تعديل الإستمارة برجاء التثبيت

**amrahmedreda** · 30-11-2009 12:07 PM

معلش يا جماعه انا عايز ازود على البيانات دي مكان المعاينه و سن البائع لان الموضوع ده بيفرق في حالة العربيه لو شاب صغير بيهد العربيه و حركته بتبقى كتير بيها

1-ماركة السيارة
2-الموديل/السنة
3-عدد الكيلومترات
4-لون السيارة
5-الكماليات (كاسيت-تكييف-زجاج كهرباء-باور)
6-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة)
7-حالة الدواخل (رشة مناطق كذاوكذا او فابريكة)
8-حالة الصالون (معقول-جيد-جيد جدا - ممتاز- حالة نادرة)
9-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)
10-حالة الكاوتش (جديد او مستعمل كام كم؟)
11-حالة البطارية
12-مكان المعاينة
13-السعر المبد ئي كام (هل قابل للتفاوض او نهائي)
14-اسم صاحب الاعلان ورقم هاتفة
15-تاريخ انتهاء الرخصة؟
16-اول يد او ثاني او ثالث الخ الخ
17-امكانية البيع بتوكيل او اشتراط التسجيل
18-حالة الموتور

**mr_sameh** · 30-11-2009 02:14 PM

اعتقد سن البائع دي صعبه شويه

**tarekmomo** · 30-11-2009 04:36 PM

طيب ما هى دى الاستمارة اية الجدييييييييييييييييييييي ييد

**OZYDREAMS** · 30-11-2009 05:37 PM

سن البائع مش هيفرق كتيير لان فى ناس كبيرة ( راجل وبشعر أبيض وتحس بالوقار ) وتلاقيه بيضرب غرزة يعنى مش تفرق كتير أما بالبنسبة ففى شباب صغيرين بيحاسبوا على عربيتهم لان معتدقتش واحد لسه فى أول مستقبله جايب عربية من عرقه وهتلاقيه هاينها مع اختلاف طبعا طائفة بابى ومامى دى حاجه تانيه هم اخرهم يركبوا العربية ويروحوا مشوارهم ويرجعهوا متلزمهمش العربية اهم حاجه عندهم بتبقى البرستيج ده بقى يقولك ابقى خلى السواق يبعها ...... بس عاوز بس أقولك ان موضوع السن ده مش هيفرق كتير

**M_Nabil** · 30-11-2009 05:45 PM

مش معك طبعاً السن ليس له علاقة بالاستخدام اطلاقاً اضافة ليست في محالها.

**misoalex** · 30-11-2009 09:23 PM

مش حتفرق بس اعتقد ان مكان موضوعك قسم الاقتراحات حتلاقى الناس بيفيدوك اكتر و الاداره تتناقش معاك

**Ahmed_Gadalah** · 02-12-2009 12:52 AM

مش هتفرق كتير

**necromancor** · 19-12-2009 06:00 PM

مش بالسن لان ممكن يكون راجل كبير ومبيعرفش يسوق ويفضل يحرق في العربيه ومافتكرش ان فيه شباب فاضي انه يهلك العربيه لان اي واحد حتلاقيه وراه شغل وانه يبوظ العربيه يعني بالنسبه لييه وقت ضايع وفلوس وكمان ميكانيكيه فالسن مالوش حكم
ولا الشكل كمان لان ممكن تلاقي شاب وشكله كده روش وبتاع فالواحد يقول ده حتلقيه مطلع عين العربيه والعكس صح
اللي ممكن يضاف في الاستمار (شرط الفحص) دي كنت باشوفها في الكويت يعني عشان تشتر لازم تفحص وانا واحد من الناس ماببعش غير بكده يعني الي عايز العربيه يفحصها

**wasta** · 27-12-2009 02:45 PM

أنا ببايا بيسوق من أكتر من 25 سنه وسواقته تعبانه ومطلع عين العربيه وبيحرق على الغيار جامد ومبيغيرش زيت ألا كل فيييييين وفييييييييين ومش مهتم بالعربيه خالللللللللللص هوه معاه فيات 124 وهوه سنه تقريبا حوالى 62 ربنا يديله الصحه وأنا سنى 26 سنه وبحسس على العربيه ومعايا سويفت 93 وبشيك عليها دائما والحمد لله