واحد صحبى عايز يعرف لو عاجباه السيمبول وعايز يشتريها ايه صفاتها واراءكو فيها ايه ؟؟؟
وعايز يعرف الفرق بينها وبين اللوجان وايه رأيكو انتو يشترى سيمبول ولا يوفر الفرق
ويخليه فى اللوجان ومميزات وعيوب كل واحدة فيهم ...وشكرا على الرد مقدما
واحد صحبى عايز يعرف لو عاجباه السيمبول وعايز يشتريها ايه صفاتها واراءكو فيها ايه ؟؟؟
وعايز يعرف الفرق بينها وبين اللوجان وايه رأيكو انتو يشترى سيمبول ولا يوفر الفرق
ويخليه فى اللوجان ومميزات وعيوب كل واحدة فيهم ...وشكرا على الرد مقدما
اولا هو السؤال صعب شوية لان حضرتك عايز حد يكون جرب العربيتين ودة صعب فى الوقت الحالى لان العربيتين لسة جداد
نيجى للناحية النظرية .. السيمبول بتتفوق على اللوجان فى الماتور والشكل الخارجى
السيمبول 1400 سى سى 98 حصان = اداء جيد جدا + توفير بنزين فى حين ان اللوجان 1600 سى سى
90 حصان = اداء جيد + توفير بنزين ايضا
اللوجان بتتفوق فى مساحة الكنبة الخلفية لان كنبة السيمبول كنزة شوية وعفشة اللوجان مصممة للاراضى الغير ممهدة
معنديش فكرة عن عفشة السيمبول
فى النهاية العربيتين ملاكهم بيشكروا فيهم جدا ومبسوطين منهم وانا اقترح ان صديق حضرتك لو بيركب معاه اشخاص احجامهم كبيرة يخليه فى اللوجان
لكن لو اسرة صغيرة زوج وزوجة والاولاد فى الخلف تبقى السيمبول ممتازة
و كل سنة وانت طيب
موافق على كل الكلام ده
انا اصلا كنت في نفس الحيرة قبل ما استلم اللوجان بحوالي شهر
قعد شوشو يوسوس لي ويقولي السيمبول تليق اكتر على دكتور والدكتور راح والدكتور جه وقعدت اتخيل نفسي بنضارة شمس وبدلة وانا قاعد في السيمبول (شياكة برضه)
بس رجعت لارض الواقع
رينجو جاب لك من الآخر هما صفتين اثنين بس (الموتور والشكل الخارجي)
احب ازود عليهم حاجتين بسيطين اوي
فتح التانك من الداخل
وطبعا امكانية الاوتوماتيك لو بتفكر تجيب اوتوماتيك (90 الف)
غير كده مفيش
مبدئيا الموتور 1400 في السيمبول ازيد من اللوجان 8 حصان بس
السيمبول استهلاكه 7.2 و اللوجان 7.6 تقريبا
الحاجه الثانية موتور اللوجان صوته اعلى مش عارف عشان 1600 ولا عشان مفيش طبقة عزل تحت الكبوت بس فرق الصوت قليل اوي.
الشكل الخارجي اذواق وطبعا معظمنا مع شكل السيمبول
ولكن:::
ولا حاجه من مميزات العربيتين تفرق عن الثانية
الشنطة في السيمبول 500 لتر في اللوجان 510
الاثنين فوج لايت, ازاز كهربا ادام وورا, كمبيوتر رحلات (يزيد في السيمبول قياس الحرارة), اير باج واحدة , كاسيت سي دي, تكييف , باور , سنتر , ايموبيليزر, فرش تقريبا واحد , ارضية تقريبا واحدة,
العدادات والكونسول اشيك في السيمبول بس حاجه بسيطة
نفس الحركات الفرنساوي الكلاكس في الذراع الشمال
فتح الازاز الخلفي من ورا فرامل اليد مش في البيبان
ولكن
السيمبول واطية اوي لاحظ اني بقارنها في اللوجان اللي كانت واقفة جنبها في المعرض
انا مليان وبحب اقعد مستريح
رجعت كرسي السواق لورا عشان اعرف اقعد وبعدين خرجت من العربية وحاولت اقعد على الكرسي الوراني
قعدت عادي ومستريح في اللوجان وفوقي مساحة ييجي شبر لغاية السقف وانا 174 سنتي
معرفتش اخش اصلا في السيمبول من ورا ولو دخلت مكنتش حعرف اخرج
كل ده والعربيتين الفرق بينهم حوالي 13 الف في المانيوال
طب ادفع 13 الف في ايه ؟؟؟؟؟؟؟؟؟؟؟
ممكن ناس تقول في الموتور
ممكن ناس تقول في الشكل
ممكن ناس تقول دي تقفيل تركي انما اللوجان مغربي روماني الاصل
مش معقول اكون بدفع 13 الف في فتحة تانك البنزين مثلا :ma::ma::ma:
كمان اللوجان جنط 15 السيمبول كانت تقريبا 14
آخر حاجه اسعار الصيانات وقطع الغيار في التوكيل ارخص في اللوجان عنها في السيمبول
يبقى مع احترامي لزميلنا اشرف السعدني (اول شخص في المنتدى تقريبا جاب السيمبول) هو محترم جدا وبيحب السيمبول جدا
عمليا مش لاقي اي حاجة تكون فيها الفرق ده كله في الفلوس
مع العلم ان بتاع المبيعات نفسه لما قلت له ان الفرق ليه عالي كده
قالي خللي بالك ان دي مدفوع عليها جمارك ودي لأ
ودي نقطة كمان مخدناش بالنا منها
