كيميائي محمد طه متقلبش علينا المواجع اكتر ما هي متقلبة
عرض للطباعة
كيميائي محمد طه متقلبش علينا المواجع اكتر ما هي متقلبة
95% من الشعب المصري مقاطع سويسرا فعلا
وغصب عنهم مش بمزاجهم
علشان ميقدروش يشتروا الحاجات اللي بتيجي منها
بس عموما ارخص حاجه شوفتها معموله في سويسرا كانت سجاير دانهيل جديده لسه نازله
فليكم عليا اني حقاطعها ومش حشتريها (الدانهيل بس)
أنا مش هقاطع المنتجات السويسرى لأنى اصلا مبكلش شوكلاته ولا كاكاو ولا بلبس ساعات
لكن هما فى بلدهم قررو القرار الى يريحهم وليهم مطلق الحريه فى كده
انا مقدرش أفرض عليهم رأى
مش قصدى تقليب مواجع
بس على فكرة و ايه يعنى لما نقلب المواجع
مش
يا بخت من بكانى و بكى على و لا ضحكنى و ضحك الناس فيا
--------
ثانيا
اصل بصراحه زهقت "مش قادر اقول كلمة اخرى" من الكلمات الرنانة الجوفاء
حمله
مقاطعه
و عاملين فيها اللى مالهمش زى و عالطول داخلين فى الدول العليوى
طيب يا جماعه يا جدعان ماشفناش واحد يقول هنقاطع الصين لما و لازالوا بيمارسوا كل اساليب التعذيب و القهر للمسلمين عندهم
و الخيبة انى حاسس ان موضوع المقاطعه ده احنا بنتجر ليه علشان يضحك علينا
ليه
احنا عايزين نقاطع سويسرا علشان رافضين يتبنى ماذن للمساجد
سمعت من شيخ نحسبه على خير "و اعتذر لانى مش عارف اجيب المصدر" ان اساسا الماذن دى مش من اساسيات المسجد فى الاسلام
و انها مستحدذه و البعض ادخلها كبدعه
و لاحظت انا شخصيا ان معظم مساجد الجمعيه الشرعيه التى رأيتها لا يوجد بها مأذنه
----------------------------
نشد سطر كمان
------------------------------------
فى موضوع المقاطعه
قبل ما نقاطع لازم تكون اقوى من الذى تريد ان تقاطعه
و علشان الناس تفهم ما اعنيه
اقوى بمعنى انك
تستطيع الاستغناء عن ما يقدمه و تتعايش بالبديل له من عندك مهما كان اقل من الذى تريد ان تقاطعه
يعنى مانقاطعش العربيات الامريكانى و نروح نركب الاوربى
انما نقاطع العربيات الامريكانى و نركب الاسكوتر الخشب بتاع زماااااااااااااان اللى كانوا بيلعبوا بيه فى الشارع قبل ما ينجروه و يخلوه بالشكل الحالى
و ذكرت مرارا و تكرارا مثال لذلك
و هو
غاندى
و شكـــــــــــــــــــــرا
----------------
وجهــــــــــــــــــــــ ــــــــــــة نظر
كل وجهات نظرك جديرة بالاحترام يا سيادة الكيميائي
وفعلا قلبت المواجع
وفعلا المآذن ليست من الاسلام في شئ هي نوع من انواع العمارة اللى ظهر في وقت متأخر وانتشر حتي اصبح هو الاساس زيه زي كتابة ايات قرانية في المساجد خصوصا عند المنبر وزيهم زي الهلال او النجمة اللى البعض بيقول انهم هما الاسلام او رمز الاسلام بدون ان يدري انها مجرد اشكال جمالية ليس الا والا ما كانت تركيا العلمانية تضع الهلال في علمها وما كانت الهلال والنجمة الذهبية تعمله شعار ورمز ليها مش ناقص غير ان حد يطلع يقولك فرض على المسلم شراء منتجات الهلال والنجمة لانهم بيحملوا رمز الاسلام
يقول الله عز وجل ومن يعظم شعائر الله فانها من تقوي القلوب
يعني عن نفسي مش هشتري اي حاجة سويسري علي الاطلاق
ومش معني كدة اني هأثر علي الاقتصاد السوسري لوحدي بس لو كل فرد ومستهلك ومستورد ومورد واي فرد من افراد الامه الاسلامية ام بالدور بتاعه ولله ما كانوا يجرؤ يعملوا او يفكروا في اي حاجة منالحجات القرعة بتاعتهم ديه فيه قي سوسري 400 الف مسلم وان شاء الله يزيدو عن كدة وباذن الله ربنا هينصرهم
يجب ان نتحد جميعا في الفكر البناء ولا نختلف فتذهب ريحنا كما اخبر المصطفي صلي الله عليه وسلم
الاتحاد الاتحاد الاتحاد هو القوة مش كلام لازم فعل فعلي ولو كل واحد ام بدورة في المجتمع الاسلامي كله هنبقي اقوي امه اسلاميه ان شاء الله ونرجوا من الله ان يصلح الحال
اخ شنوري المشكله مش فينا المشكله في الامراء العرب الي حطين مليارات من الجنيهات السوسري في بنوك سوسرا هو دة المصيبه لو تتسحب الفلوس ديه والله ليفكروا ازاي يبنوا المأزن مش يمنعوها
دول ناس دنهم وحياتهم وكل حاجة في الدنيا بتاعتوا هي الفلوس
انت ممكن تقلع واحد ملط وتمشه في الشارع عريان عشان شويه دولارات
صح جدا
بس ده مش حايحصل علشان سويسرا هى الدولة الاولى الموجود فيها قانون يحمى سرية الحسابات
يعنى ما تقدرش تعرف الحساب ده بتاع مين و لا فيه ايه و لا الفلوس اللى فيه مصدرها ايه و لا كام و لا تقدر تعرف الفلوس اللى طلعت منه راحت فين....يعنى حاتكشف بلاوى جامدة
ولا يهمك انت بس تعالا وانا هادوقك احلى طعم ههههههههه طعم السكينة ههههههههه قال يغزو ثلاجتى وياخدو منى شيكولاتى حبيبتىاقتباس:
كدة بقا سهلة نص شيكولاتى سويسرا لمصر عندك في التلاجة يبقي نقاطعك انت بس بعد ما نعمل غزو لتلاجتك لطرد المنتجات السويسرية منها (الى بطوننا مباشرة)