أرجو النصح من خبراء ال 128

**amqnor** · 30-11-2009 12:25 AM

بسم الله
هذه أول مشاركة ليا في المنتدي ,وطبعا كانت في قسم ال 128 لأني من إمتلكت سيارة من فترة بسيطة جدا.
انا مبسوط جدا لأني إنضميت لمنتدي نايل موتورز.
أنا إشتريت 128 موديل 82 سعة 1100 رخصة سنة بمبلغ 13500 جنيه. قالي الميكانيكى إن العربية حالتها كويسة بس عايزة ترصيص. كانت بتعمل هزة عنيفة بعد سرعة 90 لكن ماحدش كشف عليها .غيرت فردتين كاوتش gt وركبتهم قدام بعد كدة معدش فيها هزة خالص .إلا هزة بسيطة جدا لا تذكر عند 110 .علي فكرة أنا مشيت بيها علي سرعة 125 وكانت كويسة .
حصل مرة إن العربية ماكنش فيها سحب خالص رحت لميكانيكي غيري وش الإسبراتير ومشيت بعد كدة كويس لكن رجعت المشكلة تاني فقررت أن أفك الإسبراتير (أنا أول مرة أسوق عربية)ونضفته وركبته والعربية بعد كدة كانت عشرة علي عشرة .
عند كام سؤال:
- سعر العربية كويس ؟
- هل الهزة البسيطة اللي في العربية تعني مشكلة وزاي أتعامل معاها؟
-اللي عملته في الإسبراتير صح ولا غلط؟
- أقصي سرعة أمشى بيها؟
- معاد تغيير الزيت ورقمه ونوعه؟
- التابلوه عندي طرى من فوق ولما إتخبط علية يتكسر منه كسر بلاستيك هل في طريقة لحله أوتعديله؟
- أول ماسوقت العربية سوقتها وفرامل اليد مرفوعة بعد كدة بقيت أسمع صوت حكة من الفرامل فما حله؟

أسف لأن الأسئلة كتيرة لأني لسة جديد في دنيا السيارات

م: أحمد

**amqnor** · 30-11-2009 11:54 PM

هي الأسئلة صعبة ولا إية

**mohamed9999** · 01-12-2009 10:51 AM

المشاركة الأصلية كتبت بواسطة amqnor

بسم الله
هذه أول مشاركة ليا في المنتدي ,وطبعا كانت في قسم ال 128 لأني من إمتلكت سيارة من فترة بسيطة جدا.
انا مبسوط جدا لأني إنضميت لمنتدي نايل موتورز.
أنا إشتريت 128 موديل 82 سعة 1100 رخصة سنة بمبلغ 13500 جنيه. قالي الميكانيكى إن العربية حالتها كويسة بس عايزة ترصيص. كانت بتعمل هزة عنيفة بعد سرعة 90 لكن ماحدش كشف عليها .غيرت فردتين كاوتش gt وركبتهم قدام بعد كدة معدش فيها هزة خالص .إلا هزة بسيطة جدا لا تذكر عند 110 .علي فكرة أنا مشيت بيها علي سرعة 125 وكانت كويسة .
حصل مرة إن العربية ماكنش فيها سحب خالص رحت لميكانيكي غيري وش الإسبراتير ومشيت بعد كدة كويس لكن رجعت المشكلة تاني فقررت أن أفك الإسبراتير (أنا أول مرة أسوق عربية)ونضفته وركبته والعربية بعد كدة كانت عشرة علي عشرة .
عند كام سؤال:
- سعر العربية كويس ؟
- هل الهزة البسيطة اللي في العربية تعني مشكلة وزاي أتعامل معاها؟
-اللي عملته في الإسبراتير صح ولا غلط؟
- أقصي سرعة أمشى بيها؟
- معاد تغيير الزيت ورقمه ونوعه؟
- التابلوه عندي طرى من فوق ولما إتخبط علية يتكسر منه كسر بلاستيك هل في طريقة لحله أوتعديله؟
- أول ماسوقت العربية سوقتها وفرامل اليد مرفوعة بعد كدة بقيت أسمع صوت حكة من الفرامل فما حله؟

أسف لأن الأسئلة كتيرة لأني لسة جديد في دنيا السيارات

م: أحمد

1- سعر العربيه معقول
2- الهزه عاديه ولو العربيه متجنطه اعملها رينجات تركب مع الجنط و تبقى تمام
3-انا مش عارف اللى عملته فى الاسبراتير صح ولا غلط ولكن يفضل متعملهاش تانى
4-السرعه يفضل 90 لان الفيات 128 متضمنش
5-ميعاد تغيير الزيت على حسب نوعه يعنى فيه 4000كم وفيه 2000كم يفضل شل
دا اللى اعرفه بصراحه

**islambana** · 01-12-2009 02:28 PM

اهلا بيك معانا في منتدي نايل موتورز ومبروك العربيه وربنا يديك خيرها ويكفيك شرها
- هل الهزة البسيطة اللي في العربية تعني مشكلة وزاي أتعامل معاها؟
حضرتك روح رصص وظبط زوايا واتزان والموضوع كله مش هيكلفك 50 جنيه

-اللي عملته في الإسبراتير صح ولا غلط؟
يفضل ماتلعبش انت في الاسبراتير علشان حساس خلي الميكانيكي يلعبلك فيه
- أقصي سرعة أمشى بيها؟
بص ال128 فراملها ضعيفه فيفضل ماتجريش بيها علي سرعات عاليه وحاول ماتعديش ال 120
- معاد تغيير الزيت ورقمه ونوعه؟
المفروض اول ماتشتري عربيه تغير الزيت وفلتر الزيت وفيه انواع فيه زيت يتغير كل 3000 كم وزيت كل 5000 كم وزيت كل 10000كم المهم حاول مع كل غيار زيت تغير الفلتر كله ب7 جنيه علشان تحافظ علي الموتور
- التابلوه عندي طرى من فوق ولما إتخبط علية يتكسر منه كسر بلاستيك هل في طريقة لحله أوتعديله؟
حاول تصور التابلوه بس اعتقد كده انك قدامك 3 حلول
1- تحط علي التابلوه مفرش علشان مايبانش البلاستيك المكسر
2- تكسيه جلد عند سروجي نضيف بس هياخد فتره ويفك
3- تغير التابلوه بتابلوه تاني وممكن تركب تابلوه اوبل كورسا بيبقي شكله تحفه
- أول ماسوقت العربية سوقتها وفرامل اليد مرفوعة بعد كدة بقيت أسمع صوت حكة من الفرامل فما حله؟
لو الحكه دي بتسمعها لما بتفرمل يبقي تيل الفرامل اللي وراء عندك اتاكل ومحتاج يتغير روح للميكانيكي خليه يكشفلك علي التيل وراء وقدام وخد اللينك ده في الصيانه الدوريه لل 128 والتزم بيها
http://www.nilemotors.net/Nile/97504-128-127-a.html
واي استفسارات انا في الخدمه