدرب كبير وليه خبرة منفعش فقالوا يجيبوا واحد في سن اللاعبين يمكن يعمل حاجة
وعموما مبقتش تفرق
هو فعلا كان عايز إبراهيم حسن مساعد؟ همه توأم ملتصق و لا ايه؟
هوا حسام حسن محتاج نجربو ده مدرب فاااااااااشل ودرب فرقتين واطرد من واحده وهبط بالتانيه للدرجه التانيه , وكمان مين قال ان فاروق جعفرمدرب كبير هتلي بطوله خدها فاروق جعفر اللي بيدرب من 20 سنه
طبعا عمل حاجات كتير بس طبعا مش زي احمد حسن ولا ابوتريكه ولا الحضري
كل دول عملو لمصر اكتر من الاخ حسام اللي قضي حياته ايقافات وسفاله وقلت ادب واخيرا طرده من النادي الاهلي
الغريب ان كل الناس فاهمه الكلام ده الا ادارة الزمالك
حد يعرف ابراهيم حسن هيشتغل ازاى و هو موقوف من الاتحاد الدولى !!
اقتباس:
: قرر مجلس إدارة الزمالك بعد اجتماعه العاجل مساء الأحد استدعاء التوأم حسام وإبراهيم حسن من دبي الاثنين لإتمام التعاقد معهما رسمياً خلفاً للفرنسي هنري ميشيل الذي تم إقالته بشكل رسمي.
وعلم مراسل Yallakora.com ان مجلس إدارة الزمالك بعد اجتماعه الأحد طلب من التوأم العودة سريعاً من دبي ومعهم أسرهم على حساب النادي لإنهاء التعاقد رسمياً.
وأضاف مراسلنا ان مجلس إدارة الزمالك أجرى تصويتاً على تعيين حسام حسن وجاءت نتيجة الموافقة على تعينه 4 اعضاء ومثلهم معترضين على تعيينه، إلا ان موافقة ممدوح عباس رئيس النادي على حسام قد زادت من فرص الأخير في تولي قيادة الفريق.
ويأتي الاختلاف الوحيد من جانب مجلس إدارة الزمالك على تعيين حسام حسن هو طلب الأخير وجود توأمه ابراهيم ضمن الجهاز الفني وهو ما رفضه الأعضاء وقاموا بترشيح بعض الأسماء الأخرى لمعاونة العميد على رأسهم أيمن منصور.
وأفاد مراسل Yallakora.com ان مجلس الإدارة سيعقد اجتماعاً عاجلاً صباح الاثنين مع لجنة الكرة برئاسة حمادة امام لاستطلاع رأيهم في تعيين حسام حسن لقيادة الفريق في الفترة القادمة.
وكان المجلس الأبيض قد اتخذ قرارا حاسماً بإقالة هنري ميشيل المدير الفني الفرنسي للفريق
شكرا للتوضيح
يعني خربانه خربانه دة انا كنت فاكره هيدرب لوحده كمان هياخد معاه ابراهيم ....... والله صعبان عليا الزمالك ومشجعي الزمالك
انا شايف انه احسن حاجة للتعامل مع العيال ده
الناس محسساني إن حسام حسن ده بياع ترمس ..
الموضة برة زي ما قلت إن اللعيبة الكبيرة المبطلة تمسك فرق ..أنت عايز تتطبق الكلام ده هنا هاتجيب مين ? حمادة شنح ?
حسام كخبرة و شخصية هو أنسب شخص للزمالك حاليا
باشا cv ايه بس ما احنا كان عندنا هنري ميشيل مدرب عايز اتنين معاه عشان يشيلوا ال cv بتاعه .. و عمل لنا إيه ..صفر
cv ايه اللي الناس جاية تقول عليه..
الكورة مش كده و مافيهاش شغل المعادلات الحسابية و أبو cv و أبو من غير cv ..
جوزيه كان جاي مصر نكرة و ال cv بتاعه صغير .. مشى من هنا و ال cv بتاعه وارم ..
يا راجل احنا عاوزين نخرج من الحلقة المفرغة بتاعة المدربين دي بقى و شيلوا طولان و هاتو فاروق جعفر و شيلوا جعفر و هاتو محسن صالح ..
بورتو أعطى الفرصة لمدرب شاب مغمور و ليس له نجاحات تذكر و بعد سنة خد الدوري البرتغالي و الشامبيونز ليج الأوروبي ..
المدرب ده إسمه جوزيه مورينيو ..
الدنيا بره اتغيرت يا شباب ..
إن غدا لناظره قريب