يعني لو اللوجان كان عليها جمارك يا ترى حتبقى بكام؟؟؟؟؟؟؟؟؟؟؟؟؟؟
وربنا يوفقك
:satelite::satelite::satelite:
شكرآ يا دكتور احمد على زووق حضرتك ربنا يباركلك كلام حضرتك مظبوط مع وجود فارق جوهرى هوا الى عامل فرق السعر الخامات المستخدمة فى السيمبول افضل كتيير ودا ممكن تكتشفو من مجرد النظر للطبلوة وعند الموتور والنقطة الاهم من ذلك ان غالبية مكونات السيارة اوربى مش تركى ودا ممكن تسأل عليية ملاك الكليو من اول 2005 واجزاء ميكانيكية كتيير فرنسية الصنع ودا السبب الجوهرى الى عامل فرق السعر مش الشكل حتى قبل ميشيلو الضرائب الى على الرومانى
شكرا يا جماعة على الردود الحلوة دى بس بردو حاجة تحير كلامكو كله صح بس نفس الحيرة موجوده
يعنى ال 13000 جنيه فى التقفيل والخامات والموتور والشكل واعتقد الثبات وعدم الانتشار فى مقابل قطع غيار اغلى ووسع اقل واقرب للارض برده ماوصلتش لانى اقتنع بان كذه احسن
انا مش فاهم حضرتكم بتقرنوا اية ب اية
كفاية فرق التقفيل بين العربيتين شوفوا الفروقات اللى بين البيبان و حتفهمونى و كمان الخامات المستخدمة جوة !!! افتح الكابوت و شوف تقفيل الموتور و الجلود
اساسا السيمبول فئة اخرى و عربية تانية غير اللوجان !
حضرتك ماخدش بالك من راس الموضوع فى فرق 13000 جنيه بين السيمبول واللوجان
وصاحب الموضوع بيسأل هل الفرق يستاهل ؟
لا بصراحة انا مافهمتش فروقات ايه اللى فى البيباناقتباس:
كفاية فرق التقفيل بين العربيتين شوفوا الفروقات اللى بين البيبان و حتفهمونى و كمان الخامات المستخدمة جوة !!!
http://photos-e.ak.fbcdn.net/hphotos..._1408476_n.jpg
الخامات المستخدمة متوسطة الجودة وخامات السيمبول افضل ودة اللى اتقال فى الموضوع
حضرتك بتتكلم على توكتوك مثلا مالوا تقفيل الماتوراقتباس:
افتح الكابوت و شوف تقفيل الموتور و الجلود
http://photos-e.ak.fbcdn.net/hphotos..._6289427_n.jpg
ما احنا عارفين انها فئة تانية المقارنة مش الهدف منها مين العربية الافضل لان السيمبول من وجه نظرى افضلاقتباس:
اساسا السيمبول فئة اخرى و عربية تانية غير اللوجان
لكن صاحب الموضوع عايز يعرف الافضلية دى تستاهل ال 13000 جنيه الفرق ودة اللى يحدده احتياجاته من العربية
وكل سنة وانت طيب
أنا برضه دخلت فى الحوار ده فى الفترة ما بين حجز اللوجان واستلامها (حوالى 10 أيام) .. والخلاصة اللى خلتنى استقر على اللوجان كانت كالتالى :
ميزة السيمبول عن اللوجان : شكل خارجى أحلى ، خامات داخلية أكثر فخامة + فيها أوتوماتيك. (موضوع المواتير والأحصنة ده مش بادق فيه، كله شغال).
ميزة اللوجان عن السيمبول: صالون أوسع (بكتير) ، أعلى عن الأرض.
والموضوع الفاصل بالنسبة لى كان هو اتساع الكنبة الخلفية اللى فعلاً ضيقة فى السيمبول لو الكرسى الأمامى مريح شوية لورا ..
والنقطة دى وقفتنى عن التفكير ورجحت الكفة لصالح اللوجان
خصوصاً إنى صرفت نظر عن النيسان صنى قبل كده برضه لنفس السبب.
يا جماعة كلامكم كلة مظبوط بس مع العلم ان السيمبول والكليو علوهم عن الارض كافى جدآ واعلى عن غالبية السيارات الى فى السوق بشكل كافى جدآ بل ممتاز للطرق المصرية وانا شايف ان اللوجن علوهااا مبالغ فية على حساب الثبات وهيا لو بعلو السيمبول دا كافى جدآ وكان هيبقى احسن للثبات وموضوع فرق ال 13 الف اعتقد ان الموتور الاحدث والخامات الافضل والمكونات الاوربى بنسبة 60 % من اجزاء السيارة يساوى اكثر من المبلغ الى بين العربيتان وبلنسبة لموضوع ان الموتور ميفرقش مع حضرتك انا شايف ان العربية موتور لان دا يتمثل فى النعومة والسحب الجيد والسلاسة فى التعامل مع الجير بوكس ودا كلة انا جربتو مع الكليو بنفس الموتور وبايع العربية عاملة 165 الف كيلو وهيا بفضل الله بنفس كفائتهااا او علشان اكون دقيق اقل بنسبة بسيطة ولاكن اللوجان لسة متجربتش على المدى الطويل وكتيير من ملاكهااا اكدو ان فى رعشة فى النقلات وخاصة النقلات الاولى تقريبآ ودا يعرف حضرتك يعنى ايية فرق بين تكنولجيا لموتور وفتيس عن اخر والله الموفق