سيعود الإسلام غريبا كما بدأ غريباً
عرض للطباعة
سيعود الإسلام غريبا كما بدأ غريباً
سويسرا هي البلد الوحيدة اللي في العالم اللي بنصدرلها و مش بنستورد منها....
بنصدرلها......فلوس
طبعا تعمل زى ما هى عايزة ..هى مش ماسكة حكام الدول الاسلامية من الايد اللى بتوجعهم ؟!!
الحيوانات المفترسه بتاكل الغزلان علشان الغزلان ضعيفه
نلوم مين الحيوانات المفترسه علشان قويه و لا الغزلان علشان ضعيفه
قال رسول الله صلي الله عليه و سلم فيما معناه (( لاني مش متاكد من النص ))
((( توشك ان تتداعي عليكم الامم كما تتداعي الاكله علي قصعتها ....)))
صدق رسول الله صلي الله عليه و سلم
لو احنا اقوياء زي ايام الرسول صلي الله عليه و سلم او ايام الخلفاء الراشدين او حتي ايام العباسيين زي المرأة اللي صرخت وامعتصماااااااة بعتلها جيش مش شجب و ندد و استنكر
لكن دلوقتي المطلوب مننا نقاطع كل دول العالم --- امريكا - سويسرا - هولندا - الدنمارك - ايطاليا - الجزائر ...... احنا ضعفاء ليه عايزيين حد يرحمنا بس ادينا بنعمل اللي علينا و هنقاطع علي قد مانقدر بس هنعمل ايه في الدوا مثلا
حسبي الله و نعم الوكيل في اللي كان السبب اللي هو الحكام و كمان احنا علشان السلبيه
و ايه علاقة الموضوع دا بالعربيات عشان يتحط فى العام
المشكلة في نفوسنا
أيوة إحنا
إحنا نفوسنا مش خالصة ، بنقاوح و بس
بنهبط الهمم و بنحبط القيم
لسنا علي قلب واحد و لا إثنان و لا ثلاثة حتي
كل واحد يبص لنفسه من جوه ، ضلمة قوي
و لو مش شايف الضلمة تبقي أعمي
تتكالب علينا الأمم لضعف نفوسنا و لسوء عملنا
نقاطع . . . . ماشي
ماشي بس نقاطع الأول الفساد و الطمع و المجون و الجنون و الموضة و الشذوذ و و و و
إبحث في نفسك و غير (إن الله لا يغير ما بقوم حتي يغيروا ما بأنفسهم)
و إلا فاستعد لتلقي العقاب
علامات الغضب الإلهي ظاهرة (إنها لا تعمي الأبصار و لكن تعمي القلوب التي في الصدور) فيضان و جفاف ، زلزال و وباء ، غرق و قتل
كلها أمور مستحدثة و كلنا مسؤولون
مش جايب ساعات سويسرى و لاجبنه سويسرى تانى .. دووول معتمدين على دول الخليج يا ناس لأن حاجاتهم للصفوه ومجتمع الصفوه انانى و لا ينظر لدين او صالح عام
طيب انا باكل شيكولاتة سويسرية اعمل فيها اية وطعمها تحفة وباشتريها بالكرتونة ههههههههههههههههههه اقاطعها ولا اكمل (تقريبا نص الشيكولاتة السويسرية الى دخلت مصر موجودة فى التلاجة عندى ههههههههه )
المهم ان سويسرا مش بتصدرلنا حاجات كتيير يدوب حاجات قليلة زى الشيكولاتة والكاكاو والساعات والاكسسوارات وحاجات قليلة يعنى مش هانضرهم ولا انتوا شايفين اية
مش هاكل شيكولاته سويسرى بعد النهاردة
-----------------
علشان خاطرى بلاش حكاية المقاطعه
علشان احنا لا نعرف ان نقاطع الا انفسنا
و بعدين دى ناس قالت مش عايزين ماذن تتبنى
طب قبل ما نقاطع مش نعرف الول بس احنا عملنا ايه فى اللى هدم مسجد
و بنعمل ايه مع من يمنع مساجد الله ان يذكر فيها اسمه و يسعى الى خرابها
-----
و شكرا
هههههههههههه
دودينو ليه الاحراج ده اهو الاعضاء هنا عرفوا فلوسك فين
اتصرف بسرعة وانقلها بلد تانية
الحمد لله مش بتعاطاهم
كدة بقا سهلة نص شيكولاتى سويسرا لمصر عندك في التلاجة يبقي نقاطعك انت بس بعد ما نعمل غزو لتلاجتك لطرد المنتجات السويسرية منها (الى بطوننا مباشرة)